Pa gə́ ur dɔ paje 5:16 - Maktub gə́ To gə Kəmee

¹⁶ Tea kul yururu ləm, Dareaje lai taa kəm rəgm ləm tɔ. Yeḛ gə́ m’undá dan kəm’g lé to togə́bè, Njemɔr ləm lé to togə́bè ya, Seḭ ŋgama̰dje gə́ Jerusalem lé.

Pa gə́ ur dɔ paje 5:16 ပူးပေါင်းရင်းမြစ်များ

2 Samel 1:23

Sawul gə Jonatan ndigi na̰ D’unda na̰ dan kəm na̰’d Loo gə́ d’aw ne kəmba, Ndá ndɔ kwəi lə dee kara D’ya̰ na̰ el tɔ. Rɔ dee wɔilɔ pélé-pélé Unda niŋgatə̰dəje ləm, Siŋga dee kara unda ka̰ toboḭje ləm tɔ.

Pakɔsje 119:103

Ǝi, taje ləi lé lel tam’g jula-jula Unda ubu tə̰ji gə́ lel tam’g bèe.

Pakɔsje 148:13

Maji kar sí-seḭ lai pidije ri Njesigənea̰ ya Mbata ria-yeḛ ya kára ba to ri gə́ maji dum ləm, Boo-ronduba ləa ur dɔ naŋg nee gə dara ləm tɔ.

Pakɔsje 19:10

Ɓəl Njesigənea̰ lé To né gə́ àr raŋg-raŋg ləm, to né gə́ to gə no̰ ləm tɔ, Rəwta-gaŋg lə Njesigənea̰ lé To tɔgərɔ ləm, to gə dɔ najee ləm tɔ.

Pakɔsje 45:2

Taje gə́ kul yururu lé Ar dɔɓəŋgərəm nɛg jəl-jəl. Am m’pana: Kula ram lé m’ra mbata lə mbai! Maji kar ndo̰m to asəna gə ka̰ néndaŋ-maktub lə bao-ndaŋg-maktub lé bèe.

Pakɔsje 89:6

Ǝi Njesigənea̰, dara lé kila rɔ nédumkooje ləi gə́ raga, Deḛ kila rɔ meenda londoŋ ləi gə́ raga dan loo-kwa-dɔ-na̰’g lə deḛ gə́ to gə kəmee lé to!

Pa gə́ ur dɔ paje 1:16

I kura gə́ ban ɓa bèe wa. I gə́ m’undai dan kəm’g lé I maji dum ya. Tira-to sí to mu gə́ idi lururu.

Pa gə́ ur dɔ paje 1:2

Maji karee il ɓɔlm gə təa ya Mbata ndigi gə́ i ndigim lé Lelm ur dɔ mán-nduú’g.

Pa gə́ ur dɔ paje 1:5

Ŋganje gə́ dené gə́ Jerusalem, Ma lé m’ndul konono To gə́ kəi-kubuje gə́ Kedar bèe Nɛ ma maji péd-péd To gə́ pal-kubu-gaŋg-mee-kəi lə Salomo̰ bèe tɔ.

Pa gə́ ur dɔ paje 2:1

Ma m’to pudu gə́ uba ndag-loo gə́ Saron ləm, Gə pudu ndujaje gə́ wəl-looje’g ləm tɔ.

Pa gə́ ur dɔ paje 2:16

Yeḛ gə́ m’undá dan kəm’g lé Yeḛ to kama̰ ndá ma m’to kea̰-yeḛ tɔ. Yeḛ ar koso-nékulje ləa d’aw d’o̰ mu Mbuna puduje’g lé ya.

Pa gə́ ur dɔ paje 2:3

To gə́ kag-pɔmə gə́ uba mbuna kagje gə́ mee kɔr’g bèe lé Yeḛ gə́ m’undá dan kəm’g lé Aar mbuna basaje’g togə́bè ya tɔ. Ma m’ndiŋga rɔm mba si ndilee’g, Tɔɓəi ka̰dee lel tam’g jula-jula tɔ.

Pa gə́ ur dɔ paje 4:3

Ndar tai lé Asəna gə kúla gə́ kas nja̰ bèe ləm, Tapai lel yaa̰ ləm tɔ. Kwojii to asəna gə dəb kuri-dḭ bèe Mee kubu gə́ ila dɔi’g lé.

Pa gə́ ur dɔ paje 6:3

Ma m’to ka̰ yeḛ gə́ m’undá dan kəm’g ləm, Yeḛ gə́ m’undá dan kəm’g to kama ləm tɔ, Yeḛ ar koso-nékulje ləa d’aw d’o̰ mu mee puduje’g.

Pa gə́ ur dɔ paje 7:9

Ma m’pana: M’a kal kag-tumbur lé ndá M’a kwa kuléje! Maji kar mbàije to d’asəna gə kul-nduúje ləm, Maji kar baḭ kəmə ləi ə̰də sululu To gə́ kandə pomə bèe ləm,

Jeremi 15:16

Ma m’taa taje ləi m’uru dee məəm’g, Taje ləi lé ar məəm lelm ləm, Am m’isi ne dan boo-rɔkal’g ləm tɔ Mbata rii ɓar dɔm’g, I Njesigənea̰, Ala lə njéboo-rɔje.

Jeremi 3:20

Nɛ to gə́ dené to majikoji el no̰ ŋgabeeje’g lé Seḭ gel-bɔje lə Israɛl kara Toje majikojije el nɔm’g togə́bè tɔ, Njesigənea̰ ɓa pa bèe.

Ojee 3:1

Njesigənea̰ ulam pana: Dené neelé gə́ njeto səa gə́ raŋg si gən ləm, gə́ to njemɔdkaiya ləm tɔ lé maji kam m’tel m’undá dan kəm’g gogo. Maji kam m’ndigee to gə́ Njesigənea̰ ndigi ne Israɛlje gə́ tel kəm dee gə́ rɔ magəje’g d’unda mbəje gə́ ra dee gə kandə nduú gə́ tudu lé dan kəm dee’g bèe lé.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

Maktub gə́ Jak ula ne ar ngan-Allaje 2:23

Yee ɓa ta gə́ ndaŋg mee maktub’g lé tɔl ne ŋgaŋgee bém pana: Abrakam ɔm mée dɔ Ala’g, meekun lé Ala ée ne sur gə́ dəw gə́ njemeekarabasur, yee ɓa deḛ ɓaree ne kuramar Ala ya.

Maktub gə́ Jak ula ne ar ngan-Allaje 4:4

Seḭ ram-dəwje, see seḭ gərje el wa. Yeḛ gə́ unda naŋg nee dan kəmee’g ndá yeḛ wa ba̰ gə Ala. Bèe ndá yeḛ gə́ ndigi kɔr kura gə naŋg nee ndá yeḛ nja tel to njekwaba̰ gə Ala tɔ.