Soponi 3:11 - Maktub gə́ To gə Kəmee

¹¹ Mee ndəa’g neelé seḭ a raje kəmkul dɔ néje lai gə́ seḭ raje Loo gə́ seḭ raje kaiya ɔsje ne ta lə neḛ rəw lé el, Mbata n’a tɔr njékun baŋga kunda ne dɔ dee tarje lé mbuna sí’g ləm, Seḭ a tije rɔ sí dɔ mbal’g lə neḛ gə́ to gə kəmee lé el ŋga ləm tɔ.

Soponi 3:11 ပူးပေါင်းရင်းမြစ်များ

Pakɔsje 131:1

Pakɔs kḭ kaw tuga ne loo ɗao-ɗao gə́ tar. Ka̰ Dabid. Njesigənea̰, ma lé m’ti rɔm el ləm, Esé m’aa loo gə kəm beelé el ləm tɔ, Néje gə́ boi-boi əsé néje gə́ d’al dɔm sula lé kara M’jɔg rɔm gə mba dee el tɔ.

Pakɔsje 49:5

M’ur mbim gèŋ dɔ gosotaje gə́ d’ula məəm’g ləm, Ndu kṵdu-kag gə́ ɓar lé Am m’un kudu kɔs ne pa ləm tɔ.

Pakɔsje 59:12

Maji kari tɔl dee el nà banelə dəwje ləm lé D’a kar meḛ dee wəi dɔ’g sel, Ra dee ar dee d’ila tar mbir-mbir Gə goo siŋgamoŋ ləi lé ar dee tal toso ne ya Mbaidɔmbaije, i gə́ to dər-rɔ lə sí lé ya.

Esai 11:9

Dɔ mbal’g ləm gə́ to gə kəmee bura lé Dəwje d’a ra né gə́ majel əsé d’a tuji né keneŋ el Mbata gər Njesigənea̰ a taa dɔ naŋg nee pəl-pəl Asəna gə mán gə́ ɔn dɔ ŋguru baa-boo-kad gə́ bər lé bèe.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 5:15

Dəwje gə́ kari d’a kula dɔ dee ləm, Njé gə́ boo-boo d’a koso kul ləma, Njékəstarje d’a kula dɔ dee ləm tɔ.

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Esai 56:7

Ndá m’a kaw sə dee dɔ mbal’g ləm Gə́ to gə kəmee ləm, M’a kar dee d’al rɔ dee Mee kəi-ra-tamaji’g ləm ləma, Nékinjaməsje lə dee gə́ ka̰ roo Gə nékinjanéməsje lə dee gə́ raŋg lé D’a taa kəm rəgm dɔ loo-nékinjaməs’g ləm ləm tɔ. Mbata kəi ləm lé D’a ɓaree kəi-ra-tamaji Mbata lə koso-dəwje lai-lai ya.

Esai 61:7

Rɔkul ɓa seḭ iŋgaje kédé Nɛ a kiŋgaje né ka̰ sí dɔ maree’g gɔl joo toree’g ləm, Boo-rɔkul ɓa deḛ d’isi ne kédé Nɛ d’a kal rɔ dee gə mba né ka̰ dee-deḛ ɓəi ləm tɔ, D’a kiŋga ne né gə́ to ka̰ dee Dɔ maree’g gɔl joo mee ɓee’g lə dee ləm, Rɔlel lə dee a to saar gə no̰ ləm tɔ.

Jeremi 13:9

Njesigənea̰ pa togə́bè pana: To kára ba asəna gə tuji gə́ n’a gə tuji ne beelé lə Judaje ləm, gə beelé lə njé gə́ Jerusalem gə́ al dɔ loo sula lé ləm tɔ.

Jeremi 7:4

Undaje meḛ sí yel dɔ ta sukəmlooje gə́ pana: Loo neelé to kəi lə Njesigənea̰, to kəi lə Njesigənea̰ ya bèe el.

Ejekel 20:40

Mbata dɔ mbal lə neḛ gə́ to gə kəmee gə́ to mbal lə Israɛlje gə́ ŋgal lé lée neelé ɓa gel-bɔje lə Israɛl lai gə́ to deḛ lai gə́ d’isi mee ɓee’g neelé d’a kwa neḛ meḛ dee’g keneŋ, Mbaidɔmbaije gə́ Njesigənea̰ ɓa pa bèe, lé neelé ɓa n’a kwa dee gə́ rɔ neḛ’d gə́ majee keneŋ ləm, n’a ndigi nékarje lə sí gə́ to kandə nénojije lə sí gə́ doŋgɔr ləm, gə néje lai gə́ seḭ a kundaje gə kəmee kar neḛje lé ləm tɔ.

Ejekel 24:21

Maji kam m’ula gel-bɔje lə Israɛl m’pana: Mbaidɔmbaije gə́ Njesigənea̰ pa togə́bè pana: Aa ooje, n’a gə kila ndɔl dɔ loo lə neḛ gə́ to gə kəmee gə́ to néti-rɔ dɔ siŋgamoŋ’d lə sí ləm, gə to ŋgonkəm sí ləma, gə né gə́ seḭ undaje dan kəm sí’g ləm tɔ. Ŋgan síje gə́ diŋgam gə njé gə́ dené gə́ seḭ ya̰ deeje lé d’a kwəi yoo-kiambas tɔ.

Loo gə́ killa rea kəm Daniel’g 9:16

Ǝi Mbaidɔmbaije, gə goo boo-meekoso lemsé ləi lé maji kari un oŋg ləi gə meekḭ jugugu ləi dɔ ɓee-boo’g ləi gə́ Jerusalem gə dɔ mbalje’g ləi gə́ to gə kəmee lé gə́ raŋg. Mbata kaiya ra síje gə néra kori-korije lə bɔ síje-je lé yee ɓa ar Jerusalem gə koso-dəwje ləi tel to ne nérɔkul kəm dəwje lai gə́ gugu dɔ sí sub lé.

Loo gə́ killa rea kəm Daniel’g 9:20

Loo gə́ m’isi m’pata ya ɓəi ləm, m’ra tamaji ləm, m’teggin kaiya ləm gə kaiya lə dəwje ləm gə́ Israɛl ləma, m’ra ndòo rɔ Njesigənea̰ Ala’g ləma, m’wɔji ne dɔ mbal lə Ala ləm gə́ to gə kəmee ləm tɔ,

Misee 3:11

Njégaŋ-rəwtaje lə dee gaŋg rəwta Mbata lə néndogo-gel ləm, Njékinjanéməsje lə dee ndoo dəwje né Mbata ne k’uga dɔ ji dee ləma, Njéteggintaje lə dee pata néje gə́ d’a gə ree Taa ne lar ləm tɔ. Deḛ nduna rɔ dee rɔ Njesigənea̰’g pa ne pana: See Njesigənea̰ si mbuna neḛje’g el wa. Némeeko̰ kára kara a tibi mbɔr neḛje el.

Bula lə Israɛlje 16:3

Deḛ mbo̰ dɔ na̰ rɔ Moyis’g gə rɔ Aaro̰’g d’ula dee pana: Ɓasinè lé as ŋga! Mbata koso-dəwje lai lé to gə kəmee ləm, Njesigənea̰ si mbuna dee’g ləm tɔ. See ban ɓa seḭ ooje rɔ sí gə dəwje gə́ boo ur dɔ koso-dəwje’g lə Njesigənea̰ lé ɓəi wa.

Matiyo 3:9

ɓó ulaje rɔ sí pajena: Jeḛ lé Abrakam ɓa to gə́ bɔ síjeḛ, maji kar sí paje togə́bè el! Mbata ma m’ula sí təsərə, Ala askəm tel kɔr mbalje gə́ to neelé gə́ ŋganje kar Abrakam ya.

Njé gə́ Rɔmə 2:17

I gə́ ɓar rɔi Jib, i nduna rɔi kaar Godndu’g ləm, i ti rɔi dɔ Ala’g ləm tɔ,

Njé gə́ Rɔmə 9:33

to gə́ maktub gə́ to gə kəmee pa lé: Aa ooje, m’unda pil mbal mee ɓee gə́ Sio̰, To mbal gə́ a tuga gɔl dee kar dee d’oso ne Ndá yeḛ gə́ ɔm mée dəa’g ndá rɔkul a dəb dəa’g el.

1 Piɛrə 2:6

Mbata maktub gə́ to gə kəmee lé kara pa pana: Aa ooje, ma m’unda mbal mee ɓee gə́ Sio̰, To mbal kunda dɔ kum kəi m’ɔr m’unda gə kəmee ləm, Gadee to yaa̰ ləm tɔ. Nana ɓa gə́ ɔm mée dəa’g ndá a ra kəmkul el.