Pa gə́ ur dɔ paje 4:10 - Maktub gə́ To gə Kəmee

¹⁰ Kɔnanəm, njemɔr ləm, Ndigi ləi maji gə́ ban ɓa bèe wa. Ndigi ləi maji unda mán-nduú ləm, Ubu ləi gə́ ə̰də sululu ə̰də lel ur dɔ néje Gə́ ə̰də sululu gə́ ban ɓa bèe ləm tɔ wa.

Pa gə́ ur dɔ paje 4:10 ပူးပေါင်းရင်းမြစ်များ

Pa gə́ ur dɔ paje 1:12

Loo gə́ mbai ləm Si gə ta ka-nésɔ’gə́ ləa ya ɓəi ndá Ubu ndam gə́ m’ndèm lé Baḭyee ə̰də sululu taa loo pəl-pəl.

Pa gə́ ur dɔ paje 3:6

See na̰ ɓa ḭ dɔdilaloo’g aw gə́ nee To gə́ sa pər gə́ uba tel-tel bèe, Gə́ tuu rəa gə timbá ləm, Gə né gə́ ə̰də sululu to gə́ ndiri bèe ləma, Gə néje lə njérab-néje lai Gə́ ə̰də sululu ləm tɔ nee wa.

Pa gə́ ur dɔ paje 4:9

Kɔnanəm, i gə́ ur məəm’g njɔd lé, Rɔlel taa məəm pəl-pəl Loo gə́ i tɔl kəmi mbilao ləm, Kula mər ləi gə́ gwɔbi gə́ i am lé Ar rɔlel taa məəm pəl-pəl ləm tɔ.

Pa gə́ ur dɔ paje 5:5

M’uba naŋg m’ḭta mba kɔr tarəw Kar yeḛ gə́ m’undá dan kəm’g lé Ndá ubu timbá ndəi jim’g ɗəŋ-ɗeŋ ləm, Ŋgan jim saga ubu timbá Dɔ pəgərə kudu tarəw’g ləm tɔ.

Pa gə́ ur dɔ paje 7:6

Dɔi to tar to gə́ mbal gə́ Karmel bèe ləm, Yiŋga dɔi to asəna gə kubu gə́ ndul piro-piro ləm tɔ, Yiŋga dɔi gə́ d’wa lé su kəm mbai wa.

Njé gə́ Galati 5:22

Nɛ kandə né gə́ ka̰ Ndil lé ɓa to nee ya: Meenoji ləm, gə rɔlel ləm, gə meekulɔm ləm, gə meekai sam-sam ləm, gə to gə́ dəw-noji ləm, gə meemaji ləm, gə to gə́ ŋgonkoji ləm, gə kaw yururu ləma, gə kunda-kəmkàr-dɔ-rɔ’g ləm tɔ lé

Njé gə́ Pilibə 4:18

Ma m’iŋga néje lai m’isi danee bèdèg ya. Némajije gə́ seḭ ulaje ne Epaproditə areeje am lé m’iŋga dee m’ar dee taa rɔm pəl-pəl ya. Néje neelé to asəna gə né gə́ ə̰də sululu ləm, asəna gə nékinjaməs gə́ baḭyee ə̰də lel Ala lé gə́ taa ne kəmee rəgm tɔ.

Loo gə́ killa rea kəm Ja̰’g 5:8

Loo gə́ yeḛ taa maktub lé mba̰ ndá nékundaje lə Ala sɔ gə́ d’aw kəmba ləm, gə ŋgatɔgje rɔ-joo-gir-dee-sɔ ləm tɔ d’unda barmba d’ula dɔ dee naŋg no̰ Ŋgonbad’g lé. Deḛ kára-kára lai d’isi gə kṵdu-kagje ləm, bai-larlɔrje gə́ né ə̰də sululu rusu mee dee tub-tub to ji dee’g kára-kára lai ləm tɔ. Yee ɓa gə́ tamaji ra lə deḛ gə́ to gə kəmee.