Pa gə́ ur dɔ paje 5:2 - Maktub gə́ To gə Kəmee

² Ma m’toɓi nɛ məəm to kəmba ... Ndu yeḛ gə́ m’undá dan kəm’d Gə́ unda tarəw lé ɓa ɓar. Kɔnanəm, i gə́ m’undai dan kəm’g lé Maji kari ɔr rəw am, Dərnda ləm, njema̰də dum ləm! Mbata tàl wa dɔm ləm, Ndi gə́ yəm loondul’g lé wa yiŋga dɔm ləm tɔ.

Pa gə́ ur dɔ paje 5:2 ပူးပေါင်းရင်းမြစ်များ

Gḭ-Néje 29:20

Togə́bè Jakob ra kula ləbee siri mbata lə Rasel. Nɛ ləbje neelé yeḛ oo asəna gə ndɔje gə́ bəl ba bèe mbata yeḛ ndigee yaa̰.

Pakɔsje 119:1

Rɔlel nai gə deḛ gə́ gel dee godo rəw-kaw dee’g Ar dee njaa gə goo godndu Njesigənea̰ lé.

Pakɔsje 81:10

Maji kar magə kára kara to mbuna sí’g el ləm, Maji kar sí undaje barmba dəbje kəm sí naŋg no̰ magəje gə́ d’ḭ ne dɔ ɓee’g el ləm tɔ.

Gosota-Kəmkàrje 23:26

Ŋgonəm, ya̰ məəi am ləm, Maji kar rəw-kabm lé taa kəmi ləm tɔ.

Pa gə́ ur dɔ paje 1:16

I kura gə́ ban ɓa bèe wa. I gə́ m’undai dan kəm’g lé I maji dum ya. Tira-to sí to mu gə́ idi lururu.

Pa gə́ ur dɔ paje 2:10

Yeḛ gə́ m’undá dan kəm’g lé Un ta pa ulam pana: I njemɔr ləm gə́ m’undai dan kəm’g lé Uba naŋg ḭta gə́ ree.

Pa gə́ ur dɔ paje 2:14

Dərnda ləm gə́ si mbuna mbalje’g ləm, Gə́ iya rəa mba̰-ərje’g ləm tɔ lé Am m’oo kəmi ləm, Am m’oo ndui ləm tɔ Mbata ndui kul yururu ləm, Kəmi ma̰də yaa̰ kəm’g ləm tɔ.

Pa gə́ ur dɔ paje 2:8

Ndu yeḛ gə́ m’undá dan kəm’g lé ya ɓar, Aa oo, yeḛ tal jagəra-jagəra Dɔ mbalje’g ləm, Gə dɔdərlooje’g ləm tɔ aw gə́ nee.

Pa gə́ ur dɔ paje 3:1

Dɔ tira-tom’g loondul’g lé Ma m’saŋg yeḛ gə́ m’ndigee Gə ŋgaw məəm bura Ma m’saŋgee nɛ m’iŋgá el.

Pa gə́ ur dɔ paje 4:7

Ǝi njemɔr ləm, i ma̰də yaa̰, Dəb rɔi kára kara ya̰ maree el.

Pa gə́ ur dɔ paje 4:9

Kɔnanəm, i gə́ ur məəm’g njɔd lé, Rɔlel taa məəm pəl-pəl Loo gə́ i tɔl kəmi mbilao ləm, Kula mər ləi gə́ gwɔbi gə́ i am lé Ar rɔlel taa məəm pəl-pəl ləm tɔ.

Pa gə́ ur dɔ paje 5:11

Dəa to larlɔr gə́ àr ŋgad-ŋgad ləm, Yiŋga dəa ɔm goo na̰’d mbələŋ-mbələŋ ləma, Ndul to gə́ ga̰-ga̰ bèe ləm tɔ.

Pa gə́ ur dɔ paje 5:6

Ma m’ɔr tarəw m’ar yeḛ gə́ m’undá dan kəm’g lé Nɛ yeḛ gə́ m’undá dan kəm’g lé Tur giree ɔd par aw. Loo gə́ yeḛ wɔji səm ta lé Ndiləm teḛ kág igi. Ma m’saŋgee nɛ m’iŋgá el, Ma m’ɓaree nɛ yeḛ ndigi tam’g el tɔ.

Pa gə́ ur dɔ paje 6:9

Dərnda ləm-ma, njema̰də dum ləm lé To gə́ karee ba kiao. Yeḛ to ŋgon kára lə kea̰je, Yeḛ to ŋgon gə́ njekojee ɔr kəmee ɓəd dan njé gə́ raŋg’d. Ŋgama̰dje d’ée ndá deḛ ɓaree njerɔlel, Denéje lə mbaije gə gamla-denéje kara Pidee ləm tɔ.

Pa gə́ ur dɔ paje 7:9

Ma m’pana: M’a kal kag-tumbur lé ndá M’a kwa kuléje! Maji kar mbàije to d’asəna gə kul-nduúje ləm, Maji kar baḭ kəmə ləi ə̰də sululu To gə́ kandə pomə bèe ləm,

Pa gə́ ur dɔ paje 8:7

Man bélmje d’askəm tɔl pər ndigi-na̰ el ləm, Man baaje kara askəm turu dəa el ləm tɔ. Lée dəw odo némajije gə́ mee kəi’g ləa lai mba ndogo ne ndigi-na̰ kara D’a kḛjee gə́ kḛji ya bəḭ-bəḭ.

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Esai 52:14

To gə́ kédé yeḛ to né gə́ ar dəwje bula ɓəl ne Mbata kəmee to ndòo yaa̰ ləm, Rɔndɔḭ ləa to asəna gə ka̰ dəw el ləm tɔ lé

Loo gə́ killa rea kəm Daniel’g 8:18

Loo gə́ yeḛ si wɔji səm ta ndá m’isi dḭdiri, siŋgasa wam am m’oo loo kɔr dɔm tar el. Yeḛ ɔrɔ rɔm am m’ḭ m’aar tar loo-kaarm’g.

Jakari 4:1

Kura gə́ dara gə́ njekwɔji səm ta lé tel ree ndá yeḛ ndelm to gə́ dəw gə́ ndelee dɔ ɓi’g bèe.

Matiyo 7:8

Mbata nana ɓa gə́ kwɔi dee né ndá d’a karee ya ləm, yeḛ gə́ saŋg né ndá a kɔs dəa keneŋ ɓəi ləma, yeḛ gə́ unda tabidi rəw-kəi ndá d’a kɔr karee ya ləm tɔ.

Matiyo 8:17

Togə́bè ɓa ta gə́ njetegginta Esai pa ləw lé aw lée’g béréré mbata yeḛ pana: Yeḛ nja ɓa odo rɔ yooje lə sí ɓugu dəa’g ləm, yeḛ ɔr rɔko̰je lə sí ɔm dəa’g ləm tɔ.

Mark 1:35

Taginloo gə́ loo àr el nja ɓəi ndá Jeju teḛ aw dɔdilaloo’g mba ra tamaji keneŋ.

Lugu 22:44

Loo gə́ yeḛ to ndur rəa ndá yeḛ to ta Ala’g pəgə-pəgə, ar mán təd gə́ rəa’g teḛ kas asəna gə məs gə́ ndəi ɗəŋ-ɗeŋbèe.

Lugu 6:12

Mee ndəa’g neelé Jeju ɔd aw dɔ mbal’g gə mba ra tamaji ta Ala’g ndá yeḛ ar keneŋ saar ar loo àr dəa’g təsərə.

Lugu 9:32

Piɛrə gə njékaw səaje lé ɓi tɔ kəm dee jo̰dɔrɔ-jo̰dɔrɔ, nɛ deḛ d’wa kəm dee keneŋ ti, d’oo ne rɔnduba lə Jeju gə dəwje gə́ joo gə́ d’aar səa lé tɔ.

Tagə́maji gə́ Ja̰ ndang 10:4

Loo gə́ yeḛ ar badje gə́ to kea̰-yeḛ nja lé teḛ raga ndá yeḛ ɔr no̰ dee, badje lé d’ɔm na̰ gée’g mbata deḛ gər ndia gao.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

Njé gə́ Epesə 5:14

Gelee gə́ nee ɓa, yeḛ pa ne pana: I gə́ toɓi lé teḛ kəmi, Unda loo teḛ dan njé gə́ d’wəi’g Ndá Kristi a ndogó nɔḭ’g.

Loo gə́ killa rea kəm Ja̰’g 14:4

Deḛ neelé ra kaiya gə denéje d’ar rɔ dee mina̰ ne el mbata deḛ to gə́ ŋgaw-buaje. Deḛ nja to gə́ njéboalookawje lə Ŋgonbad ləm, deḛ to njé gə́ d’uga dɔ dee mbuna dəwje gə́ dɔ naŋg nee asəna gə né gə́ doŋgɔr mba kar Ala ləm, gə mba kar Ŋgonbad lé ləm tɔ.

Loo gə́ killa rea kəm Ja̰’g 3:20

Aa oo, m’aar takəi’g m’unda ta bidi. Ɓó lé nana ɓa gə́ oo ndum ɔr takəi am ndá m’a kandə kəi ləa-yeḛ ləm, m’a ko̰ səa muru ləma, yeḛ kara a ko̰ səm muru ləm tɔ.

Loo gə́ killa rea kəm Ja̰’g 3:4

Nɛ dəwje gə́ na̰je gə́ d’isi səi Sardes lé d’ar yiro wa kubu lə dee el. Deḛ nja d’a njaa səm gə kubu gə́ nda kələw-kələw mbata d’askəm njaa səm ya.