Pa gə́ ur dɔ paje 7:13 - Maktub gə́ To gə Kəmee

¹³ Ar sí n’teḛje gə ndɔ rad J’aw loo-ndɔ-nduúje’g j’oo See nduú uba ŋga wa. See pudu nduba rəa ŋga wa. See dḭje pudu ŋga wa. M’a kun ndu ndigi-na̰ keneŋ kari.

Pa gə́ ur dɔ paje 7:13 ပူးပေါင်းရင်းမြစ်များ

Gḭ-Néje 30:14

Rubḛ teḛ raga mee naḭ kinja kó’g ndá yeḛ iŋga kandə né gə́ ɓaree ma̰dragɔr mee ndɔ’g. Yeḛ tel ree ne ar kea̰je gə́ Lea tɔ. Yen ŋga Rasel kwɔi Lea pana: Ma m’ra ndòo rɔi’g, kɔgərɔ kari, am ma̰dragɔrje lə ŋgoni lé bəl səi.

Pa gə́ ur dɔ paje 2:3

To gə́ kag-pɔmə gə́ uba mbuna kagje gə́ mee kɔr’g bèe lé Yeḛ gə́ m’undá dan kəm’g lé Aar mbuna basaje’g togə́bè ya tɔ. Ma m’ndiŋga rɔm mba si ndilee’g, Tɔɓəi ka̰dee lel tam’g jula-jula tɔ.

Pa gə́ ur dɔ paje 4:13

Kag-dḭje d’uba kəm rəbije’g Gə kandə deeje gə́ lel yaa̰ Unda mar deeje ləm, Gə rɔm puduje gə́ ə̰də sululu ləm tɔ.

Pa gə́ ur dɔ paje 4:16

I lel gə́ dɔgel lé maji kari ḭ ləm, I lel gə́ dɔkɔl lé maji kari ree ləm tɔ Ula dɔ loo-ma̰a-kagje’g ləm, Ar baḭ néje gə́ ə̰də sululu Taa loo keneŋ pəl-pəl ləm tɔ, Maji kar yeḛ gə́ m’unda dan kəm’g lé Andə loo-ma̰a-kagje’g ləa Maji karee sɔ kandə kagje ləa gə́ maji dum lé.

Pa gə́ ur dɔ paje 6:11

Ma m’aw loo-ma̰a-kag-sɔ’d gə́ ria lə noyer Mba koo mu gə́ idi wəl-loo’g, Mba koo see nduú uba wa. Mba koo see dḭje d’aw pudu wa.

Pa gə́ ur dɔ paje 8:1

Ǝi, ɓó lé i to ŋgokɔm gə́ diŋgam Gə́ j’il mbà ko̰ síjeḛ na̰’d ndá Loo gə́ m’iŋgai raga ndá m’a kil ɓɔli Ɓó dəw a ndɔlm gə mbəa el.

Esai 23:18

Nɛ nékiŋgaje lə dee gə nékoga-dɔ-ji dee gə́ mina̰ lé d’a kunda dee gə kəmee kar Njesigənea̰ ɓó d’a mbo̰ dee dɔ na̰’d əsé d’a ŋgəm dee gə́ ŋgəm el, mbata nékiŋgaje lə dee lé d’a kar deḛ gə́ d’isi no̰ Njesigənea̰’g mba kar dee d’isi ne dan nékul rɔ dee’g bèdèg ləm, kar dee d’iŋga ne kubuje gə́ bḭ-maji ləm tɔ.

Matiyo 13:52

Yeḛ ula dee pana: Bèe ɓa njendaji-maktub gə́ rara kara gə́ ndoo néje gə́ wɔji dɔ ɓeeko̰ gə́ dara lé ndá yeḛ to asəna gə njekəi gə́ tɔr nébaoje ləa gə́ sigi-sigi gə njé gə́ ləw-ləw rab raga.

Matiyo 25:40

Mbai lé a tel kila dee keneŋ pana: Ma m’ula sí təsərə, loo gə́ rara gə́ seḭ raje néje gə́ togə́bè keneŋ gə dəw kára gə́ nai gɔ mbuna ŋgakɔmje’g neelé ndá ma nja raje səm kən tɔ.

Tagə́maji gə́ Ja̰ ndang 15:8

Ɓó lé seḭ a̰dje gə kandə sí njim-njim ndá yee ɓa seḭ a kulaje ne rɔnduba dɔ Bɔm’g ləm, seḭ a toje njékwakilamje ləm tɔ.

1 Njé gə́ Kɔrḭtə 16:2

Ndɔ gə́ dɔtar mee ndɔje gə́ siri-siri lé maji kar nana kara un ta né ləa unda gə kəmee-kəmee gə goo nékiŋgaje gə́ yeḛ iŋga ya, ɓó ŋginaje ndɔ ree ləm ɓa gə mba mbo̰je nékiŋga sí ɓəi el.

1 Njé gə́ Kɔrḭtə 2:9

Nɛ to gə́ ndaŋg taree mee maktub gə́ to gə kəmee ɓəd lé pana: To néje gə́ kəm dəw oo el ləm, Mbi dəw oo el ləma, Dəw la̰ji toree mée’g el ləm tɔ, Nɛ Ala nja wa dɔ gɔl néje neelé mba kar deḛ gə́ d’undá dan kəm dee’g.

Njé gə́ Epesə 5:9

Mbata meemaji gə́ gə ria-ria ləm, gə meekarabasur ləma, gə kankəmta ləm tɔ lé yee ɓa gə́ kandə lookàr ya.

Njé gə́ Pilibə 1:11

Togə́bè ɓa, kandə meekarabasur gə́ ḭ rɔ Jeju Kristi’g a daa na̰ rɔ sí’g, yee ɓa seḭ a kulaje ne rɔnduba dɔ Ala’g ləm, ria a ɓar ne ləm tɔ.

Njé gə́ Kolosə 3:17

Né gə́ rara gə́ seḭ raje lé tapa sí əsé néra sí kara raje gə ri Mbaidɔmbaije Jeju, raje ne Ala Bɔ-dəwje oiyo gə mbəa-yeḛ nja tɔ.

1 Piɛrə 4:11

Lé nana ɓa gə́ pata ndá maji karee pa kankəmta lə Ala ya. Lé nana ɓa gə́ ra kula ra Ala ndá maji karee ra gə goo siŋgamoŋ gə́ Ala a karee ya, togə́bè ɓa néje lai gə́ seḭ a raje lé Jeju Kristi a koo loo kula ne rɔnduba dɔ Ala’g tɔ. Rɔnduba ləm, gə siŋgamoŋ ləm tɔ lé to kea̰-yeḛ gə ləbee-ləbee saar-saar gə no̰ ya. Amen.