Pa gə́ ur dɔ paje 7:4 - Maktub gə́ To gə Kəmee

⁴ Mbàije joo bɔr D’asəna gə ŋgan da-kalje gə́ joo ləm, D’asəna gə arkasje gə́ to nduŋgaje bèe ləm tɔ.

Pa gə́ ur dɔ paje 7:4 ပူးပေါင်းရင်းမြစ်များ

Gḭ-Néje 15:2

Abram tel ilá keneŋ pana: Mbaidɔmbaije gə́ Njesigənea̰, see ɗi ɓa i a kam wa. Ma lé m’aw kari ba lal koji ŋgon. Njekwa-nénduba mee kəi’g ləm lé yeḛ ɓa to Eliéjer gə́ Damas.

2 Samel 8:6

Dabid unda dəw dɔ kudu-njérɔje mee ɓee gə́ Aram gə́ Damas’g. Bèe ɓa Aramje d’ula ne dɔ dee gel Dabid’g ndá deḛ d’uga dɔ rɔ dee d’aree tɔ. Njesigənea̰ ar Dabid dum dɔ looje lai gə́ yeḛ aw keneŋ lé.

1 Mbaije 10:18

Mbai lé ar dee ra kalimbai gə́ boi gə ŋgaŋ kər, tɔɓəi yeḛ ɔr giree gə larlɔr gə́ àr ŋgad-ŋgad ya.

1 Mbaije 10:22

Mbata mbai lé batoje ləa gə́ d’ḭ Tarsis d’aw dan baa-boo-kad’g na̰’d gə batoje lə Iram ndá, ləbje munda-munda lé batoje gə́ d’ḭ Tarsis d’odo larlɔr gə larnda gə ŋgaŋ kər gə ɓədje gə yel-juuje ree ne ya.

1 Mbaije 22:39

Ges sor-néraje lə Akab ləm, gə néje lai gə́ yeḛ ra ləm, gə kəije gə́ yeḛ unda gə ŋgaŋ kər ləma, gə ɓee-booje lai gə́ yeḛ unda ləm tɔ lé see ndaŋg taree mee Maktub-sorta néraje’g lə mbaije gə́ Israɛl el wa.

1 Mbaije 7:2

Kédé ndá yeḛ unda kəi gə́ ɓaree Mee-kag-kɔr gə́ Liba̰, ndá ŋgalee as kəmkil dəw tɔl (100) ləm, tadee as kəmkil dəw rɔ-mi ləma, dəree gə́ ḭ gə́ tar as kəmkil dəw rɔ-munda ləm tɔ. Yeḛ unda kəi lé dɔ gajije gə́ gun sɔ ləm, kunda kagje gə́ tɔl dee lé kara to kag-sɛdrəje gə́ to dɔ gajije’g ləm tɔ.

1 Mbaije 9:19

gə ɓee-booje lai gə́ to ka̰ Salomo̰ gə́ yeḛ ar dee to loo-kɔm-néje keneŋ asəna gə ɓee-booje gə́ ka̰ ŋgəm pusu-rɔje ləm, gə ɓee-booje gə́ wɔji dɔ njérɔ gə kundaje ləma, gə néje lai gə́ lel Salomo̰ mba ra Jerusalem gə Liba̰ gə ɓeeje lai gə́ yeḛ to gə́ mbai dɔ dee lé ləm tɔ.

2 Sôrta Gḭka Israɛlje 8:6

Baalat gə ɓee-booje lai gə́ to loo-ŋgəm-néje gə́ wɔji dəa ləm, gə ɓee-booje gə mbata lə pusu-rɔje ləm, gə ɓee-booje mbata lə njérɔ gə kundaje ləm, gə néje lai gə́ lel Salomo̰ gə mba ra Jerusalem gə Liba̰ ləma, gə ɓeeje lai gə́ yeḛ to mbai dɔ dee ləm tɔ.

Pakɔsje 144:12

Ŋgan síje gə́ diŋgam lé To d’asəna gə kagje gə́ ma̰a lé Gə́ uba aar dana ɗigi-ɗigi ləb basa dee’g ləm, Ŋgan síje gə́ dené lé kara To d’asəna gə gaji ŋgɔ-kag gə́ d’inja ndajee d’aree bə̰dərə bə̰ Gə́ d’ar gad-kəi-mbaije ndaŋg ne mèr-mèr ləm tɔ.

Pakɔsje 45:8

I lé unda néra gə́ gə meekarabasur dan kəmi’g Nɛ néra gə́ yèr lé i ə̰ji bəḭ-bəḭ, Gelee gə́ nee ɓa, Ala gə́ to Ala ləi lé wa ne dɔi gə ubu gə́ ka̰ rɔlel Undai ne gə kəmee unda kuramarije.

Pa gə́ ur dɔ paje 1:10

Kwojii maji péd-péd mbuna némbije’g ləi ləm, Gwɔbi to ɗḛ́rḛ́g dan mərje’g ləm tɔ.

Pa gə́ ur dɔ paje 4:1

Ǝi njemɔr ləm, I ma̰də gə́ ban ɓa bèe wa. I ma̰də gə́ ban ɓa bèe wa. Kəmi to asəna gə dərndaje bèe Mee kubu gə́ ila dɔi’g lé, Yiŋga dɔi to asəna gə koso-bya̰je Gə́ d’ḭ dɔ mbal’d gə́ Galaad D’aw risi gə́ naŋg bèe.

Pa gə́ ur dɔ paje 4:4

Gwɔbi ɔd bərəŋ To gə́ kəi lə Dabid gə́ duu dɔ loo Gə́ ra mba karee to kəi-ŋgəm-nérɔje bèe, Deḛ naa̰ dərje keneŋ tɔl-dɔg (1.000). To dərje lai gə́ to ka̰ njésiŋgamoŋje ya.

Pa gə́ ur dɔ paje 4:5

Mbàije joo bɔr lé To d’asəna gə ŋgan da-kalje joo, D’asəna gə arkasje gə́ to nduŋgaje Gə́ d’aar d’o̰ mu mbuna ndujaje’g bèe.

Pa gə́ ur dɔ paje 6:5

Un kəmi dɔm’d gə́ raŋg Nà loo-kaa ləi jɔgm yaa̰. Yiŋga dɔi to asəna gə koso-bya̰je Gə́ d’ḭ dɔ mbal gə́ Galaad D’aw risi gə́ naŋg bèe.

Esai 54:4

Ɓəl el Mbata kəm sɔḭ a kwa kəmi el ləm, Ra kəm kul el Mbata i a nai gə rɔkul el ləm tɔ. Nɛ rɔkul ləi gə́ gə ma̰di lé Məəi a kwəi dɔ’g ɓəi ləm, Sul-boo gə́ d’ula dɔi’g mee kəi-siŋga’g ləi lé Məəi a kolé dɔ’g nda̰ el ləm tɔ.

Ǝbrəje 5:14

Muru lé wɔji dɔ njé gə́ tɔg gə́ takə̰ji lə dee inja pao gə́ d’askəm kɔr kəmta gə́ wɔji dɔ né gə́ maji gə né gə́ majel lé.