Pa gə́ ur dɔ paje 4:9 - Maktub gə́ To gə Kəmee

⁹ Kɔnanəm, i gə́ ur məəm’g njɔd lé, Rɔlel taa məəm pəl-pəl Loo gə́ i tɔl kəmi mbilao ləm, Kula mər ləi gə́ gwɔbi gə́ i am lé Ar rɔlel taa məəm pəl-pəl ləm tɔ.

Pa gə́ ur dɔ paje 4:9 ပူးပေါင်းရင်းမြစ်များ

Gḭ-Néje 20:12

Nɛ lé bèe kara yeḛ to ŋgokɔm gə́ dené tɔgərɔ ya mbata bɔ síjeḛ səa kára ba nɛ ko̰ síje ɓa ɓəd-ɓəd. Yee ɓa m’təa ne gə́ dené ləm gə́ mbəa ya.

Gḭ-Néje 41:42

Parao̰ ɔr ŋgama ləa gə́ jia’g ula ji Jisəb’g ləm, yeḛ ula kubu gə́ ra gə kúla palégal rəa’g ləma, ila yeŋgəre larlɔr gwɔsee’g ləm tɔ.

Pakɔsje 45:9

Ubu gə́ rəd gə timbá, gə ko̰-nduja, gə bel-derba lé baḭ dee ə̰də kubuje’g ləi sululu, Mee kəi-mbai gə́ ra gə ŋgaŋ kər lé Nékimje gə́ ra gə kúla lé d’ar rɔi leli ne.

Gosota-Kəmkàrje 1:9

Mbata to dɔgugu-noji gə́ ka̰ kula dɔi’g ləm, Gə nékuraje gə́ ka̰ kɔm gwɔsi’g ləm tɔ.

Gosota-Kəmkàrje 6:25

Maji kari ra kəmnda dəa’g məəi’g Mbata ma̰də ləa el ləm, Ya̰ loo aree əri gə dɔkəmee el ləm tɔ.

Pa gə́ ur dɔ paje 1:10

Kwojii maji péd-péd mbuna némbije’g ləi ləm, Gwɔbi to ɗḛ́rḛ́g dan mərje’g ləm tɔ.

Pa gə́ ur dɔ paje 1:15

Ǝi njemɔr ləm, I ma̰də gə́ ban ɓa bèe wa. I ma̰də gə́ ban ɓa bèe wa. Kəmi to asəna gə dərndaje bèe.

Pa gə́ ur dɔ paje 3:11

Ŋgama̰dje gə́ Sio̰, Maji kar sí teḛje raga ooje Mbai Salomo̰ gə dɔgugu-mbai Gə́ kea̰je ula dəa’g Ndɔ ra naḭ taa dené’g ləa lé To ndɔ gə́ rəa lelee dɔɓəŋgəree’g ya.

Pa gə́ ur dɔ paje 4:10

Kɔnanəm, njemɔr ləm, Ndigi ləi maji gə́ ban ɓa bèe wa. Ndigi ləi maji unda mán-nduú ləm, Ubu ləi gə́ ə̰də sululu ə̰də lel ur dɔ néje Gə́ ə̰də sululu gə́ ban ɓa bèe ləm tɔ wa.

Pa gə́ ur dɔ paje 4:12

Kɔnanəm, njemɔr ləm, I to loo-ma̰a-kag gə́ d’ula ŋgalaŋ gugu ne dəa ləm, I to kəm-rəw-mán gə́ wɔji dɔm-ma ya ləma, Gə ŋgira-mán gə́ to kama ya ləm tɔ.

Pa gə́ ur dɔ paje 6:12

Ma m’gər el, nɛ malee gə́ məəm’g Am m’to m’as ne na̰ gə pusu-rɔ lə koso-dəwje ləm gə́ njériɓarje bèe.

Pa gə́ ur dɔ paje 6:5

Un kəmi dɔm’d gə́ raŋg Nà loo-kaa ləi jɔgm yaa̰. Yiŋga dɔi to asəna gə koso-bya̰je Gə́ d’ḭ dɔ mbal gə́ Galaad D’aw risi gə́ naŋg bèe.

Pa gə́ ur dɔ paje 7:10

Maji kar tai lel to gə́ mán-nduú Gə́ ai ndá ari rɔlel bèe ləm tɔ, Man-nduú gə́ ula njoroŋ mbata lə Yeḛ gə́ m’undá dan kəm’g lé ləm, Gə́ ruba ta njétoɓije’g lé ləm tɔ.

Esai 54:5

Mbata njekundai ɓa gə́ ŋgabije, Njesigənea̰ gə́ njeboo-néje ɓa gə́ ria, Njerɔkunda lə Israɛlje ɓa gə́ njekoga dɔi! Yeḛ lé ria lə Ala gə́ to mbai dɔ naŋg nee lai.

Esai 62:5

To gə́ basa ɔm ne na̰’d Gə ŋgoma̰də gə́ gər ŋgaw el ɓəi bèe lé Ŋganije gə́ diŋgam d’a kɔm səi na̰’d togə́bè tɔ. To gə́ njedené-sigi ra ne rɔlel dɔ dené’g ləa bèe lé I a to nérɔlel lə Ala togə́bè tɔ.

Ejekel 16:11

Neḛ n’ɔm néndamje rɔi’g ləm, n’ɔm niŋga jii’g ləma, n’ila mər-mbai gwɔsi’g ləm tɔ,

Ejekel 16:8

Neḛ n’dəs mbɔri’g péd ndá neḛ n’aa loo n’ooi nɛ aa oo, kàree ləi teḛ mba̰, to kàr taa ŋgaw ləi ŋga. Neḛ n’teḛ ta kubu lə neḛ gə́ ŋgal yududu n’ila dɔi’g n’o̰ ne kudi gə́ to dum lé. Neḛ n’un ndu neḛ n’ari gə mba kɔm səi na̰’d sad ləm, neḛ manrɔ neḛ n’ari ləm tɔ, Mbaidɔmbaije gə́ Njesigənea̰ ɓa pa bèe ndá seḭ toje ka̰ neḛje ya.

Loo gə́ killa rea kəm Daniel’g 5:7

Mbai lé ɔr ndia tar gə no̰ wəl mba kar dee d’ar njétən kéréméje ləm, gə Kaldeje ləma, gə njénékooje ləm tɔ lé ree rəa’g. Tɔɓəi mbai lé un ta ula njékəmkàrje gə́ Babilɔn pana: Nana ɓa gə́ a tura ta gə́ ndaŋg ləm, a kɔr gelee kam ləm tɔ ndá d’a kula kubu gə́ ndul piro-piro rəa’g ləm, d’a kila yeŋgəre gə́ ra gə larlɔr gwɔbee’g ləma, yeḛ a kiŋga loo-siée gə́ njekɔm’g munda loo-ko̰ɓee’g ləm tɔ.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Matiyo 12:50

Mbata nana ɓa gə́ ra torndu Bɔm gə́ si dan dara’g dana bab ndá yeḛ ɓa gə́ ŋgokɔm ləm, gə kɔnanəm ləma, gə kɔmje ləm tɔ.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

1 Njé gə́ Kɔrḭtə 9:5

See j’askəm kɔr kɔnan sí gə́ dené mba karee to njekaw sə sí gə looje lai gə́ j’a kaw keneŋ to gə́ njékaḭkulaje gə́ raŋg ləm, gə ŋgako̰ Mbaidɔmbaije ləma, gə Képas ləm tɔ ra lé el wa.

2 Njé gə́ Kɔrḭtə 11:2

Mbata kəm əḭ dɔ sí’g gə kəmkəḭ ka̰ Ala. Ma m’ar sí taaje Kristi gə́ ŋgaw-kar gə mba kam m’teḛ sə sí rɔ Kristi asəna gə ŋgoma̰də gə́ rəa àr ŋgad-ŋgad gə́ gər ŋgaw el ɓəi.

Loo gə́ killa rea kəm Ja̰’g 21:2

Tɔɓəi ma m’oo ɓee-boo gə́ d’unda gə kəmee gə́ to Jerusalem gə́ sigi gə́ ḭ dara rɔ Ala’g nar jərəŋ ree naŋg neelé. Yee ndɔḭ yaa̰ asəna gə dené gə́ ra rəa ma̰də mba taa ne kəm ŋgabeeje ndɔ taa na̰’g lə dee bèe.