Soponi 1:3 - Maktub gə́ To gə Kəmee

³ N’a tuji dəwje gə daje ləm, Gə yelje gə ka̰jije gə́ dan baa-boo-kad’g ləma, Gə nérɔkulje gə njémeeyèrje sə dee na̰’d ləm tɔ. N’a kar dəwje gə́ d’isi dɔ naŋg nee d’udu guduru ya, Njesigənea̰ ɓa pa bèe.

Soponi 1:3 ပူးပေါင်းရင်းမြစ်များ

Gḭ-Néje 6:7

Njesigənea̰ pa pana: M’a tuji dəw gə́ m’undá dɔ naŋg neelé karee udu, un kudee dɔ dəw’g saar teḛ ne dɔ nékulje’g ləm, gə daje gə́ d’ag naŋg gə ta mee dee ləma, gə yelje gə́ d’aw pə̰ dara’d gə́ tar ləm tɔ mbata ma m’ndiŋga rɔm dɔ kunda gə́ ma m’unda dee lé.

Esai 27:9

Togə́bè ɓa ta néra kori-kori lə Jakob ɔr ne dəa’g ləm, Aa ooje, yee ɓa gə́ kandə meekoso lemsé dɔ kaiya’g ləa ləm tɔ. Njesigənea̰ ar kɔr mbalje lai gə́ to loo-nékinjaməs’g lé Tel to asəna gə kɔr pɔrɔje gə́ tel to nduji bèe, Magə-Astartéje gə néndajije gə́ wɔji dɔ kàr lé D’a kḭ kaar tar gogo el ŋga.

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Esai 6:12

Saar kar Njesigənea̰ unda ne dəwje ɓad Kar ɓee lé tel to ne dɔ nduba gə́ tad rəg-rəg.

Jeremi 12:4

See saar ndɔ gə́ ra ɓa ɓee a si dan nékəmndoo’g ləm, muje gə́ mee ndɔje’g lai d’a tudu ləm tɔ wa. Gə mbata némeeyèrje lə njé gə́ d’isi keneŋ lé ɓa daje gə yelje tuji ne. Mbata njéɓeeje lé pana: Ala askəm koo né gə́ a gə teḛ dɔ neḛje’g el.

Jeremi 50:3

Mbata ginkoji dəwje d’ḭ dɔgel D’aw gə mba rɔ səa, D’a kar ɓee ləa tel to dɔdilaloo ləm, Dəwje d’a si keneŋ el ŋga ləm tɔ. Dəwje gə daje d’aḭ d’aw.

Jeremi 7:20

Gelee gə́ nee ɓa Mbaidɔmbaije gə́ Njesigənea̰ pa ne togə́bè pana: Aa ooje, m’a kar oŋg ləm gə oŋg-boo ləm taa loo gə́ neelé yal-yal. A kɔm dɔ dəwje’g, gə dɔ daje’g, gə dɔ kagje gə́ mee ndɔje’g, gə dɔ kandə néje gə́ naŋg nee tɔ, oŋg neelé a ko̰ to gə́ pər bèe ndá a kwəi nda̰ el.

Jeremi 9:10

Njesigənea̰ pana: M’a kwa Jerusalem kugu ɓiri-ɓisi Karee to gə́ loo-to lə tàlje ləm, M’a kar ɓee-booje gə́ Juda Tel to dɔnduba kar dəw kára kara Si keneŋ el ləm tɔ.

Ejekel 44:12

Mbata deḛ ra kula d’ar dee no̰ magəje’g lə dee ləm, d’ar gel-bɔje lə Israɛl d’oso ne dan kaiya’g ləm tɔ, gelee gə́ nee ɓa neḛ manrɔ neḛ n’un ne ji neḛ gə́ tar dɔ dee’g, Mbaidɔmbaije gə́ Njesigənea̰ pana: Ta néra kori-kori lə dee lé d’a kuba pəree ya.

Ejekel 7:19

D’a sané larndaje lə dee mba̰-rəwje’g ləm, Larlɔr lə dee a tel to né gə́ to kḛji kəm dee’g ləm tɔ. Larnda gə larlɔrje lə dee d’a kaskəm kaji dee Ndɔ boo-oŋg’d lə Njesigənea̰ lé el, D’a kaskəm kiŋga né karee as dee nag el ləm, D’a kas sɔ né kar meḛ dee ndan tub-tub el ləm tɔ, Mbata yee nee ɓa to né gə́ ar dee d’oso ne dan néraje gə́ kori-kori’g lə dee.

Ojee 14:3

Gə́ telje gə́ rɔ Njesigənea̰’g Tɔrje ndu sí areeje Uláje pajena: Maji kari ar məəi ti mbidi dɔ néra kori-korije’g lə sí lai Wa sí gə́ rɔi’g ɓó ɔs sí rəw el! J’a kula rɔnduba dɔi’g gə ta gə́ teḛ ta sí’g Yee ɓa maji unda kar sí j’injaje bɔ maŋgje ɓa gə́ nékinjaməs j’arije ya.

Ojee 14:8

Dəwje gə́ d’isi ndilee’g lé D’a tel ree ləm, D’a ndɔ kó yaa̰ ləm, D’a kidi pug-pug to gə́ nduú bèe ləma, Riɓar lə dee a to kasəna gə riɓar lə mán-nduú gə́ Liba̰ bèe ləm tɔ.

Ojee 4:3

Gelee gə́ nee ɓa ɓee a si ne dan kəmndooyoo’g. Dəwje lai gə́ d’isi keneŋ lé Rɔ dee a kwəi ne sululu-sululu na̰’d gə daje gə́ wala Gə yelje gə́ d’aw pə̰ dara’g tɔ. Ka̰jije lai gə́ dan baa-boo-kad’g kara d’a sané pa.

Jakari 13:2

Njesigənea̰ gə́ njeboo-néje lé pa pana: Mee ndəa’g neelé n’a tuji ri magəje gə́ mee ɓee’g lé kar mee dəw a kolé dɔ dee’g gogo el ŋga. N’a tɔb njéteggintaje gə́ ŋgɔm ləm, gə mal pole magəje ləm tɔ mee ɓee’g neelé ya.

Matiyo 13:41

Ŋgon-dəw lé a kula kuraje ləa gə́ dara mba kar dee ree tɔr né gə́ njetuga gɔl dee ləm, gə deḛ gə́ njéra néje gə́ yèr lé ləm tɔ, d’a tɔr dee ɓɔgədɔ-ɓɔgədɔ.

Matiyo 23:39

Mbata ma m’ula sí təsərə, seḭ a koomje gogo nda̰ bèe el saar njena seḭ a pajena: Maji kar dɔkaisəgərə nai gə yeḛ gə́ ree gə ri Mbaidɔmbaije lé ya.

Loo gə́ killa rea kəm Ja̰’g 2:14

Nɛ né kára gə́ to gə goo rəbee el lé ma m’ndaŋgi dɔ’g, njé gə́ na̰je gə́ ɓee ləi gə́ d’wa gin Balaam lé taa ta ləa gə́ yeḛ sula ne Balak, aree ila ne Israɛlje kag ar dee d’usɔ nékulje gə́ deḛ d’inja dee gə́ məs d’ar magəje ləm, ar dee ndal mɔdkaiya ləm tɔ.