Pa gə́ ur dɔ paje 8:8 - Maktub gə́ To gə Kəmee

⁸ Konan sí gə́ ndɔḭ gə́ uba mbà el ɓəi sí gən, See ɗi ɓa j’a ra ndɔ gə́ d’a ree dəji taree lé wa.

Pa gə́ ur dɔ paje 8:8 ပူးပေါင်းရင်းမြစ်များ

Pakɔsje 2:8

Maji karm m’dəji neḛ ndá N’a kwa ginkoji dəwje gə raŋg karm gə́ nédɔji ləm, Ɓeeje gə́ d’ɔr rudu naŋg nee rɔd lé kara N’a karm gə́ ɓeeko̰ ləm ya ləm tɔ.

Pa gə́ ur dɔ paje 4:5

Mbàije joo bɔr lé To d’asəna gə ŋgan da-kalje joo, D’asəna gə arkasje gə́ to nduŋgaje Gə́ d’aar d’o̰ mu mbuna ndujaje’g bèe.

Pa gə́ ur dɔ paje 7:3

Məəi to asəna gə bai gə́ mée o̰ ŋgal-ŋgal Gə́ mán-nduú gə́ ə̰də lel lal mée el, Rɔi to asəna gə jḭgà-kó gə́ d’ɔs dɔ na̰’d Gə́ pudu ndujaje gugu dəa sub bèe.

Pa gə́ ur dɔ paje 8:10

Ma m’to ndògo-bɔrɔ, Mbàmje to d’asəna gə kəije gə́ duu dɔ loo bèe, Yee ɓa m’taa ne kəmee Asəna gə dəw gə́ iŋga meelɔm bèe.

Pa gə́ ur dɔ paje 8:9

Ɓó lé yeḛ to gə́ ndògo-bɔrɔ ndá J’a tula ndo̰ niŋga larndaje dɔ’g, Ɓó lé yeḛ to tarəwkəi ndá J’a kila kunda kag-sɛdrə kudu ne.

Esai 49:6

Yeḛ pana: To né gə́ lam ba bèe ya Gə mba karm m’to kura lə neḛ Gə mba kam m’un ginkoji Jakobje m’ur dee tar ləm, Gə mba kam m’tel gə ges Israɛlje gə́ nai lé ləm tɔ. Neḛ nja n’undam mba kam m’to lookàr lə ginkoji dəwje gə raŋg ləm, Gə mba kam m’un ta kaji lə neḛ M’aw ne saar m’teḛ ne gwɔi naŋg’d ləm tɔ.

Ejekel 16:46

Ŋgokɔḭ gə́ dené gə́ tɔg gə́ si dɔ jigeli’g lé to Samari gə ŋganeeje gə́ dené, tɔɓəi njegooi’d gə́ dené gə́ si dɔ jikɔli’g lé to Sɔdɔm gə ŋganeeje gə́ dené tɔ.

Ejekel 16:61

Məəi a kolé dɔ pa̰jaaje’g ləi ndá rɔi a kul ne loo gə́ i a kiŋga ŋgakɔḭje gə́ dené, deḛ gə́ tɔg-tɔg gə deḛ gə́ gɔ-gɔ, n’a kari dee asəna gə ŋganije gə́ dené nɛ gə goo manrɔ ləi lé ɓa el.

Ejekel 16:7

Neḛ n’ar bula ləi ḭ dɔ maree’d gə́ kédé-kédé to gə́ muje gə́ mee wala’g bèe. Ndá rɔi oso dɔ maree’d gə́ kédé-kédé ari ra ne tɔg ləm, gə tel maji péd-péd ləm tɔ, i uba mbà ləm, yiŋga dɔi ŋgal pɔ-pɔ ləm tɔ. Nɛ kudi to dum ɓa ləm, rɔi to kari péd-péd ləm tɔ.

Ejekel 23:33

I a kai karee tɔli to gə́ kido bèe ləm, Kar kəmi to ne ndòo ləm tɔ, To bai gə́ ka̰ ɓəl ləm, gə ka̰ tuji loo ləm tɔ, To bai gə́ wɔji dɔ Samari gə́ to ŋgokɔḭ gə́ dené lé.

Lugu 19:44

D’a kya̰ mbal kára dɔ maree’g gə mba kari el mbata ree gə́ deḛ ree d’ooi ndəa gən lé i gər dee keneŋ el lé.

Tagə́maji gə́ Ja̰ ndang 10:16

Badje ləm gə́ raŋg d’isi gən nɛ d’aar gə koso-badje’g neelé el. Lé riri kara m’a saŋg dee ree sə dee ɓəi, d’a koo ndum ndá m’a kɔm dee na̰’d sad kar dee tel to koso-badje gə́ kára ba ləm, njekul dee kara a to gə́ kára ba ya ləm tɔ.

Néra Njékaḭkulaje 10:1

Dəw kára bèe si Sejare ria lə Kɔrnəi, yeḛ to ɓée boo-njérɔje gə́ d’aḭ tɔl gə́ deḛ ɓar dee Itali.

Néra Njékaḭkulaje 16:9

Mee tilee’g neelé némḭdi teḛ dɔ Pool’g aree oo dəw gə́ Masedoinə gə́ teḛ dəa’g təsərə ra ndòo rəa’g togə́bè pana: Maji kari ɔd gə́ Masedoinə’g nee la sə sí.

Néra Njékaḭkulaje 22:21

Yen ŋga Mbaidɔmbaije ulam pana: Maji kam m’ɔd m’aw ndá neḛ nja n’a gə kulam kam m’aw əw par gə́ rɔ ginkoji dəwje gə raŋg gə́ to njépole-magəje ya.

Néra Njékaḭkulaje 7:38

To Moyis neelé nja ɓa gə́ nai sə dee loo-mbo̰-dɔ-na̰’g lə deḛ gə́ dɔdilaloo’g ləm, yeḛ aw iŋga kura lə Ala gə́ dara aree wɔji səa ta dɔ mbal gə́ ria lə Sinai ləma, yeḛ nai gə bɔ síjeḛ-je ləm tɔ ɓa yeḛ iŋga ne ta godndu gə́ to kəmba ŋgəd-ŋgəd gə mba kar sí lé.

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.