Pa gə́ ur dɔ paje 6:10 - Maktub gə́ To gə Kəmee

¹⁰ See na̰ ɓa teḛ to gə́ kàr Gə́ uba kuji’g bèe ləm, Ma̰də to gə́ naḭ bèe ləma, Ndoḭ to gə́ kàr bèe ləm tɔ wa, Gə́ to ɓəl kədm-kədm to gə́ kudu njérɔje Gə́ d’aar gin nékun-baŋgaje’g lə dee bèe wa.

Pa gə́ ur dɔ paje 6:10 ပူးပေါင်းရင်းမြစ်များ

2 Samel 23:4

Yeḛ to asəna gə lookàr gə́ gə ndɔ Loo gə́ kàr uba bər Lookàr gə́ gə ndɔ gə lal ndi gə́ tɔ tii-tii bèe. Kṵjeje gə́ orè goo ndi lé ɓa D’ar muje d’unda ne loo dɔ naŋg’d teḛ.

Maktub gə́ wɔji dɔ Jɔb 11:17

Ndɔje ləi d’a ndogó unda kàr gə́ aar daŋdɔ bèe ləm, Loondulje ləi lé d’a tel to asəna gə lookàr gə́ gə ndɔ bèe ləm tɔ.

Maktub gə́ wɔji dɔ Jɔb 31:26

Ɓó lé ma m’oo kàr gə́ ndɔḭ ləm, Gə loo gə́ naḭ aw ndogó gə rɔnduba ləa ləm,

Pakɔsje 14:5

Gelee gə́ nee ɓa d’a kunda bala ndəb ne pəd-pəd Loo gə́ Ala a kunda loo teḛ wai Mbuna ginkoji dəwje gə́ njéra nédanaje’g.

Gosota-Kəmkàrje 4:18

Kila-rəwkaw lə njémeekarabasurje To asəna gə lookàr gə́ ndogó ɔr jol-jol, Ndogó ləa lé aw gə́ kédé-kédé Saar kàr aar daŋdɔ.

Pa gə́ ur dɔ paje 1:15

Ǝi njemɔr ləm, I ma̰də gə́ ban ɓa bèe wa. I ma̰də gə́ ban ɓa bèe wa. Kəmi to asəna gə dərndaje bèe.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Pa gə́ ur dɔ paje 6:4

Ǝi njemɔr ləm, i lé ma̰də yaa̰ To (ɓee) gə́ Tirsa bèe ləm, I maji yaa̰ gə́ Jerusalem bèe ləm tɔ Nɛ i to ɓəl kədm-kədm To gə́ kudu njérɔje gə́ d’aar gin nékun-baŋgaje’g lə dee bèe.

Pa gə́ ur dɔ paje 8:5

See na̰ ɓa ḭ dɔdilaloo’g aw gə́ nee Gə́ gəd rəa rɔ dəw gə́ yeḛ undá dan kəmee’g lé wa. Ma m’ndelii gel kag-pɔmə’g, Loo gə́ nee’g kɔinje taa kèm ləi keneŋ ləm Loo gə́ neelé yeḛ ojii keneŋ ləm tɔ

Esai 58:8

Yee ɓa ndogó ləi a kḭ ne to gə́ kàr Gə́ uba kuji’g bèe ləm, Rɔi a sa ne rəw kalaŋ ləm tɔ, Nérai gə́ gə dɔ najee a kɔr nɔḭ ləm, Rɔnduba lə Njesigənea̰ a korè səi rəw mès ləm tɔ.

Esai 63:1

See na̰ ɓa ḭ Bosra ɓee-boo gə́ Edɔm’g Ree gə kubu gə́ kas njir-njir rəa’g wa. Yeḛ ula kubu gə́ ndoolé yḛd-yḛd rəa’g ləm, Yeḛ njaa unda ne dəa tar Ɔm ne mée dɔ siŋgamoŋ’d ləa ləm tɔ. To ma nja m’to njepa taje gə́ gə dɔ najee ləm, M’askəm kajee ləm tɔ.

Ojee 6:5

Gelee gə́ nee ɓa Gə ta gə́ teḛ ta njéteggintaje’g lé M’a m’kunda dee ne ləm, Gə ta gə́ teḛ tam’g lé M’a m’tɔl dee ne ləm tɔ. Rəwta gaŋgje ləm d’a nduba rɔ dee to gə́ loo gə́ àr bèe.

Matiyo 13:43

Ndəa neelé rɔ njémeekarabasurje a nduba raŋg-raŋg ɓeeko̰’g lə Bɔ deeje asəna gə kàr gə́ nduba rəa raŋg-raŋg bèe tɔ. Yeḛ gə́ mbia to gən mba koo ne ndá maji karee oo ne ya.

Matiyo 17:2

Rea tel ndɔḭ ar ŋgo nea̰ gə kwɔji kəmee ndɔḭ wər-wər asəna gə kàr ləm, kubuje ləa kara tel ndá ɔr njɔl-njɔl ləm tɔ.

Njé gə́ Rɔmə 8:37

Nɛ mbɔl dɔ yeḛ gə́ njekunda sí dan kəmee’g lé néje neelé lai gə́ ra sí lé gə ges néje gə́ raŋg ɓəi kara jeḛ dum dee ne gə lèlé ba.

Njé gə́ Epesə 5:27

mba kar Eglisə lé nduba ne rəa nea̰’g, kar rəa ila ɓal el ləm, ɔm kúla el ləma, a kya̰ maree el ləm tɔ, nɛ yee a kàr raŋg-raŋg ləm, né gə́ tḛ́-tḛ́ bèe kara a kuba rəa təb el ləm tɔ.

Loo gə́ killa rea kəm Ja̰’g 1:16

Kéréméje siri to jikɔlee’g. Kiambas gə́ ŋgaŋgee joo gə́ adə làm-làm teḛ təa’g. Kwɔjee ndɔḭ wər-wər asəna gə kàr gə́ ɔs kəḭ-kəḭ bèe.

Loo gə́ killa rea kəm Ja̰’g 10:1

Ma m’oo kura gə́ dara gə́ njesiŋgamoŋ ḭ dara uru naŋg, nɛ ndi il dəb dəa’g rigim, ŋgaoburandi ila gugu dəa ləm, kəmee to asəna gə kàr ləma, gɔlee to asəna gə ndo̰ pər ləm tɔ.

Loo gə́ killa rea kəm Ja̰’g 12:1

Né gə́ to ɓəl kədm-kədm teḛ dara: Kàr dəb dɔ dené’g aree ɔm gɔlee dɔ naḭ’g ləm, ar kéréméje dɔg-gir-dee-joo to dɔgugu kula dəa’g ləm tɔ.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.

Loo gə́ killa rea kəm Ja̰’g 22:5

Loondul a godo keneŋ ləm, pərndɔ əsé néndogó kára kara d’a kaw ndée keneŋ el ŋga ləm tɔ mbata Ala gə́ to gə́ Mbaidɔmbaije lé ɓa a ndogó rəw no̰ dee’g. D’a ko̰ɓee gə ləb dee ləb dee saar-saar gə no̰.