Soponi 3:13 - Maktub gə́ To gə Kəmee

¹³ Ges Israɛlje gə́ nai lé D’a ra né gə́ kori-kori el ŋga ləm, D’a pata ŋgɔm el ləma, Dəw a kiŋga ta sukəmloo ta dee’g el ləm tɔ, Nɛ d’a kul rɔ dee ləm, d’a kwa rɔ dee ləm tɔ Ndá dəw kára kara a kɔm ɓəl dɔ dee’g el.

Soponi 3:13 ပူးပေါင်းရင်းမြစ်များ

2 Sôrta Gḭka Israɛlje 20:30

Bèe ɓa ɓeeko̰ lə Josapat to ne lɔm mbata Ala ləa ar loo-kwa-rɔ to gə looje lai.

Maktub gə́ wɔji dɔ Jɔb 11:19

I a to naŋg ndá dəw kára kara a jɔgi el, Dəwje bula d’a bɔr bèli.

Pakɔsje 119:3

Deḛ gə́ ra né gə́ kori-kori kára kara el ləma, Gə njaa gə goo rəwje ləa ya ləm tɔ.

Pakɔsje 120:2

Njesigənea̰, maji kari ɔrm ji njétaŋgɔmje’g ləm, Gə ji deḛ gə́ ndo̰ dee pata su ne kəm loo ləm tɔ.

Pakɔsje 120:3

I gə́ ndɔḭ su kəm loo lé see ɗi ɓa Ala ari wa. Esé see ɗi ɓa i iŋga keneŋ wa.

Pakɔsje 23:2

Yeḛ am m’wa rɔm dan mu gə́ təb gə́ idi lururu’g ləm, Yeḛ ɔr nɔm teḛ səm ta duu-mán’g ləm tɔ.

Esai 17:2

D’a kuba ɓee-booje gə́ Aroer kya̰ dee Kar dee tel to loo-kaar koso-nékulje, D’a to keneŋ ndá Dəw kára kara gə́ njera dee kar dee ɓəl lé a godo.

Esai 35:8

Rəw gə́ kul yududu gə́ to rəw-kwɔi a to keneŋ Ndá d’a ɓaree rəw gə́ to gə kəmee, Dəw gə́ mina̰ kára kara a dəs keneŋ el, Rəbee a to mbata lə koso-dəwje lə Njesigənea̰, Deḛ gə́ d’a njaa keneŋ lé Lé to mbəje kara D’a kaskəm ndəm rəw el.

Esai 54:14

I a kaar njaŋg gə goo néra gə́ gə dɔ najee, Nékula kəmi ndòo a tibi mbɔri el, Mbata né kára gə́ i a ɓəlee ndəb ne pəd-pəd lé a godo, Mbata a tibi mbɔri nda̰ el.

Esai 6:13

Ɓó lé ges njéɓeeje gə́ kudu dɔg nai loo kára Ndá d’a tel tuji pugudu. Nɛ to gə́ tuga ne kag-terebḭtə gə kag-sɛnə D’ar dɔ jigi dee nai lé Ginka gə́ to gə kəmee kara A kḭ gin koso-dəwje’g neelé tɔ.

Esai 60:21

Koso-dəwje ləi lai D’a to njéra né gə́ gə dɔ najee-je ləm, D’a kiŋga ɓee lé gə́ ka̰ dee gə no̰ ləm tɔ, Yee ɓa to barkəmkag gə́ ma ɓa ma̰a ləm, To kula gə́ jim ɓa ra ləm tɔ Gə mba karee ula rɔnduba dɔm’g.

Esai 63:8

Yeḛ pana: Tɔgərɔ ya, deḛ to koso-dəwje lə neḛ, Deḛ to ŋganje gə́ d’a to njékaltaje el. Yeḛ to njekaji lə dee.

Esai 65:10

Loo gə́ Saron a to loo-ko̰-mu lə ŋgan nékulje ləm, Wəl-loo gə́ Akɔr a to loo-to maŋgje ləm tɔ Gə mbata lə koso-dəwje ləm gə́ d’a saŋgəm lé.

Jeremi 23:4

M’a kunda njékulbadje dɔ dee’g kar dee d’ul dee. Deḛ d’a ɓəl el ŋga ləm, d’a ndəb pəd-pəd el ŋga ləma, yeḛ gə́ kára kara a kigi el ləm tɔ. Njesigənea̰ ɓa pa bèe.

Jeremi 30:10

I kura ləm Jakob, maji kari ɓəl el, Njesigənea̰ ɓa pa bèe, Israɛl, maji kari unda bala el! Mbata m’a kɔri dɔ naŋg gə́ əw’g ləm, M’a kɔr ŋgakaije ɓee-ɓər’d Gə́ d’isi keneŋ lé ləm tɔ, Jakob a tel ree ndá yeḛ a kiŋga Loo-kwa-rɔ gə loo-si-lɔm ləm, Dəw kára kara a jɔgee el ləm tɔ.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Ejekel 39:26

Yen ŋga meḛ dee a kwəi dɔ rɔkul-boo’g lə dee ləm, gə dɔ kaltaje lai gə́ deḛ d’al ta neḛ’g loo gə́ deḛ d’isi gə́ majee mee ɓee’g lə dee ar dəw kára kara jɔg dee keneŋ el lé ləm tɔ.

Ləbije 26:6

M’a kar meekulɔm to mee ɓee’g ləm, dəw kára kara a jɔg sí dɔ ɓi’g lə sí el ləm tɔ, m’a kar daje gə́ majel godo mee ɓee’g ləm, dəw a dəs gə kiambas mee ɓee’g lə sí el ləm tɔ.

Misee 4:4

Deḛ kára-kára lai lé nana kara a si gel kag-nduú’g ləa gə gel kag-kodé’g ləa-ləa ləm, Dəw kára kara gə́ a kɔm ɓəl dɔ dee’g a godo ləm tɔ, Mbata Njesigənea̰ gə́ njeboo-néje ɓa pa bèe.

Misee 4:7

Njémədje lé n’a kar dee tel to ges deḛ gə́ nai ləm, Deḛ gə́ n’tuba dee lé n’a tel dee gə́ ginkoji dəwje gə́ njésiŋgamoŋje ləm tɔ, Njesigənea̰ a ko̰ɓee dɔ dee’g dɔ mbal gə́ Sio̰ Un kudee mee ndəa’g neelé saar gə no̰.

Misee 7:14

Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.

Soponi 2:7

Ta baa-boo-kadje neelé d’a to mbata ges gel-bɔje lə Juda gə́ nai, Lée neelé ɓa d’a kul rɔ dee keneŋ: Loondul ndá d’a kwa rɔ dee mee kəije’g lə Askalo̰: Mbata Njesigənea̰, Ala lə dee lé Mée a kwəi dɔ dee’g el Ndá yeḛ a kɔr dee ɓee-ɓər’g lə dee tel ree sə dee.

Soponi 3:5

Njesigənea̰ to njera né gə dɔ najee mbuna dee’g Ɓó yeḛ ra né gə́ majel kára kara el. Teḛ gə ndɔ gə ndɔje kára-kára lai lé Yeḛ riba dɔ rəwta ləa ar dee d’oo Ɓó lal gɔl kára el. Nɛ njémeeyèrje lé rɔkul ra dee el!

Jakari 8:12

Mbata kandə néje gə́ deḛ dubu lé A teḛkɔr ləm, Nduú a kul bo̰-bo̰ gə ka̰dee ləm, Naŋg a kar dee nésɔ dee ləma, Dara a kar dee mán-tàl ləm tɔ, Bèe ɓa n’a kar ges koso-dəwje gə́ nai neelé D’al rɔ dee wɔji dɔ néje’g neelé lai ya.

Jakari 8:16

Aa ooje, né gə́ kəm kar sí raje ɓa nee: Ulaje na̰ kankəmta mbuna na̰’d ləm, Gaŋje rəwta tarəwkɔgje’g lə sí gə goo rəbee Mba si ne gə meekulɔm ləm tɔ.

Jakari 8:3

Njesigənea̰ pa togə́bè pana: Neḛ n’tel n’ree Sio̰, Neḛ ndigi si dan njé gə́ Jerusalem’g. D’a ɓar Jerusalem lé ɓee-boo gə́ njekila koji ləm, Mbal lə Njesigənea̰ gə́ njeboo-néje lé D’a ɓaree mbal gə́ to gə kəmee ləm tɔ.

Matiyo 13:41

Ŋgon-dəw lé a kula kuraje ləa gə́ dara mba kar dee ree tɔr né gə́ njetuga gɔl dee ləm, gə deḛ gə́ njéra néje gə́ yèr lé ləm tɔ, d’a tɔr dee ɓɔgədɔ-ɓɔgədɔ.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

Njé gə́ Kolosə 3:9

Ulaje na̰ taŋgɔm mbuna sí’g el mbata dəw gə́ ləw gə néreaje lé seḭ ɔrje jo̰gee ubaje ya̰je mba̰,

1 Piɛrə 3:14

Loo gə́ seḭ sije dan némeeko̰’g mbata seḭ raje né gə goo rəbee kara rɔ sí a lel sí ne. Ɓəlje né gə́ dəwje ɓa ɓəl bèe el ləm, arje meḛ sí pélé wəs-wəs el ləm tɔ.

1 Ja̰ 5:18

Jeḛ n’gər gao, nana ɓa gə́ Ala ojee lé ra kaiya el, nɛ yeḛ gə́ Ala ojee lé aa rəa kər-kər ndá njetakori lé a koo loo gə mba kwá ne peb el tɔ.

Loo gə́ killa rea kəm Ja̰’g 14:5

D’oo taŋgɔm kára kara ta dee’g el mbata deḛ to dəwje gə́ ta kára kara wa dɔ dee el.

Loo gə́ killa rea kəm Ja̰’g 21:27

Né gə́ rara gə́ to né gə́ mina̰ əsé ram-dəw gə́ ula rəa dan néndɔlje’g əsé dan néŋgɔmje’g lé d’a kandə mee ɓee’g neelé el. Deḛ gə́ ri dee to mee maktub kəmə’g lə Ŋgonbad lé ɓa d’a kandə keneŋ ya.

Loo gə́ killa rea kəm Ja̰’g 21:8

Nɛ njérəmje ləm, gə njépole-magəje ləm, gə ram-dəwje ləm, gə njetɔl dəwje ləm, gə njémɔdkaiyaje ləm, gə njékərgosoje ləm, gə njépole-magəje ləma, gə njéŋgɔmje lai ləm tɔ lé deḛ nja d’a kiŋga loo lə dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir lé yee ɓa to gə́ yoo gə́ joo lé ya.