Pa gə́ ur dɔ paje 5:6 - Maktub gə́ To gə Kəmee

⁶ Ma m’ɔr tarəw m’ar yeḛ gə́ m’undá dan kəm’g lé Nɛ yeḛ gə́ m’undá dan kəm’g lé Tur giree ɔd par aw. Loo gə́ yeḛ wɔji səm ta lé Ndiləm teḛ kág igi. Ma m’saŋgee nɛ m’iŋgá el, Ma m’ɓaree nɛ yeḛ ndigi tam’g el tɔ.

Pa gə́ ur dɔ paje 5:6 ပူးပေါင်းရင်းမြစ်များ

Gḭ-Néje 42:28

Yeḛ ula ŋgakea̰je pana: Deḛ tel gə lar ləm d’am gogo, yee ɓa to mee ɓɔl’g ləm nee. Yen ŋga meḛ dee pélé wəs-wəs ar dee d’unda bala tigi-tigi ndá d’ula na̰ pana: See ɗi ɓa Ala ra sə sí bèe wa.

2 Samel 16:10

Nɛ mbai lé pana: Seḭ ŋgalə Seruja lé see ta ɗi lə sí to keneŋ wa. Ɓó lé yeḛ ila ndɔl dɔm’g ndá to mbata Njesigənea̰ ulá pana: Ila ndɔl dɔ Dabid’g! Ŋga see na̰ ɓa a dəjee pana: See ban ɓa i ra togə́bè wa.

Pakɔsje 28:1

Pakɔs lə Dabid Njesigənea̰, i nja ɓa m’ila boo ndum naŋg m’ɓari ne wəl. I gə́ to biri mbal ləm lé, Maji kari ɔs mbii jigi udu dɔ ndum’g el Nà banelə ɓó lé i sa rɔi rɔm’g rəw lal kilam ta’g ndá M’a tel to kasəna gə deḛ gə́ d’uru bwa-dɔɓar’g bèe.

Pakɔsje 30:7

Loo gə́ ma m’isi gə́ majee ɓəi lé M’pana: M’a kunda ndolé el!

Pakɔsje 69:3

Ma lé m’ur dan bɔrɔ dubu’g Ar loo kam m’uba gə mba kaar ne tar lé godo. Ma lé m’oso dan ɓul mán gə́ ɓiri’g Ar paŋgəm manee dəs dɔm’g.

Pakɔsje 77:3

Ndɔ néurti’g ləm lé Ma m’saŋg Mbaidɔmbaije ya, Loondul lé m’ula jim ndiŋ gə́ tar lal kwa gə́ naŋg, Ma mbad taje lai gə́ deḛ pa gɔl ne məəm lé.

Pakɔsje 80:4

Ǝi Ala, maji kari tel un sí ur sí tar ya, Ar kəmi to jḛ̀ dɔ sí’g Ndá j’a kaji ne ya.

Gosota-Kəmkàrje 1:28

D’a ɓarm nɛ m’a kila dee keneŋ el ləm, D’a saŋgəm pir-pir nɛ d’a kiŋgam el ləm tɔ.

Pa gə́ ur dɔ paje 5:2

Ma m’toɓi nɛ məəm to kəmba ... Ndu yeḛ gə́ m’undá dan kəm’d Gə́ unda tarəw lé ɓa ɓar. Kɔnanəm, i gə́ m’undai dan kəm’g lé Maji kari ɔr rəw am, Dərnda ləm, njema̰də dum ləm! Mbata tàl wa dɔm ləm, Ndi gə́ yəm loondul’g lé wa yiŋga dɔm ləm tɔ.

Pa gə́ ur dɔ paje 5:4

Yeḛ gə́ m’undá dan kəm’g lé Ula jia kəmbolè’g Ndá məəm aw taḭ-taḭ mbata ləa.

Pa gə́ ur dɔ paje 6:1

Ǝi, i njema̰də kunda ma̰də marije lé Yeḛ gə́ i undá dan kəmi’g lé see əd ra wa. See dəb loo gə́ ra ɓa Yeḛ aw par gə́ keneŋ wa. Jeḛ lé j’a kaw sa̰geeje səi.

Esai 12:1

Mee ndəa’g neelé i a pa pana: Ǝi Njesigənea̰, ma m’pidii Mbata kédé oŋg ləi ḭ səi pu dɔm’g, Nɛ oŋg ləi lé tel wəi bèm Ndá i tel gɔl məəm.

Esai 50:2

Loo gə́ m’ree ndá See gelee ban ɓa dəw kára kara godo wa. Loo gə́ m’ɓar m’ɓar ndá See ban ɓa dəw ndigi tam’g el wa. See jim na tas gə mba kwa sí ne wɔgədɔ kɔr sí wa. See siŋgam as gə mba kɔm sí ne tar el wa. Loo gə́ m’tɔji jim ndá Baa-boo-kad tudu kurum-kurum ləm, M’ar baa-booje tel to dɔdilalooje ləm tɔ, Ka̰jije gə́ keneŋ ndum d’ə̰də mbo̰ Mbata mán godo ləm, Deḛ d’wəi yoo-kunda-mán ləm tɔ.

Esai 57:16

Ma m’ndigi ndaŋg dee saar-saar el ləm, Esé ŋgəm oŋg ləm saar-saar gə no̰ el ləm tɔ Nà dəwje gə́ m’unda lé d’a kwəi.

Esai 58:2

Ndɔje kára-kára lai deḛ saŋgəm, Deḛ ndigi gər rəwje ləm, Asəna gə ginkoji dəwje gə́ ra né gə́ gə dɔ najee Gə́ d’uba godndu Ala lə dee d’ya̰ el ləm, Deḛ dəjim gə mba karm m’ar dee ndukun Gə́ ka̰ gaŋgta gə́ gə dɔ najee ləma, Deḛ d’wɔji mba kar Ala rəm pər gə́ rɔ dee’g ləm tɔ.

Esai 8:17

Ma m’unda məəm yel dɔ Njesigənea̰’g, yeḛ gə́ iya kəmee gə ŋgaka Jakobje lé, m’ɔm məəm dəa’g ya.

Nɔ̰-ndôo gə́ wɔji dɔ Jerusalem 3:8

Ma m’ila boo-ndum naŋg M’no̰ m’ɓar-ɓar Mba kar dee la səm nɛ pi ləm, Yeḛ un mbia rəw dɔ tamaji’g ləm ləm tɔ.

Ojee 5:15

M’a kɔd kaw ləm, m’a tel ree si loo-sim’g ləm tɔ Saar kar dee d’wa ndoo rɔ dee dɔ ta gə́ wa dɔ dee’g ləm D’a tel saŋgəm mba koo kəm-ma ɓa ləm tɔ. Loo gə́ d’a si dan néurti’g ndá D’a kɔs badm tel ree rɔm-ma’g ya.

Ojee 5:6

D’a kaw gə badje gə maŋgje lə dee Gə mba ndolè ne goo Njesigənea̰, Nɛ d’a kiŋgá el, Mbata yeḛ sa rəa rəw mbuna dee’g.

Jakari 7:13

Yen ŋga Njesigənea̰ gə́ njeboo-néje pa ne njaŋg pana: Loo gə́ neḛ m’ɓar dee ndá Deḛ mbad koo ta lə neḛ. Togə́bè ɓa loo gə́ deḛ ɓar neḛ ndá Neḛ kara neḛ mbad koo ta lə dee tɔ.

Matiyo 26:75

Léegəneeya kona no̰ wəl ndá mee Piɛrə aḭ har teḛ dɔ ta gə́ Jeju ulá kédé pana: Kona a no̰ el nja ɓəi ndá i a maḭ dɔm’g gɔl munda ya. Yen ŋga, yeḛ unda loo teḛ raga no̰ ɓugudu-ɓugudu.

Mark 14:72

Léegəneeya kona no̰ wəl ɔm gə́ gɔl joo ndá mee Piɛrə olé teḛ dɔ ta gə́ Jeju ulá kédé’g pana: Kona a na̰ ndia joo el nja ndá i a maḭ dɔ rɔi dɔm’g gɔl munda. Loo gə́ yeḛ si ə̰ji taree bèe-bèe ndá no̰ wá jiim.

Loo gə́ killa rea kəm Ja̰’g 3:19

Ma lé dəwje gə́ m’unda dee dan kəm’g ndá m’wɔji dee kəmkàr ləm tɔ. Bèe ndá ḭ gə rɔi rad, wa ndòo rɔi dɔ kaiya’g ləi.

1 Samel 28:6

Sawul dəji Njesigənea̰ ta ndá Njesigənea̰ ilá ta’g gə ni el ləm, gə néje lə njekinjanéməs gə́ ɓaree urim el ləma, gə ndu njéteggintaje el ləm tɔ.