Soponi 2:5 - Maktub gə́ To gə Kəmee

⁵ Meeko̰ a koso dɔ dəwje lai gə́ d’isi ta baa-boo-kad’g Gə́ to ginkojije gə́ Keret. Seḭ Kana̰je gə́ dɔ naŋg gə́ Pilisti lé Njesigənea̰ pata ɔs sí ne rəw! Yeḛ pana: N’a tuji sí pugudu kar dəwje godo mee ɓee’g neelé.

Soponi 2:5 ပူးပေါင်းရင်းမြစ်များ

Esai 14:29

I ɓee lə Pilistije lé Kag-tɔs gə́ kundai ne gə́ təd lé Maji kari ra rɔlel gə mbəa el! Mbata ginka li lé ɓa Li-ŋgɔrŋgɔnd a kḭ keneŋ Ndá da-kɔb gə́ nar bag lé a kḭ ginee ya tɔ.

Esai 14:30

Togə́bè ɓa deḛ gə́ to gə́ njéndooje d’unda mar deeje lé D’a kiŋga nésɔ dee ləm, Deḛ gə́ njénékəmndooje lé kara D’a si lɔm ləm tɔ, Nɛ n’a tɔl ŋgirai gə ɓoo-boo ləm, Ges dəwje ləi gə́ nai lé D’a tɔl dee ləm tɔ.

Jeremi 47:7

See i a kwa rɔi to gə́ ban wa. Njesigənea̰ aree ndukunje ləa, Mba karee aw Askalo̰ gə mbɔr baa-boo-kad’g Lée neelé ɓa yeḛ ndigi karee aw’g.

Ejekel 25:16

gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, n’a kula ji neḛ ndiŋ dɔ Pilistije’g ndá n’a tuji Keretje ləm, ges deḛ gə́ nai ta baa-boo-kad’g lé kara n’a tuji dee pugudu ya ləm tɔ.

Amɔs 3:1

Seḭ Israɛlje gə́ m’ar sí undaje loo teḛje mee ɓee gə́ Ejiptə lé maji kar sí ooje ta nee gə́ Njesigənea̰ pa sə sí lé!

Amɔs 5:1

Seḭ gel-bɔje lə Israɛl lé urje mbi sí ooje ne ta nee gə́ ma m’no̰ ne gə meeko̰yoo mbata lə sí lé.

Soponi 1:11

Seḭ dəwje gə́ síje Maktes lé Gə́ no̰je tuma̰je ŋgururu-ŋgururu ya! Mbata deḛ lai gə́ to njérab-néndogoje lé D’wəi mba̰ ləm, Deḛ lai gə́ to njételkəmlarje lé D’udu guduru mba̰ ləm tɔ.

Soponi 3:6

Ma m’tuji ginkoji dəwje gə raŋg M’ar dee d’udu guduru ləm, Kəi-kaar-kɔgərɔje lə dee kara Ma m’tuji ləm tɔ, M’ar mba̰-rəwje lə dee tuji pugudu ləm, Njedəs keneŋ kara godo ləm tɔ! Ɓee-booje lə dee tuji pugudu ləm, Dəwje gə́ d’isi keneŋ kara godo ləm tɔ.

Jakari 1:6

Lée togə́bè kara taje lə neḛ gə tornduje lə neḛ gə́ n’ar kuraje lə neḛ gə́ njéteggintaje lé see wa dɔ ka síje-je el wa. Deḛ d’ɔs badm tel ndá dee pana: Njesigənea̰ gə́ njeboo-néje ra sə sí to gə́ yeḛ wɔji gə goo panjaa sí gə néra síje lé ya.

Mark 12:12

Deḛ saŋg rəw kwá mbata deḛ gər gao, ta gə́ Jeju pa lé wɔji dɔ dee-deḛ ya, nɛ deḛ ɓəl boo-dəwje gə́ d’aar keneŋ. Togə́bè deḛ d’ubá d’yá̰ d’ɔd d’aw.

Jujé 13:2

Ges ɓeeje gə́ nai lé ɓa nee: Dəb ɓeeko̰je lə Pilistije lai ləm, gə dɔ naŋg ɓee lə Gesurje ləm tɔ,

Jujé 13:3

un kudee baa gə́ sihor gə́ tel kəmee ar ɓee gə́ Ejiptə saar teḛ ne rəw-nim-ɓee gə́ Ekro̰ par gə́ dɔgel, dɔ naŋg gə́ kəm tura gə ka̰ Kana̰je na̰’d ar mbaije gə́ boo lə Pilistije mi d’isi keneŋ lé. Mbai gə́ si Gaja ləm, yeḛ gə́ Asdod ləm, yeḛ gə́ Askalo̰ ləm, yeḛ gə́ Gat ləma, gə yeḛ gə́ Ekro̰ ləm tɔ, tɔɓəi Abije kara d’isi keneŋ tɔ,

Njéga̰g-Rəwtaje 3:3

Ginkoji dəwje gə raŋg lé ɓa nee: Mbaije gə́ mi gə́ to mbai dɔ Pilistije ləm, gə Kana̰je lai ləm, gə Sido̰je ləma, gə Hebje gə́ d’isi kaar mbal gə́ Liba̰, un kudee kaar mbal gə́ Baal-Hermo̰ saar teḛ ne tarəw ɓee-boo gə́ Amat ləm tɔ.

1 Samel 30:14

Jeḛ j’awje wai par gə́ dɔkɔl lə Keretje, dɔ naŋg ɓee’g lə Judaje ləma, gə dɔkɔl lə Kaleb ləm tɔ ndá jeḛ n’rooje Siklag dula-dula tɔ.