Soponi 2:8 - Maktub gə́ To gə Kəmee

⁸ Neḛ n’oo ta tajikilje lə Moabje ləm, Gə nérɔkulje lə Amo̰je ləm tɔ Loo gə́ dee d’ula ne sul dɔ koso-dəwje’g lə neḛ ləm, D’unda ne dɔ dee tar gə kəsta Naji ne sə dee rəw-nimje ləm tɔ.

Soponi 2:8 ပူးပေါင်းရင်းမြစ်များ

Gḭ-Néje 19:37

Ŋgondər lé oji ŋgon gə́ diŋgam ndá yeḛ unda ria lə Moab, yeḛ to njekunda gin Moabje saar teḛ ɓogənè.

Gḭ-Néje 19:38

Yeḛ gə́ ndɔḭ kara oji ŋgon gə́ diŋgam ya tɔ ndá yeḛ unda ria lə Ben-Ami, yeḛ lé to njekunda gin Amo̰je saar teḛ ɓogənè lé tɔ.

Esai 15:1

Ndərta gə́ pa wɔji dɔ Moabje. Mee til gə́ kára gə́ ɓee-boo gə́ Ar-Moab tuji pugudu-pugudu lé Yee sané pá ləm, Mee til gə́ kára lé ɓee-boo gə́ Kir-Moab tuji pugudu-pugudu lé Yee sané pá ləm tɔ.

Esai 16:6

Jeḛ j’ooje sor beelé lə Moabje gə́ to beelé gə́ ur dɔ loo ləm, Gə kəsta, gə beelé, gə ti rɔ lə dee, Gə tapa deeje gə́ gə mḭdé-mḭdé ba ləm tɔ.

Jeremi 12:14

Njesigənea̰ pata togə́bè wɔji ne dɔ njéboataɓeeje ləm gə́ to njémeeyèrje pana: Deḛ tuji nédɔji gə́ n’ar dəwje lə neḛ gə́ Israɛl. Aa ooje, n’a kɔr dee mee ɓee’g lə dee ləm, n’a kɔr gel-bɔje lə Juda kara mbuna dee’g ləm tɔ.

Jeremi 48:1

Ta gə́ wɔji dɔ Moabje. Njesigənea̰ gə́ njeboo-néje gə́ to Ala lə Israɛlje pa togə́bè pana: Meeko̰ oso dɔ njé gə́ Nebo Mbata ɓee-boo lə dee tuji! Njé gə́ Kirjatayim d’isi gə rɔkul Mbata deḛ taa ɓee-boo lə dee ləm, Njé gə́ Misgab kara d’isi gə rɔkul Mbata deḛ tuji ɓee-boo lə dee Pugudu-pugudu ləm tɔ.

Jeremi 49:1

Ta gə́ wɔji dɔ Amo̰je. Njesigənea̰ pa togə́bè pana: See Israɛl lé see ŋgonee gə́ diŋgam godo wa. See njekwa nénduba ləa godo wa. See gelee ban ɓa magə-Malkɔm Taa ɓee gə́ Gad gə́ kea̰ ləm, Ar koso-dəwje ləa d’isi Mee ɓee-booje gə́ keneŋ ləm tɔ wa.

Nɔ̰-ndôo gə́ wɔji dɔ Jerusalem 3:61

Njesigənea̰, ndɔl gə́ d’ila dɔm’g lé I oo gao lem, Njuma̰je lai gə́ d’ula meḛ na̰’d dɔm’g lé kara I oo ya ləm tɔ.

Ejekel 21:28

Deḛ d’oo né neelé gə́ nékooje gə́ kari ba, deḛ gə́ manrɔ dee mba̰ lé. Nɛ yeḛ lé yeḛ ar mée olé dɔ néra kori-korije’g lə dee ndá d’a kwa dee kaw sə dee ɓee-ɓər’g ya.

Ejekel 25:1

Njesigənea̰ ulam ta gə rɔtaje nee pana:

Ejekel 35:12

Seḭ a gərje to gə́ neḛ Njesigənea̰ lé n’oo ta ndɔlje lə sí gə́ seḭ paje ilaje dɔ deḛ gə́ d’isi dɔ mbalje gə́ Israɛl, loo gə́ seḭ paje ne pana: Deḛ tuji pugudu-pugudu mba̰, d’ɔm dee ji sí’g asəna gə nékwa bèe.

Ejekel 36:2

Mbaidɔmbaije gə́ Njesigənea̰ pa togə́bè pana: Mbata njeba̰ pata dɔ sí’g pana: Bèe ya ɓa, bèe ya ɓa! Dɔdərlooje gə́ Israɛl gə́ ləw lé tel to ka̰ neḛje!

Amɔs 1:13

Njesigənea̰ ɓa pa togə́bè pana: Gə mbata kaiya ra Amo̰je gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ ta̰ meḛ denéje gə́ Galaad gə́ d’aw gə kèm Gə mba kar tad dɔ naŋg lə dee-deḛ ḭ dɔ ne maree’g ɓəi.

Amɔs 2:1

Njesigənea̰ ɓa pa togə́bè pana: Gə mbata kaiya ra Moabje gə́ aw gə́ kédé-kédé lé Ndá n’a tel gə ndu neḛ nda̰ el, Mbata deḛ roo siŋga mbai gə́ Edɔm Ar buée ndá to gə́ pɔrɔ bèe.

Soponi 2:10

Néje neelé a teḛ dɔ dee’g Mbata beelé lə dee, Mbata dee d’ula sul dɔ koso-dəwje’g lə Njesigənea̰ gə́ njeboo-néje lé D’unda ne dɔ dee tar.

Jujé 5:9

Njesigənea̰ ula Juje pana: Ɓogənè m’ɔr ta rɔkul gə́ Ejiptə dɔ sí’g mba̰. Gelee gə́ nee ɓa d’unda ne ri loo neelé lə Gilgal un kudee mee ndəa gən saar teḛ ne ɓogənè tɔ.