Pa gə́ ur dɔ paje 5:7 - Maktub gə́ To gə Kəmee

⁷ Njéŋgəmlooje gə́ d’aw njaa Gugu dɔ ɓee-boo lé d’iŋgam, Deḛ kundam d’am doo. Deḛ d’wam taa kubu-kila-dɔ’g ləm Deḛ gə́ to njéŋgəm ndògo-bɔrɔje-je lé.

Pa gə́ ur dɔ paje 5:7 ပူးပေါင်းရင်းမြစ်များ

Pakɔsje 141:5

Ɓó lé dəw gə́ njera nédana undam ndá Ma m’oo gə́ né gə́ maji gə́ yeḛ ra səm ya, Ɓó lé yeḛ aar wɔjim kəmkàr kara To ubu ɓa yeḛ wa ne dɔm ləm tɔ, Ndá m’a kwa dɔm kɔr keneŋ el, Nɛ m’a kḭ gə tamaji ləm gɔl kára ɓəi Mba koma̰ ne gə némeeyèrje lə dee.

Pa gə́ ur dɔ paje 3:3

Njéŋgəmlooje gə́ d’aw gugu dɔ ɓee-boo lé D’iŋgam ndá m’dəji dee m’pana: See seḭ ooje yeḛ gə́ m’ndigee gə ŋgaw məəm bura lé el wa.

Pa gə́ ur dɔ paje 5:6

Ma m’ɔr tarəw m’ar yeḛ gə́ m’undá dan kəm’g lé Nɛ yeḛ gə́ m’undá dan kəm’g lé Tur giree ɔd par aw. Loo gə́ yeḛ wɔji səm ta lé Ndiləm teḛ kág igi. Ma m’saŋgee nɛ m’iŋgá el, Ma m’ɓaree nɛ yeḛ ndigi tam’g el tɔ.

Pa gə́ ur dɔ paje 5:8

Seḭ ŋgama̰dje gə́ Jerusalem, Ma m’ra ndòo rɔ sí’g Ɓó lé seḭ iŋgaje yeḛ gə́ m’undá dan kəm’g lé Ndá see ta ɗi ɓa a kuláje wa. Maji kar sí uláje to gə́ m’to rɔko̰ ndigi na̰.

Pa gə́ ur dɔ paje 8:11

Ndɔ-nduú lə Salomo̰ kára to Baal-Hamo̰, Yeḛ ya̰ ndɔ-nduú lé ar njéŋgəmeeje, Nana kara a ree gə lar ka̰dee As ŋgan larnda tɔl-dɔg-dɔg (10.000).

Esai 3:23

Gə nékoo-kəmje ləm, gə kubu-kaar gə́ ra gə kúla palégal ləm, Gə jɔg-kula-dɔ’g ləma, gə kubu gə́ ka̰ kila dɔ maree’g ləm tɔ.

Esai 62:6

I ɓee gə́ Jerusalem, ma m’unda njéŋgəmlooje dɔ ndògo-bɔrɔje’g ləi, D’a si dɔ mundu dan kàrá əsé loondul’g el, Seḭ gə́ arje mee Njesigənea̰ olé dɔ Jerusalem’g lé Loo-kwa-rɔ lə sí godo!

Ojee 6:5

Gelee gə́ nee ɓa Gə ta gə́ teḛ ta njéteggintaje’g lé M’a m’kunda dee ne ləm, Gə ta gə́ teḛ tam’g lé M’a m’tɔl dee ne ləm tɔ. Rəwta gaŋgje ləm d’a nduba rɔ dee to gə́ loo gə́ àr bèe.

Matiyo 23:2

Njéndaji-maktubje gə Parisiḛje d’isi loo-si Moyis gə́ to no̰ dee’g.

Lugu 6:22

Loo gə́ dəwje d’a kḛji sí bəḭ-bəḭ ləm, loo gə́ d’a kun sí tuba sí ra sə sí néurti ləma, loo gə́ d’a mbad sí kunda sí gə́ ram-dəwje ləm tɔ gə mba Ŋgon-dəw lé ndá rɔ sí a lel sí ɓəi.

Tagə́maji gə́ Ja̰ ndang 16:2

D’a kun sí tɔb sí mee kəi-kwa-dɔ-na̰je’g, nana ɓa gə́ tɔl sí kara mee ndəa gə́ a gə ree lé a kḛji mée’g pana: Neḛ n’ra né n’ar Ala ya.

2 Njé gə́ Kɔrḭtə 11:13

Dəwje neelé to njékaḭkulaje gə́ ŋgɔm gə njékulaje gə́ d’ər kəm dəwje gə́ tel rɔ dee asəna gə njékaḭkulaje lə Kristi.

Njé gə́ Pilibə 3:6

Ma lé m’tədkag loo m’to ne njekula ne kəm Eglisə ndòo tɔ. Meekarabasur gə́ wɔji dɔ godndu lé d’oo ta kára kara mba kila dɔm’g kwɔji ne dəa el.

Ǝbrəje 12:2

Ar sí j’oreeje kəm sí ndəŋ dɔ Jeju’g, yeḛ gə́ to njekunda gin meekun lə sí ləm, gə njetɔl ta meekun lə sí bém ləm tɔ. Jeju lé ula rəa ndubu kaar kag-dəs’g oo rɔkulee gə́ né el mbata yeḛ oo nérɔlel gə́ to nea̰’g kédé, tɔɓəi yeḛ aw sí par gə́ dɔkɔl lə kalimbai lə Ala.