Soponi 1:13 - Maktub gə́ To gə Kəmee

¹³ Némajije lə dee d’a to nékunda banrɔ ləm, Kəije lə dee kara d’a tuji pugudu-pugudu ləm tɔ. Deḛ ra kəije ya Nɛ d’a si keneŋ gogo el ləm, Deḛ ma̰a kag-nduúje ya Nɛ d’a kai manee el ŋga ləm tɔ.

Soponi 1:13 ပူးပေါင်းရင်းမြစ်များ

Esai 6:11

Ma m’dəjee m’pana: See a to bèe saar ndɔ gə́ ra wa. Ndá yeḛ ilam’g pana: Saar kar ɓee-booje neelé tuji pugudu Kar dee tel to nduba piu-piu, Saar kar dəw kára kara nai mee kəi’g el Gə mba kar ɓee neelé tel to nduba.

Jeremi 15:13

Neḛ n’ar dəwje némajije Gə nébaoje lə sí kari ba gə́ nébanrɔ Mbata kaiya ra síje lai gə́ seḭ raje Dɔ naŋg’d lə sí bura lé.

Jeremi 17:3

Neḛ n’aar dɔ mbal’g lə neḛ Gə loo-ndɔje gə́ keneŋ ləm, Gə dɔ némajije’g lə sí ləm, Gə dɔ nébaoje’g lə sí lai ləma, Gə dɔ looje lə sí gə́ ndəw’g ləm tɔ lé Gə́ né banrɔ gə mbata kaiya ra síje Gə́ seḭ raje dɔ naŋg ɓee’g lə sí bura lé.

Jeremi 4:20

D’ila mber tuji gə́ dɔ na̰’d dɔ na̰’d Mbata ɓeeje lai tuji pugudu-pugudu, Deḛ tuji kəi-kubuje ləm pugudu-pugudu Gə́ léegəneeya ləm, Ndil-kula-dɔje ləm gə́ m’la kara Unda naŋg rab gə́ lé gən ya ləm tɔ.

Jeremi 4:7

Toboḭ ḭ loo-kum’g unda loo teḛ ləm, Njetuji ginkoji dəwje gə raŋg lé Uba loo-tée ya̰ Si njaa gə mba tuji ɓee lə sí, Ɓee-booje lə sí d’a tuji pugudu-pugudu ləm, Dəw kára kara a nai keneŋ el ləm tɔ.

Jeremi 5:17

D’a rɔm koje lə sí lai gə muru lə sí ləm, D’a tɔl ŋgan síje gə́ diŋgam gə njé gə́ dené ləm, D’a sɔ badje gə maŋgje lə sí ləm, D’a sɔ nduúje gə kodéje lə sí ləma, D’a tuji ɓee-booje lə sí gə́ siŋga dee to Gə́ seḭ ɔmje meḛ sí dɔ’g lé Gə kiambas ləm tɔ.

Jeremi 9:11

See dəw gə́ ra ɓa gə́ njekəmkàr Gə́ gər gin néje neelé wa. Yeḛ gə́ Njesigənea̰ ulá ta lé maji karee pa! See gelee ban ɓa ɓee tuji ləm, Pər roo to gə́ dɔdilaloo gə́ dəw kára kara Dəs keneŋ el ləm tɔ wa.

Jeremi 9:19

Denéje, maji kar sí ooje ta lə Njesigənea̰, Urje mbi sí ooje ta gə́ teḛ təa’g, Ndooje ŋgan síje gə́ dené Loo kun pa no̰ ndòo yoo ləm, Seḭje kara ndooje na̰ Loo kun pa no̰ ndòo yoo kar na̰ ləm tɔ.

Nɔ̰-ndôo gə́ wɔji dɔ Jerusalem 5:2

Némajije lə sí lé tel to ka̰ dəw-dɔ-ɓeeje ləm, Kəije lə sí kara tel to ka̰ dəwje gə́ jeḛ n’gər deeje el ləm tɔ.

Ejekel 22:31

Yen ŋga n’a kɔm boo-oŋg lə neḛ dɔ dee’g ləm, n’a roo dee dula-dula gə pər oŋg lə neḛ ləma, n’a kar ta néra deeje tel wa dɔ dee ləm tɔ. Mbaidɔmbaije gə́ Njesigənea̰ ɓa pa bèe.

Ejekel 7:19

D’a sané larndaje lə dee mba̰-rəwje’g ləm, Larlɔr lə dee a tel to né gə́ to kḛji kəm dee’g ləm tɔ. Larnda gə larlɔrje lə dee d’a kaskəm kaji dee Ndɔ boo-oŋg’d lə Njesigənea̰ lé el, D’a kaskəm kiŋga né karee as dee nag el ləm, D’a kas sɔ né kar meḛ dee ndan tub-tub el ləm tɔ, Mbata yee nee ɓa to né gə́ ar dee d’oso ne dan néraje gə́ kori-kori’g lə dee.

Ejekel 7:21

N’a kya̰ nébaoje neelé ji dəw-dɔ-ɓeeje’g kar dee d’odo mbad-mbad ləm, N’a kar njémeeyèrje gə́ dɔ naŋg nee gə́ nébanrɔ ləm tɔ Mba kar dee d’ila ndɔl dɔ’g.

Ejekel 7:24

N’a kar koso-dəwje gə́ meeyèr lə dee ur dɔ ka̰ mar deeje’g lé ree Mba taa kəije lə dee gə́ ka̰ dee-deḛ, N’a kar beelé lə njésiŋgamoŋje udu guduru Ndá looje lə dee gə́ to gə kəmee lé D’a kila ndɔl dɔ’g ya.

Amɔs 5:11

Bèe ndá to gə́ seḭ tubaje njéndooje naŋg ləm, Seḭ waje koje lə dee taaje ləma, Seḭ undaje kəije gə mbalje gə́ tɔl dee ləm tɔ Nɛ seḭ a síje keneŋ el, Seḭ waje ndɔ-nduúje gə́ maji yaa̰ Nɛ seḭ a kaije mán dee el tɔ.

Misee 3:12

Gelee gə́ nee ɓa gə mbata lə sí-seḭ lé ɓa Sio̰ a tel to gə́ loo-ndɔ Gə́ ndɔ bur-bur ləm, Jerusalem a tel to kɔr mbalje Gə́ tɔs dɔ na̰’d ləma, Dɔ mbal gə́ wɔji dɔ kəi gə́ to gə kəmee lé Semee a tel to ne mee kag-kɔr ləm tɔ.

Misee 6:15

Seḭ a dubuje kó ya Nɛ a kinjaje dəa el ləm, Seḭ a kasje ubu kandə koiyo ya Nɛ a ndèmje ubee el ləma, Seḭ a mbulaje kandə nduú ya Nɛ a kaije manee el ləm tɔ.

Soponi 1:9

Mee ndəa’g neelé n’a kar bo̰ néra deḛ lai gə́ tal dɔ loo-kandə-kəi’g asəna gə njépole-magəje bèe ləm, Gə deḛ lai gə́ d’ar néra gə́ kərm-kərm Gə nésukəmloo taa mee kəi lə ɓée deeje pəl-pəl ləm tɔ lé ɔs ta dee’g.

Tel tura Godndu 28:30

Seḭ a kwaje mɔr gə ŋgoma̰də nɛ dəw gə́ raŋg ɓa a to səa, seḭ a raje kəi nɛ seḭ a síje keneŋ el, seḭ a ma̰aje nduú nɛ seḭ a kalje ne rɔ sí el.

Tel tura Godndu 28:39

Seḭ a ma̰aje nduúje lə sí ləm, a ndɔ deeje bur-bur ləm tɔ, nɛ seḭ a kaije mán dee el, seḭ a kinjaje kandə dee el mbata kɔrèje d’a sɔ dee ŋgər-ŋgər.

Tel tura Godndu 28:51

Deḛ d’a sɔ ŋgan nékulje lə sí gə kandə néje gə́ dɔ naŋg’d lə sí saar kar sí godoje ne, d’a kya̰ kó lə sí el ləm, gə mán-nduú lə sí el ləm, gə ubu lə sí el ləma, ŋgan nékulje lə sí gə́ boi-boi əsé njé gə́ lam-lam el ləm tɔ saar kar sí uduje ne bo̰.