Soponi 1:7 - Maktub gə́ To gə Kəmee

⁷ Maji kar sí sije gə ta sí gə́ mundu no̰ Mbaidɔmbaije gə́ Njesigənea̰’g! Mbata ndɔ lə Njesigənea̰ nai dəb ba ŋga ləm, Mbata Njesigənea̰ wa dɔ gɔl nékinjaməs ləma, Yeḛ mbər njé gə́ yeḛ a gə ɓar dee lé ləm tɔ.

Soponi 1:7 ပူးပေါင်းရင်းမြစ်များ

Maktub gə́ wɔji dɔ Jɔb 24:1

See gelee ban ɓa Bao-siŋgamoŋ unda ndɔ gaŋg-rəwta kul el wa See gelee ban ɓa deḛ gə́ gəree lé gər ndɔje ləa neelé el wa.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Esai 13:3

Ma m’un ndum m’ar koso-dəwje ləm Gə́ m’unda dee gə kəmee, Ma m’ɓar bao-rɔje, Deḛ gə́ d’al rɔ dee dɔ riɓar’g ləm Gə mba kar dee riba dɔ oŋg ləm pərəg lé.

Esai 13:6

Maji kar sí no̰je, siije mbigi-mbigi Mbata ndɔ lə Njesigənea̰ si aw gə́ nee dəb, Yeḛ ree asəna gə nétuji Gə́ ḭ rɔ Bao-siŋgamoŋ’d bèe.

Esai 2:12

Mbata ndɔ lə Njesigənea̰ lə bao-rɔje to keneŋ Gə mba karee gaŋg ne ta dɔ dəw gə́ rara’g Gə́ to njebeelé gə njeti rəa ləm, Mba karee gaŋg ne ta dɔ dəw gə́ rara’d Gə́ unda dəa tar lé karee ula dəa ləm tɔ,

Esai 29:2

M’a kaḭ dɔ Ariel sub gə rɔ Ndá no̰ ndòo gə tuma̰ ŋgururu-ŋgururu d’a taa loo keneŋ, Bèe ɓa ɓee-boo lé a to kasəna gə́ Ariel mbam-ma ya.

Esai 34:5

Kiambas ləm teḛ mee dara’g, Aa ooje, yee a kḭ kur dɔ Edɔmje’g Dɔ koso-dəwje gə́ m’wɔji njaŋg Mba gaŋg rəwta dɔ dee’g tuji dee ne pugudu-pugudu.

Esai 34:6

Kiambas lə Njesigənea̰ lé məs gə ubu wa keneŋ mbəgə-mbəgə, To məs ŋgan badje gə bàl bya̰je ləm, To ubu gə́ wa reŋ bàl badje ləm tɔ, Mbata nékinjaməs lə Njesigənea̰ To mee ɓee-boo gə́ Bosra ləm, Yoo-dəwje to naŋg rib-rib mee ɓee gə́ Edɔm ləm tɔ.

Esai 6:5

Yen ŋga m’ula m’pana: Meeko̰ oso dɔm’g! Ma m’tuji mba̰ mbata m’to dəw gə́ tapam majel ləm, m’isi mbuna dəwje gə́ tapa dee majel’g ləm tɔ. Nɛ kəm oo Mbai gə́ to Njesigənea̰ gə́ njeboo-néje ya.

Jeremi 46:10

Ndɔ gə́ ɓogənè to ndɔ lə Mbaidɔmbaije, Njesigənea̰ gə́ njeboo-néje, Ndɔ neelé to ndɔ dalba̰, Areeje dal ne ba̰ gə njéba̰je ləa. Kiambas sɔ né aree asee nag-nag ləm, Yee ai məs dee ndan tub-tub ləm tɔ. Mbata deḛ to nékinjanéməsje Le Mbaidɔmbaije gə́ Njesigənea̰ gə́ njeboo-néje Mee ɓee gə́ dɔgel ləm, Gə dɔ koŋgo baa-boo gə́ Epratə ləm tɔ.

Ejekel 7:10

Aa ooje, ndɔ gaŋg rəwta lé ŋga! Aa ooje, ndəa neelé si ree! Kàree teḛ mba̰! Ndəi lé ḭ ləm, beelé nduba rəa gə́ raga ləm tɔ!

Ejekel 7:7

Seḭ dəw-mee-ɓeeje lé kàree lə sí teḛ mba̰, ndəa si aw gə́ nee dəb, to ndɔ mee pélé wəs-wəs ndá ndu rɔlelje godo dɔ mbalje’g ŋga.

Joɛl 1:15

Ai, ndɔ nee a to ndɔ gə́ ban wa! Mbata ndɔ lə Njesigənea̰ nai dəb ba. Yee a ree asəna gə nétuji gə́ ḭ rɔ Bao-siŋgamoŋ’d.

Joɛl 2:11

Njesigənea̰ pata ar dee d’oo ndia no̰ bao-rɔje’g ləa, Mbata loo-siée un loo lad-lad, Njekar ta ləa aw lée’g béréré lé To Njesiŋgamoŋ, Mbata ndɔ lə Njesigənea̰ lé To ndɔ gə́ boo ləm, to ɓəl kədm-kədm ləm tɔ, See na̰ ɓa a kaskəm kaar dɔ gɔlee’g njaŋg wa.

Amɔs 6:10

Loo gə́ ŋgoko̰ dəw un ninee mba roo ɓa yeḛ teḛ gə siŋgaje gə́ raga ndá yeḛ a dəji dəw gə́ sí duu-loo’g mee kəi’g lé pana: See dəw kára nai səi ɓəi wa. Ndá yeḛ a kilá keneŋ pana: Wah, dəw godo... Tɔɓəi yeḛ a pa pana: Wa tai. Ɓasinè lé to kəm kar sí m’ɓar ri Njesigənea̰ el.

Amɔs 8:3

Mee ndəa gə́ neelé ndu pa gə́ mee kəi’g lə mbai lé A tel to gə́ ndu no̰ gə kii, Mbaidɔmbaije gə́ Njesigənea̰ ɓa pa bèe, D’a kodo nin dəwje bula yaa̰ Kɔm gə looje lai, Kar kaa mbi loo pa doi-doi.

Habakuk 2:20

Njesigənea̰ si mee kəi’g ləa gə́ to gə kəmee lé. Maji kar dəwje lai gə́ dɔ naŋg nee D’isi gə ta dee gə́ mundu nea̰’g ya!

Soponi 1:14

Ndɔ gə́ boo lə Mbaidɔmbaije to dəb, To dəb ya, a teḛ kalaŋ ba ya, Ndu gə́ wɔji dɔ ndɔ lə Njesigənea̰ lé ɓar Ndá bao-rɔje kara no̰ wəl gə kəm ɓəl.

Jakari 14:1

Aa ooje, ndɔ oŋg lə Njesigənea̰ si aw gə́ nee dəb ŋga Ndá d’a kunda sí banrɔ kai na̰ némajije lə sí kəm sí’g ya.

Jakari 2:13

Aa ooje, neḛ n’tɔji dee ji neḛ Ndá deḛ d’a tel to nékunda-ba̰rɔ lə ɓərje lə dee gə́ ra kula d’ar dee kédé lé. Bèe ɓa seḭ a gərje ne gao to gə́ Njesigənea̰ gə́ njeboo-néje ɓa ulam ya.

Matiyo 22:4

Yeḛ ula kuraje ləa gə́ raŋg tɔɓəi pana: Ulaje kuramarmje lé pajena: Ma m’wa dɔ gɔl né ra naḭ lé jəb mba̰, maŋgje ləm, gə nékulje gə́ d’ər ndɔl-ndɔl ya ləm tɔ ndá m’tɔl dee m’wa dɔ gɔl néje lai jəb mba̰ tɔ. Gə́ reeje loo-naḭ’g lé ŋga.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Njé gə́ Rɔmə 9:20

Ǝi i yḛ̀ to dəw ɗi to ŋga ɓa mba koma̰ gə Ala wa. See jo ɓan a dəji njekubá pana: See ban ɓa i ubam togə́bè wa. See a dəji njekubá togə́bè ya wa.

Njé gə́ Pilibə 4:5

Maji kar dəwje lai gər sí loo kaw yururu’g lə sí gao ya. Mbaidɔmbaije si aw gə́ nee dəb ŋga.

Njé gə́ Kolosə 1:12

Bɔ síje gə́ gɔl sí mba kar sí iŋgaje nédɔji lə sí na̰’d gə deḛ gə́ to gə kəmee gə́ d’isi dan lookàr’g lé maji kar sí reaje oiyo.

1 Samel 16:5

Yeḛ ila dee keneŋ pana: Bèe ya. Ma m’ree mba kinja nékinjaməs kar Njesigənea̰. Maji kar sí saŋgje rɔ sí ndá reeje awje səm na̰’d loo-kinja-né-məs’g lé. Yeḛ ar Isai gə ŋganeeje gə́ diŋgam kara saŋg rɔ dee ləm, yeḛ ɓar dee loo-kinja-né-məs’g lé ləm tɔ.

1 Samel 20:26

Mee ndəa’g neelé Sawul pata kára el mbata yeḛ ə̰ji mée’g pana: Banelə né teḛ dəa’g əsé rəa mina̰, tɔgərɔ rəa mina̰ ya.