Pa gə́ ur dɔ paje 5:15 - Maktub gə́ To gə Kəmee

¹⁵ Kur gɔleeje to gə́ gaji kagje Gə́ ra gə mbal gə́ ndá Gə́ d’ula dɔ nékwa gɔlee’d Gə́ ra gə larlɔr gə́ àr ŋgad-ŋgad ləm, Rɔkunda ləa to to gə́ mbal gə́ Liba̰ Gə́ kura yaa̰ asəna gə kag-sɛdrəje bèe ləm tɔ.

Pa gə́ ur dɔ paje 5:15 ပူးပေါင်းရင်းမြစ်များ

Pakɔsje 80:10

I ra loo nea̰’g bur-bur Aree ula ŋgira naŋg uba taa dɔ naŋg pəl-pəl ya tɔ.

Pakɔsje 92:12

Meem lelm yaa̰ mba koo ne njéba̰je ləm gə́ d’isi tuji ləm, Mbim kara m’ur njor m’oo ne ndu njékoma̰ səmje gə́ to njémeeyèrje lé ya ləm tɔ.

Pakɔsje 92:13

Njémeekarabasurje lé ra tɔg gə́ kédé-kédé to gə́ kag-tumbur bèe ya ləm, Deḛ teḛ mbi teḛ boo to gə́ kag-sɛdrə gə́ Liba̰ bèe ya ləm tɔ.

Teḛ-Raga 26:19

D’a léḛ larnda ra gə́ gɔl gaji kagje as rɔ-sɔ mba kya̰ kəmbolee keneŋ-keneŋ gə mba kunda gel gaji kagje gə́ rɔ-joo’g neelé ndá néje gə́ ra gə larnda lé d’a ra joo-joo mbata lə gaji kag kára-kára mba tula teaje gə́ goré joo-joo lé keneŋ tɔ.

Pa gə́ ur dɔ paje 2:14

Dərnda ləm gə́ si mbuna mbalje’g ləm, Gə́ iya rəa mba̰-ərje’g ləm tɔ lé Am m’oo kəmi ləm, Am m’oo ndui ləm tɔ Mbata ndui kul yururu ləm, Kəmi ma̰də yaa̰ kəm’g ləm tɔ.

Pa gə́ ur dɔ paje 4:11

Njemɔr ləm, ubu tə̰ji ḭ tai’g ndəi ɗəŋ-ɗeŋ ləm, Ubu tə̰ji gə mbà to gel ndɔḭ’g ləma, Baḭ kubu ləi ə̰də sululu To gə́ baḭ loo gə́ Liba̰ bèe ləm tɔ.

Pa gə́ ur dɔ paje 7:4

Mbàije joo bɔr D’asəna gə ŋgan da-kalje gə́ joo ləm, D’asəna gə arkasje gə́ to nduŋgaje bèe ləm tɔ.

Nɔ̰-ndôo gə́ wɔji dɔ Jerusalem 4:7

Kédé lé rɔ mbaije ləa ndɔḭ unda kwɔji ləm, Nda lə dee kara ur dɔ mbà’g ləm tɔ, Rɔ dee kas pəl-pəl unda jər gə́ ɓaree korail ləm, Kəm deḛ lai lé to asəna gə jər Gə́ ɓaree sapir lé ləm tɔ.

Ejekel 17:23

N’a mea̰ dɔ mbal gə́ ŋgal gə́ Israɛl. Yee a tɔ barkəmeeje ləm, a kandə njim-njim ləma, a tel to kag-sɛdrə gə́ maji dum ləm tɔ. Yelje gə́ gə gel dee gel dee d’a kwa rɔ dee gelee’g ləm, néje lai gə́ gə bag dee d’a kwa rɔ dee barkəmeeje’g ləm tɔ.

Ejekel 31:8

Kag-sɛdrəje gə́ mee ndɔ’g lə Ala maji d’undá el ləm, Kag-siprɛsje d’as gə barkəmeeje el ləma, Kag-platanəje kara to to gə́ barkəmeeje el ləm tɔ, Kag kára kara gə́ mee ndɔ’g lə Ala gə́ kura as səa lé godo.

Ojee 14:7

Barkəmeeje d’a tɔ kalè, Boo-ronduba ləa a to kasəna gə boo-ronduba lə kag-koiyo ləm, Baḭyee a kə̰d sululu asəna gə kagje gə́ Liba̰ bèe ləm tɔ.

Jakari 9:17

Ǝi, boo-némeemaji ləa mbata lə dee to yaa̰ ləm, kura yaa̰ ləm tɔ. Ko gə́ sigi gə mán-nduú gə́ kul lé A kar siŋga basaje gə ŋgama̰dje to ne kɔgərɔ-kɔgərɔ tɔ.

Matiyo 17:2

Rea tel ndɔḭ ar ŋgo nea̰ gə kwɔji kəmee ndɔḭ wər-wər asəna gə kàr ləm, kubuje ləa kara tel ndá ɔr njɔl-njɔl ləm tɔ.

Matiyo 28:3

Yeḛ ndɔḭ wər-wər asəna gə ndi gə́ tel ləm, kubu ləa ndá kələw-kələw asəna gə kwɔji ləm tɔ.

Néra Njékaḭkulaje 2:28

I ar neḛ n’gər kila-rəwje gə́ ka̰ kisi ne kəmba lé gao ləm, Koo gə́ n’ooi no̰ neḛ’g lé kara a kar neḛ nda ne mee neḛ kaḭ ya ləm tɔ.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

Njéga̰g-Rəwtaje 13:6

Dené lé aw ula ŋgabeeje pana: Dəw lə Ala ree rɔm’g ndá kəmee to tana gə kura lə Ala gə́ dara ləm, rɔndɔḭ ləa to ɓəl kədm-kədm ləm tɔ. Ma m’oo loo dəjee pana: See i ḭ ra wa kara bèe el ləm, yeḛ kara ulam ria am m’gər el ləm tɔ.