Soponi 1:10 - Maktub gə́ To gə Kəmee

¹⁰ Njesigənea̰ pana: Mee ndəa’g neelé D’a koo ndu kii tarəwkəi gə́ ɓaree Tarəw-ka̰jije ləm, Gə no̰ sii mbigi-mbigi mee dəb loo gə́ mee ɓee-boo’g ləma, Gə tuji-boo gə́ oso dɔdərlooje’g ləm tɔ.

Soponi 1:10 ပူးပေါင်းရင်းမြစ်များ

2 Samel 5:7

Nɛ Dabid taa kəi-kaar-kɔgərɔ gə́ Sio̰ lé. Yee ɓa to ɓee-boo lə Dabid tɔ.

2 Samel 5:9

Dabid si kəi-kaar-kɔgərɔ’d gə́ ɓaree ɓee-boo lə Dabid lé. Yeḛ unda kəi-ŋgəm-looje gugu ne dɔ Milo dəb loo gə́ kəi’g ləm, gə debee gə́ raga’g ləm tɔ.

2 Mbaije 22:14

Hilkija, njekinjanéməs ləm, gə Akikam ləm, gə Akbɔr ləm, gə Sapan ləma, gə Asaja ləm tɔ d’aw rɔ Hulda gə́ to njetegginta gə́ dené’g, gə́ to dené lə Salum, ŋgolə Tikba gə́ to ŋgolə Haras, yeḛ gə́ to njeŋgəm kubuje lé. Yeḛ si kudu ŋgon ɓee kára gə́ mee ɓee-boo gə́ Jerusalem ya.

2 Sôrta Gḭka Israɛlje 3:1

Salomo̰ un kudu kunda kəi lə Njesigənea̰ mee ɓee gə́ Jerusalem, dɔ mbal’d gə́ Morija, loo gə́ Njesigənea̰ teḛ dɔ bɔbeeje Dabid’g ar Dabid wa dɔ gɔlee loo-kunda-kó’g lə Ornan gə́ to dəw gə́ Yebus lé.

2 Sôrta Gḭka Israɛlje 32:22

Togə́bè ɓa Njesigənea̰ aji ne Ejekias gə njé gə́ Jerusalem ɔr dee ne ji Sa̰kɛrib, mbai gə́ Asiri’g gə ji dee gə́ raŋg’d lai ləm, yeḛ aḭ ne bada dɔ dee’g ɔr dee ne ji njéba̰je’g lə deḛ lai gə́ gugu gir dee sub lé ləm tɔ.

2 Sôrta Gḭka Israɛlje 33:14

Goo néje’g neelé ndá yeḛ unda ndògo-bɔrɔ gir ɓee-boo’g lə Dabid par gə́ kel dɔ-gó lə Giho̰ mee wəl-loo’g aw saar teḛ ne takəi gə́ ria lə Takəi-lə-Ka̰jije ndá yeḛ gugu ne dɔ dɔdərloo, tɔɓəi yeḛ unda aree ŋgal yaa̰: yeḛ unda ɓé-njérɔje mee ɓee-booje gə́ Juda lai gə́ d’ila ndògo-bɔrɔ gugu ne dɔ dee lé tɔ.

2 Sôrta Gḭka Israɛlje 34:22

Hilkija gə deḛ gə́ mbai mbər dee lé d’aw rɔ Hulda, njetegginta’d gə́ dené gə́ to dené lə Salum, ŋgolə Tokehat gə́ to ŋgolə Hasra njeŋgəm-kubuje lé. Yeḛ si kudu ŋgon ɓee kára mee ɓee-boo gə́ Jerusalem. Loo gə́ deḛ d’ulá ta gə́ kəm kulá lé mba̰ ndá

Nehemi 12:39

Tɔɓəi j’aw n’dəsje dɔ tarəwkɔg’d gə́ ria lə Eprayim ləm, gə tarəwkɔg’d gə́ ria lə Ləw ləm, gə tarəwkɔg’d gə́ ria lə Ka̰jije ləm, gə kəi-kaar-kɔgərɔ gə́ duu dɔ loo gə́ ka̰ Hananeel ləma, gə ka̰ Méa ləm tɔ saar teḛ ne tarəwkɔg’d gə́ ria lə Badje ləm tɔ. Bèe ɓa deḛ d’aar naŋg tarəwkɔg’d gə́ ria lə Kəi-daŋgai tɔ.

Nehemi 3:3

Dəwje gə́ Senaa ra tarəwɓee gə́ ria lə rəw lə Ka̰jije. Deḛ dolè dəa ləm, tula tabidi-rəwje keneŋ ləma, d’ila pəgərəje gə kageeje keneŋ ləm tɔ.

Esai 59:11

Jeḛ lai j’injaje miḭ to gə́ da-urs bèe ləm, Jeḛ n’tuma̰je ŋgururu-ŋgururu to gə́ dərndaje bèe ləm, Jeḛ ŋginaje kɔr dɔ sí kúla’g nɛ lé godo ləma, Jeḛ ŋginaje kaji nɛ nai sə sí əw ləm tɔ.

Jeremi 39:2

Ndɔ jinaikara mee naḭ gə́ njekɔm’g sɔ mee ləb ko̰ɓee’g lə Sedesias gə́ njekɔm’g dɔg-giree-kára lé ndá deḛ mbudu kəm ndògo-bɔrɔ gə́ mee ɓee-boo’g.

Jeremi 4:31

Mbata ma m’oo nduje gə́ ɓar Asəna gə ndu dené gə́ ndóo rəa, Ndu nékəmndoo neelé Asəna gə ndóo koji ŋgondər bèe. Yee ɓa to ndu no̰ lə ŋgoma̰də gə́ Sio̰, Yeḛ tuma̰ ŋgururu-ŋgururu Jəŋ ne jia pana: Jeḛ gə́ n’to njénékəmndooje lé J’wəije ji njétɔl dəwje’g ŋga!

Ejekel 6:13

Bèe ɓa seḭ a gərje ne to gə́ neḛ n’to Njesigənea̰ loo gə́ nin dee a to rib-rib mbuna magəje’g lə dee gir loo-nékinjanéməsje’g lə dee ləm, gə dɔ dɔdərlooje’d gə́ ndəw lai ləm, gə dɔ sèm mbalje’g lai ləm, gə gel kagje gə́ təb lai ləma, gə gel kag-sɛnəje’g lai gə́ siŋ siŋ-siŋ ləm tɔ. Lée neelé d’aw roo néje gə́ ə̰də sululu gə́ baḭyee ə̰də lel keneŋ, d’ar magəje lə deḛ lai lé.

Amɔs 8:3

Mee ndəa gə́ neelé ndu pa gə́ mee kəi’g lə mbai lé A tel to gə́ ndu no̰ gə kii, Mbaidɔmbaije gə́ Njesigənea̰ ɓa pa bèe, D’a kodo nin dəwje bula yaa̰ Kɔm gə looje lai, Kar kaa mbi loo pa doi-doi.

Soponi 1:15

Ndɔ neelé a to ndɔ oŋg-boo ləm, Gə ndɔ nékəmndoo gə néɓəŋgərəti ləm, Gə ndɔ tuji-boo gə ndɔ néurti ləm, Gə ndɔ gə́ loo a ndul njudu-njudu gə loo a dəb rigim ləma, Gə ndɔ gə́ ndi pélé dara gə mumje ləm tɔ.

Soponi 1:7

Maji kar sí sije gə ta sí gə́ mundu no̰ Mbaidɔmbaije gə́ Njesigənea̰’g! Mbata ndɔ lə Njesigənea̰ nai dəb ba ŋga ləm, Mbata Njesigənea̰ wa dɔ gɔl nékinjaməs ləma, Yeḛ mbər njé gə́ yeḛ a gə ɓar dee lé ləm tɔ.