Soponi 2:12 - Maktub gə́ To gə Kəmee

¹² Seḭ Etiopije kara N’a kar sí wəije yoo-kiambas tɔ.

Soponi 2:12 ပူးပေါင်းရင်းမြစ်များ

Pakɔsje 17:13

Njesigənea̰, maji kari ḭta tila kəmee Mba kɔsee kilá ya! Un kiambas ləi ɔrm ne ji njemeeyèr’g lé!

Esai 10:5

Njesigənea̰ pana: Meeko̰ a koso dɔ Asirije’d Gə́ to ndəi gə́ wɔji dɔ oŋg ləm Ndəi gə́ to ji dee’g lé ɓa To nékula gə́ wɔji dɔ boo-oŋg ləm tɔ.

Esai 13:5

Deḛ d’ḭ mee ɓee gə́ əw’g Gə́ gwɔi naŋg lé, Njesigənea̰ gə nékulaje gə́ wɔji dɔ oŋg ləa lé D’a gə tuji dɔ naŋg nee lai.

Esai 20:3

Bèe ɓa Njesigənea̰ pa pana: To gə́ kura ləm Esai njaa ne gə kudee dum ləm, gə gɔlee kari ba ləm tɔ lé, né gə́ a gə teḛ mee ləbje munda gə́ a gə ree lé a to nétɔji ləm gə né gə́ teḛ kédé ar dee d’oo ləm tɔ gə mbata lə Ejiptəje gə Etiopije tɔ.

Esai 43:3

Mbata ma m’to Njesigənea̰, Ala lə sí, Njerɔkunda lə Israɛlje to gə́ njekaji sí, Ma m’ar Ejiptə gə́ nékoga dɔ sí ləm, Ma m’ar Etiopi gə Saba m’taa ne tor sí ləm tɔ.

Ejekel 30:24

N’a kar kag ji mbai gə́ Babilɔn ɓar mèr-mèr ləm, n’a kula kiambas lə neḛ jia’g ləm tɔ, n’a təd kag ji Parao̰ ndá yeḛ a tuma̰ ŋgururu-ŋgururu nea̰’g asəna gə dəw gə́ iŋga doo gə́ as yoo bèe.