Pa gə́ ur dɔ paje 5:13 - Maktub gə́ To gə Kəmee

¹³ Kwɔjeje to d’asəna gə dɔ bai gə́ ma̰a néje Gə́ ə̰də sululu keneŋ bèe ləm, Gə́ puduje gə́ ə̰də sululu to keneŋ yaa̰ ləm tɔ, Teaje to asəna gə pudu ndujaje Gə́ ubu timbá ndəi keneŋ bèe.

Pa gə́ ur dɔ paje 5:13 ပူးပေါင်းရင်းမြစ်များ

Pakɔsje 27:4

Ma m’dəji Njesigənea̰ né kára gə́ ma m’ndiŋga lé Ma m’ndəb ndəbee gə mba kiŋga: Ma m’ndigi si kəi lə Njesigənea̰ saar gə nɔm ya Gə mba korè ne kəm ndəŋ dɔ boo-ronduba’g lə Njesigənea̰ ləm, Gə mba kar kəm wəi ne sḭ dɔ kəi-siée’g ləm tɔ.

Pakɔsje 45:2

Taje gə́ kul yururu lé Ar dɔɓəŋgərəm nɛg jəl-jəl. Am m’pana: Kula ram lé m’ra mbata lə mbai! Maji kar ndo̰m to asəna gə ka̰ néndaŋ-maktub lə bao-ndaŋg-maktub lé bèe.

Pakɔsje 45:3

I lé kura yaa̰ unda marije lai, Boo-ta noji gə́ kul yururu kinja na̰ tai’g, Gelee gə́ nee ɓa Ala tɔr ne ndia dɔi’g saar-saar gə no̰ ya.

Pakɔsje 89:15

Ta gə́ to gə dɔ najee gə néra gə́ danasur lé ɓa gə́ gin kalimbai ləi ləm, Meemaji gə meenda londoŋ ləi lé to nɔḭ’g ya ləm tɔ.

Pa gə́ ur dɔ paje 1:10

Kwojii maji péd-péd mbuna némbije’g ləi ləm, Gwɔbi to ɗḛ́rḛ́g dan mərje’g ləm tɔ.

Pa gə́ ur dɔ paje 1:16

I kura gə́ ban ɓa bèe wa. I gə́ m’undai dan kəm’g lé I maji dum ya. Tira-to sí to mu gə́ idi lururu.

Pa gə́ ur dɔ paje 2:1

Ma m’to pudu gə́ uba ndag-loo gə́ Saron ləm, Gə pudu ndujaje gə́ wəl-looje’g ləm tɔ.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Pa gə́ ur dɔ paje 4:11

Njemɔr ləm, ubu tə̰ji ḭ tai’g ndəi ɗəŋ-ɗeŋ ləm, Ubu tə̰ji gə mbà to gel ndɔḭ’g ləma, Baḭ kubu ləi ə̰də sululu To gə́ baḭ loo gə́ Liba̰ bèe ləm tɔ.

Pa gə́ ur dɔ paje 5:5

M’uba naŋg m’ḭta mba kɔr tarəw Kar yeḛ gə́ m’undá dan kəm’g lé Ndá ubu timbá ndəi jim’g ɗəŋ-ɗeŋ ləm, Ŋgan jim saga ubu timbá Dɔ pəgərə kudu tarəw’g ləm tɔ.

Pa gə́ ur dɔ paje 6:2

Yeḛ gə́ m’undá dan kəm’g lé Aw loo-kamnaḭ’g ləa, Yeḛ aw njaa mbuna ɓaije’d Gə́ néje gə́ d’ə̰də sululu d’uba keneŋ Mba kar koso-nékulje ləa d’o̰ mu loo-ma̰a-kagje’g ləm, Gə mba kaw ti pudu ndujaje ləm tɔ.

Esai 50:4

Mbaidɔmbaije gə́ Njesigənea̰ ulam ta Gə́ kəm karm m’pa Gə mba kam m’gər loo pata M’gəd ne yeḛ gə́ unda ndolè. Teḛ gə ndɔ gə ndɔje kára-kára lai lé Yeḛ ndelm, Yeḛ ar mbim to tag gə mba koo ne ta Gə mba kam m’oo ta To gə́ njékwakiláje d’oo bèe.

Esai 50:6

M’tel girm m’ila m’ar deḛ gə́ njékṵdamje ləm, M’ila mbɔrm m’ar deḛ gə́ njétɔr mbaitamje ləm tɔ, M’o̰ kəm gə né Mbata rɔkulje gə́ d’ila dɔm’g Esé yiro gə́ tibi kəm’g lé el.

Lugu 4:22

Deḛ lai d’ɔr ta ləa maji, boo-ta gə́ kul yururu gə́ kinja təa’g lé ar kaar dee wa dee dɔ’g paḭ-paḭ ar dee d’ula na̰ ta d’wɔji ne dəa pana: See yeḛ neelé to gə́ ŋgolə Jisəb el wa.

Loo gə́ killa rea kəm Ja̰’g 21:23

Ɓee-boo neelé aw ndòo kàr əsé naḭ mba kar dee ndogó keneŋ el, mbata rɔnduba lə Ala ɓa ndogó keneŋ ləm, Ŋgonbad lé to gə́ pərŋgel ləa ləm tɔ.