Pa gə́ ur dɔ paje 8:14 - Maktub gə́ To gə Kəmee

¹⁴ I gə́ m’undai dan kəm’g lé Maji kari aḭ, aḭ to gə́ ndooi əsé ŋgon arkas bèe Gə́ dɔ mbalje’d gə́ néje gə́ ə̰də sululu to keneŋ ya.

Pa gə́ ur dɔ paje 8:14 ပူးပေါင်းရင်းမြစ်များ

Pa gə́ ur dɔ paje 2:17

Ɓad ɓa kar loo kul lɔm ɓəi ləm, Gə kar ndil kagje d’aḭ ɓəi ləm tɔ lé I gə́ m’undai dan kəm’g lé Maji kari tel ree, Maji kari to tana gə ndooi bèe ləm, Gə ŋgon arkas bèe ləm tɔ Dɔ mbal gə́ kai sí dana lé ya.

Pa gə́ ur dɔ paje 2:7

Ŋgama̰dje gə́ Jerusalem, M’ra ndòo rɔ sí’g gə ri ndooije ləm, Gə ri arkasje ləm tɔ, Ɓad ɓa kar yeḛ gə́ m’undá dan kəm’g Ndel dɔ ɓi’g ɓəi lé Gə goo mee ndigi ləa lé Maji kar sí ndeleeje kédé el, Ndeleeje dɔ ɓi’g el.

Pa gə́ ur dɔ paje 2:9

Yeḛ gə́ m’undá dan kəm’g lé To asəna gə arkas bèe ləm, Esé gə ŋgan ndooije bèe ləm tɔ. Aa oo, yeḛ aar gir ndògo-bɔrɔ’g lə sí, Yeḛ aa loo gə́ kəmbolè kəi’g ləm, Yeḛ aa loo kəm ba̰də lar’g ləm tɔ.

Pa gə́ ur dɔ paje 4:6

Ɓad ɓa kar loo kul ɓəi ləm, Kar ndil kagje d’aḭ ləm tɔ lé M’a kaw dɔ mbal’d gə́ timbá to keneŋ ləm, Gə dɔdərloo gə́ né gə́ ə̰də sululu to keneŋ ləm tɔ.

Lugu 19:12

Yeḛ ula dee pana: Dəw kára gə́ gelee gə́ mbai lé ḭ aw ɓee gə́ əw gə mba kar dee d’ula mbai dəa’g d’aree un ne kula ko̰ɓee ɓa gə mba tel ree ɓəi.

Tel tura Godndu 12:15

Lé bèe kara loo gə́ mal sɔ naḭ ra sí ndá seḭ a kasjekəm tɔlje nékulje gə mba sɔ dakas dee tarəwkɔg’dje lə sí lai gə goo ndutɔr gə́ Ala lə sí gə́ Njesigənea̰ a tɔr dɔ sí’g, dəw gə́ mina̰ əsé yeḛ gə́ àr kara a sɔ to gə́ d’usɔ ne ndooi əsé arkas bèe tɔ.

Njé gə́ Pilibə 1:23

Néje joo ɔs kaarm: mal kuba loo kḭ kaw si gə Kristi lé ram yaa̰ ləm, yee ɓa, maji dum ya ləm tɔ.

Loo gə́ killa rea kəm Ja̰’g 22:17

Ndil lé gə njeŋgao-sigi lé pata pana: Maji kari gə́ ree. Yeḛ gə́ oo maji ndá aree pa togə́bè tɔ pana: Maji kari gə́ ree. Yeḛ gə́ kṵdaman tɔlee ndá maji karee ree taa mán kəmə gə́ aḭ teḛ kuji-kuji lé ai, m’a karee gə́ kar ya ɓó yeḛ a ndogo el.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.