Soponi 2:13 - Maktub gə́ To gə Kəmee

¹³ Yeḛ a kula jia par gə́ dɔgel ndá Yeḛ a tuji Asirije ləm, Yeḛ a kar ɓee gə́ Ninibə tel to nduba piu-piu ləma, Naŋg ləa a tudu kurum-kurum asəna gə dɔdilaloo bèe ləm tɔ.

Soponi 2:13 ပူးပေါင်းရင်းမြစ်များ

Esai 10:12

Nɛ loo gə́ Mbaidɔmbaije a tɔl ŋgaŋ kula ləa bém dɔ mbal gə́ Sio̰ gə dɔ njé gə́ Jerusalem ndá yeḛ a kar bo̰ néra mbai gə́ Asiri ɔs təa’g mbata né beelé gə́ to dɔɓəŋgəree’g ləm, gə kəsta gə́ yeḛ ti ne rəa mugugu-mugugu ləm tɔ.

Esai 10:16

Gelee gə́ nee ɓa Mbaidɔmbaije, Gə́ to Mbaidɔmbaije gə́ njeboo-néje lé A kula gə né gə́ a kar njérɔje ləa Gə́ rɔ dee to kɔgərɔ-kɔgərɔ lé D’a kəŋg ne kəŋ-kəŋ, Tɔɓəi gin boo-ronduba ləa lé Né a nduba gə́ raga keneŋ To gə́ pər gə́ o̰ bèe.

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 11:11

Mee ndəa’g neelé ya Mbaidɔmbaije a kun jia tar gɔl kára ya ɓəi Mba taa ne dɔ ges koso-dəwje gə́ nai lé gogo, Deḛ gə́ sanéna̰ mee ɓee gə́ Asiri, gə Ejiptə, Gə Patros, gə Etiopi, Gə Elam, gə Sineyar, gə Amat, Gə dɔgoré-looje gə́ dan baa-boo-kad’g tɔ.

Esai 14:26

Aa ooje, yee ɓa gə́ né gə́ m’wɔji-kwɔji ra Gə njé gə́ naŋg nee lai ləm, Aa ooje, yee ɓa gə́ jim gə́ m’tɔji ginkoji dəwje gə raŋg lai dɔ naŋg nee ləm tɔ.

Esai 37:37

Togə́bè ɓa Sa̰kɛrib, mbai gə́ Asiri lé ḭ loo-siée’g tel aw ɓee ndá si Ninibə.

Jeremi 49:33

Ɓee-boo gə́ Asɔr A to loo-to tàlje ləm, A to dɔ nduba ya saar gə no̰ ləm tɔ, Dəw kára kara a ra ɓee keneŋ el ləm, Dəw a si keneŋ el ləm tɔ.

Junas 1:2

Maji kari ḭta, aw Ninibə ɓee-boo’g neelé aw ila mber ndaŋg dee ne mbata néra deeje gə́ yèr lé aw njal teḛ rɔm’g ya.

Junas 3:2

Ḭta, aw Ninibə, ɓee-boo gə́ neelé ndá ula dee taje gə́ ma m’un ne ndum m’ari lé ya.

Misee 5:6

Ges Jakobje d’a nai mbuna koso-dəwje gə́ bula digi-digi’g To gə́ mán-tàl gə́ ḭ rɔ Njesigənea̰’g ləm, To gə́ mán-tàl gə́ wa dɔ muje’g bèe ləm tɔ, Gə́ gelee ḭ rɔ dəwje’g el ləm, Gə́ gəd rəa dɔ dəwje’g el ləm tɔ.

Nahum 1:1

Maktub némḭdi gə́ to ndərta gə́ wɔji dɔ ɓee gə́ Ninibə gə́ Nahum, dəw gə́ Elkos oo lé.

Nahum 3:15

Nɛ lé neelé ɓa pər a roo sí keneŋ ləm, Kiambas a tuji sí pugudu ləma, A tuji sí to gə́ beedéje bèe ləm tɔ. Maji kar sí toje dɔ na̰’d rib-rib to gə́ ndirikɔrje bèe ləm, Toje dɔ na̰’d rib-rib to gə́ beedéje bèe ləm tɔ!

Nahum 3:7

Deḛ lai gə́ d’a koo sí lé D’a kaḭ kunda rɔ dee ŋgərəŋ pana: Ninibə lé tuji pugudu mba̰! See na̰ ɓa a no̰ nea̰ wa. See loo gə́ ra ɓa n’a saŋg njégɔl meḛ síje keneŋ wa.

Soponi 1:4

N’a tuji Judaje Gə dəwje lai gə́ d’isi Jerusalem gə ji neḛ, N’a tuji ges magə-Baal gə́ nai lée’g neelé pugudu-pugudu ləm, Gə ri njékulaje ləa gə njékinjanéməsje ləa sə dee na̰’d ləm tɔ.