Pa gə́ ur dɔ paje 4:14 - Maktub gə́ To gə Kəmee

¹⁴ Sɔ-ndam gə nduja-kuru ləm, Gə mu-kwaa gə́ ə̰də sululu gə gobo ləm, Gə kagje gə́ gə ri dee ri dee gə́ ə̰də sululu ləma, Gə ubu timbá gə ko̰-nduja gə néje lai gə́ ə̰də sululu Gə́ maji unda mar deeje ləm tɔ lé To keneŋ.

Pa gə́ ur dɔ paje 4:14 ပူးပေါင်းရင်းမြစ်များ

Gḭ-Néje 43:11

Bɔ deeje gə́ Israɛl lé ula dee pana: Ɓó lé to togə́bè ndá né gə́ kəm ra ɓa to nee: Odoje némajije gə́ d’ur dɔ mareeje’g mee ɓee’g lə sí ɔm deeje mee ɓɔlje’g lə sí awje ne arje dəw neelé gə́ né-lapia ya: Odoje no̰ kag lam ləm, ubu tə̰ji lam ləm, kuma̰ gə́ ə̰də sululu ləm, ubu timbá ləm, pistasje ləma, gə ama̰dəje ləm tɔ.

1 Mbaije 10:10

Yeḛ ar mbai larlɔr as nékwɔji kwɔi-lə-né tɔl-dɔg-loo-munda gə dəa tɔl-mi (3.500) ləm, gə boo-néje gə́ ə̰də sululu ləma, gə jərje gə́ gad dee to yaa̰ ləm tɔ. Néje gə́ ə̰də sululu gə́ d’ḭ ne raŋg ree ne gə́ to asəna gə njé gə́ mbai gə́ dené gə́ Seba ree ne ar mbai Salomo̰ lé godo.

2 Sôrta Gḭka Israɛlje 9:9

Tɔɓəi yeḛ ar mbai Salomo̰ larlɔr as nékwɔji kwɔi-lə-né tɔl-dɔg (1.000) gə gesee ləm, gə boo-néje gə́ ə̰də sululu ləma, gə jərje gə́ gad dee to yaa̰ ləm tɔ. Néje gə́ ə̰də sululu gə́ mbai gə́ dené gə́ Seba ar mbai Salomo̰ lé garee godo ya.

Pakɔsje 45:8

I lé unda néra gə́ gə meekarabasur dan kəmi’g Nɛ néra gə́ yèr lé i ə̰ji bəḭ-bəḭ, Gelee gə́ nee ɓa, Ala gə́ to Ala ləi lé wa ne dɔi gə ubu gə́ ka̰ rɔlel Undai ne gə kəmee unda kuramarije.

Teḛ-Raga 30:23

Odo néje gə́ ə̰də sululu gə́ maji dum to gə́ mán timbá as nékwɔji kwɔi-lə-né mi ləm, gə gobo gə́ ə̰də sululu as nékwɔji kwɔi-lə-né joo gə gesee ləm, gə mu kwaa gə́ ə̰də sululu as nékwɔji kwɔi-lə-né joo gə gesee ləm,

Gosota-Kəmkàrje 7:17

Ma m’ɔm néje gə́ ə̰də sululu loo-toom’g: Ubu timbá ləm, mán ko̰-ndujaje ləma, Gə mán gobo ləm tɔ.

Pa gə́ ur dɔ paje 1:12

Loo gə́ mbai ləm Si gə ta ka-nésɔ’gə́ ləa ya ɓəi ndá Ubu ndam gə́ m’ndèm lé Baḭyee ə̰də sululu taa loo pəl-pəl.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Pa gə́ ur dɔ paje 4:6

Ɓad ɓa kar loo kul ɓəi ləm, Kar ndil kagje d’aḭ ləm tɔ lé M’a kaw dɔ mbal’d gə́ timbá to keneŋ ləm, Gə dɔdərloo gə́ né gə́ ə̰də sululu to keneŋ ləm tɔ.

Pa gə́ ur dɔ paje 5:1

Kɔnanəm, njemɔr ləm, Ma m’andə loo-ma̰a-kagje’g ləm, Ma m’ti timbá gə néje gə́ ə̰də sululu ləm, Ma m’usɔ mba̰ tə̰ji gə ubee na̰’d ləma, Ma m’ai mán-nduú gə mbà na̰’d ləm tɔ. Baokuraje ləm, sɔje gə aije, Arje mal ndigi na̰ ra sí!

Pa gə́ ur dɔ paje 6:2

Yeḛ gə́ m’undá dan kəm’g lé Aw loo-kamnaḭ’g ləa, Yeḛ aw njaa mbuna ɓaije’d Gə́ néje gə́ d’ə̰də sululu d’uba keneŋ Mba kar koso-nékulje ləa d’o̰ mu loo-ma̰a-kagje’g ləm, Gə mba kaw ti pudu ndujaje ləm tɔ.

Ejekel 27:19

Un kudee Ujal lé njé gə́ Bedan gə njé gə́ Jaban to njé ree gə néje gə́ d’ɔm loo-rab-néndogoje’g ləi, larndul gə́ ndiri pəd ləm, gə ŋgwɔi-kag gə́ ə̰də sululu ləma, gə mu kwaa gə́ ə̰də sululu ləm tɔ lé deḛ mbél ne səi néndogoje ləi.

Bula lə Israɛlje 24:6

Deḛ to gə́ kédé-kédé asəna gə wəl-looje ləm, Asəna gə loo-kamnaḭje gə́ ta baa’g bèe ləm, Asəna gə ndujaje gə́ Njesigənea̰ ma̰a dee ləma, Asəna gə kag-sɛdrəje gə́ to ta manje’g ləm tɔ.

Mark 16:1

Loo gə́ ndɔ-kwa-rɔ lé dəs mba̰ ndá Mari gə́ Magdala ləm, gə Mari gə́ ko̰ Jak ləma, gə Salome ləm tɔ lé ndogo ubu gə́ ə̰də sululu d’aw mba kɔm dɔ Jeju’g.

Tagə́maji gə́ Ja̰ ndang 19:39

Nikodem gə́ aw rɔ Jeju’g loondul’g kédé lé yeḛ kara ree keneŋ tɔ. Yeḛ ree gə ubu timbá gə ko̰-nduja gə́ podé na̰’d ra ne kuma̰ gə́ ə̰də sululu gə́ kwɔi ləa as nékwɔji kwɔi-lə-né rɔ-munda bèe.

Loo gə́ killa rea kəm Ja̰’g 18:13

gə gobo ləm, gə kandə kamnaḭ gə́ ə̰də lel ləm, gə né gə́ ə̰də sululu ləm, gə timbá ləm, gə no̰ kag gə́ ə̰də sululu ləm, gə mán-nduú ləm, gə ubu ləm, gə nduji gə́ ndá léréré ləm, gə koje ləm, gə bɔ maŋgje ləm, gə badje ləm, gə kundaje ləm, gə pusuje ləma, gə ɓərje gə dəwje bura ləm tɔ.