Pa gə́ ur dɔ paje 6:2 - Maktub gə́ To gə Kəmee

² Yeḛ gə́ m’undá dan kəm’g lé Aw loo-kamnaḭ’g ləa, Yeḛ aw njaa mbuna ɓaije’d Gə́ néje gə́ d’ə̰də sululu d’uba keneŋ Mba kar koso-nékulje ləa d’o̰ mu loo-ma̰a-kagje’g ləm, Gə mba kaw ti pudu ndujaje ləm tɔ.

Pa gə́ ur dɔ paje 6:2 ပူးပေါင်းရင်းမြစ်များ

Pa gə́ ur dɔ paje 2:16

Yeḛ gə́ m’undá dan kəm’g lé Yeḛ to kama̰ ndá ma m’to kea̰-yeḛ tɔ. Yeḛ ar koso-nékulje ləa d’aw d’o̰ mu Mbuna puduje’g lé ya.

Pa gə́ ur dɔ paje 4:12

Kɔnanəm, njemɔr ləm, I to loo-ma̰a-kag gə́ d’ula ŋgalaŋ gugu ne dəa ləm, I to kəm-rəw-mán gə́ wɔji dɔm-ma ya ləma, Gə ŋgira-mán gə́ to kama ya ləm tɔ.

Pa gə́ ur dɔ paje 4:16

I lel gə́ dɔgel lé maji kari ḭ ləm, I lel gə́ dɔkɔl lé maji kari ree ləm tɔ Ula dɔ loo-ma̰a-kagje’g ləm, Ar baḭ néje gə́ ə̰də sululu Taa loo keneŋ pəl-pəl ləm tɔ, Maji kar yeḛ gə́ m’unda dan kəm’g lé Andə loo-ma̰a-kagje’g ləa Maji karee sɔ kandə kagje ləa gə́ maji dum lé.

Pa gə́ ur dɔ paje 4:5

Mbàije joo bɔr lé To d’asəna gə ŋgan da-kalje joo, D’asəna gə arkasje gə́ to nduŋgaje Gə́ d’aar d’o̰ mu mbuna ndujaje’g bèe.

Pa gə́ ur dɔ paje 5:1

Kɔnanəm, njemɔr ləm, Ma m’andə loo-ma̰a-kagje’g ləm, Ma m’ti timbá gə néje gə́ ə̰də sululu ləm, Ma m’usɔ mba̰ tə̰ji gə ubee na̰’d ləma, Ma m’ai mán-nduú gə mbà na̰’d ləm tɔ. Baokuraje ləm, sɔje gə aije, Arje mal ndigi na̰ ra sí!

Pa gə́ ur dɔ paje 5:13

Kwɔjeje to d’asəna gə dɔ bai gə́ ma̰a néje Gə́ ə̰də sululu keneŋ bèe ləm, Gə́ puduje gə́ ə̰də sululu to keneŋ yaa̰ ləm tɔ, Teaje to asəna gə pudu ndujaje Gə́ ubu timbá ndəi keneŋ bèe.

Pa gə́ ur dɔ paje 6:11

Ma m’aw loo-ma̰a-kag-sɔ’d gə́ ria lə noyer Mba koo mu gə́ idi wəl-loo’g, Mba koo see nduú uba wa. Mba koo see dḭje d’aw pudu wa.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 57:1

Njera né gə́ gə dɔ najee lé tuji ndá Dəw kára gə́ njekḛji dɔ’g godo, Dəwje gə́ njéra némajije godo Ar dəw kára kara gər To gə́ d’ɔr dee mbata né gə́ majel Gə́ a gə teḛ dɔ dee’g lé bèe el.

Esai 58:11

Njesigənea̰ a to njekɔrnoḭ ya ta-ta ləm, Yeḛ a kar məəi nda̰ tub Mee looje gə́ tudu kurum-kurum’g ləm, Yeḛ a kar barkəmrɔije tel ŋgəŋ ŋgəŋ-ŋgəŋ ləm, I a to kasəna gə loo-kamnaḭ Gə́ saga mán dɔ’g ləma, A to kasəna gə ŋgira mán Gə́ manje d’yi keneŋ tə el ləm tɔ.

Esai 61:11

Mbata to gə́ dɔ naŋg ar kandə né gə́ dubu keneŋ lé idi ləm, To gə́ loo-kamnaḭ ar kandə néje gə́ dubu keneŋ d’uba ləm tɔ lé Mbaidɔmbaije gə́ Njesigənea̰ a kar kaji gə néra gə́ gə dɔ najee uba Kəm ginkoji dəwje gə raŋg’g lai togə́bè tɔ.

Ejekel 34:23

N’a kunda njekul dee kára ba dɔ dee’g karee ul dee, yee ɓa to kura lə neḛ Dabid, yeḛ a kar dee d’o̰ mu ləm, yeḛ a to njekul dee ləm tɔ.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Matiyo 18:20

Mbata loo gə́ dəwje joo əsé munda d’wa dɔ na̰ gə rim-ma ndá ma nja m’aar mbuna dee’g ya.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Tagə́maji gə́ Ja̰ ndang 14:3

Tɔɓəi loo gə́ m’aw gə m’gɔl loo lə sí lé mba̰ ndá m’a tel ree gə mba kodo sí kém’g mba kar loo gə́ m’a si keneŋ lé seḭje kara a sije səm keneŋ na̰’d tɔ.

Tagə́maji gə́ Ja̰ ndang 17:24

Bɔm, loo gə́ m’a si keneŋ lé ma m’ndigi kar deḛ gə́ i am dee lé d’isi səm keneŋ to mba kar dee d’oo ne rɔnduba ləm, to rɔnduba gə́ i ula dɔm’g mbata i undam dan kəmi’g kédé par-par ɓa i tum gin naŋg nee ɓəi.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.