Pa gə́ ur dɔ paje 4:1 - Maktub gə́ To gə Kəmee

¹ Ǝi njemɔr ləm, I ma̰də gə́ ban ɓa bèe wa. I ma̰də gə́ ban ɓa bèe wa. Kəmi to asəna gə dərndaje bèe Mee kubu gə́ ila dɔi’g lé, Yiŋga dɔi to asəna gə koso-bya̰je Gə́ d’ḭ dɔ mbal’d gə́ Galaad D’aw risi gə́ naŋg bèe.

Pa gə́ ur dɔ paje 4:1 ပူးပေါင်းရင်းမြစ်များ

Pakɔsje 45:11

Ŋgonəm gə́ dené, maji kari kɔd mbii ila tag oo ne ta nee: Ar məəi wəi dɔ dəwje’g ləi ləm, gə dɔ njémeekəije’g lə bɔbije ləm tɔ.

Pa gə́ ur dɔ paje 1:15

Ǝi njemɔr ləm, I ma̰də gə́ ban ɓa bèe wa. I ma̰də gə́ ban ɓa bèe wa. Kəmi to asəna gə dərndaje bèe.

Pa gə́ ur dɔ paje 2:10

Yeḛ gə́ m’undá dan kəm’g lé Un ta pa ulam pana: I njemɔr ləm gə́ m’undai dan kəm’g lé Uba naŋg ḭta gə́ ree.

Pa gə́ ur dɔ paje 2:14

Dərnda ləm gə́ si mbuna mbalje’g ləm, Gə́ iya rəa mba̰-ərje’g ləm tɔ lé Am m’oo kəmi ləm, Am m’oo ndui ləm tɔ Mbata ndui kul yururu ləm, Kəmi ma̰də yaa̰ kəm’g ləm tɔ.

Pa gə́ ur dɔ paje 6:5

Un kəmi dɔm’d gə́ raŋg Nà loo-kaa ləi jɔgm yaa̰. Yiŋga dɔi to asəna gə koso-bya̰je Gə́ d’ḭ dɔ mbal gə́ Galaad D’aw risi gə́ naŋg bèe.

Pa gə́ ur dɔ paje 6:7

Kwojii to asəna gə dəb kuri-dḭ bèe Mee kubu gə́ ila dɔi’g lé.

Pa gə́ ur dɔ paje 7:5

Gwɔbi ŋgal ɗéréŋ asəna gə kəi Gə́ duu dɔ loo gə́ ra gə ŋgaŋ kər ləm, Kəmi to asəna gə daŋg-mán gə́ Esbon Gə́ to mbɔr tarəw gə́ Bat-Rabim bèe ləma, Emi to asəna gə kəi gə́ duu dɔ loo gə́ Liba̰ Gə́ wɔji dɔ loo gə́ Damas njoroŋ bèe ləm tɔ.

Jeremi 22:6

Mbata Njesigənea̰ pata wɔji ne dɔ kəi-mbai lə mbai gə́ Juda pana: Kəm neḛ’g lé i to asəna gə ɓee gə́ Galaad bèe ləm, Asəna gə dɔ sém mbal gə́ Liba̰ bèe ləm tɔ. Nɛ tɔgərɔ n’a kari tel to asəna gə dɔdilaloo ləm, Gə ɓee-boo gə́ dəw kára kara si keneŋ el ləm tɔ.

Ejekel 16:14

Rii oso gə loo mbidi-mbidi mbuna ginkoji dəwje gə raŋg’g mbata ma̰də ləi, mbata ma̰də ləi ɔr njal gə mba némajije gə́ n’ɔm rɔi’g n’ari bəndərə ne tar bən lé. Mbaidɔmbaije gə́ Njesigənea̰ ɓa pa bèe.

Misee 7:14

Maji kari ul koso-dəwje ləi gə kag gə́ ɗugu ləi, Deḛ gə́ to koso-nékulje gə́ to nékaḭ lé Deḛ gə́ d’isi gə kar dee ba dan mee kag-kɔr gə́ Karmel! Maji kar dee tel d’o̰ mu gə́ Basan gə Galaad To gə́ d’o̰ ne kédé bèe ya.

Bula lə Israɛlje 32:1

Ginkoji Rubḛje gə ginkoji Gadje lé deḛ to njénékulje gə́ bula digi-digi, tɔɓəi deḛ d’oo to gə́ ɓee gə́ Jajer gə ɓee gə́ Galaad lé to loo gə́ maji mbata nékulje.

Bula lə Israɛlje 32:40

Ɓee gə́ Galaad lé Moyis ar Makir, ŋgolə Manasə ndá yeḛ si keneŋ ya.

Matiyo 11:29

Ulaje dɔ sí ləm, taaje néməməna̰ ləm ləma, taaje ne ta ləm gə́ m’wɔji sí lé ndaŋgje dɔɓəŋgərə sí’g ləm tɔ mbata ma m’to dəw gə́ kul ləm, m’ula dɔm m’aw yururu ləm tɔ. Togə́bè ɓa seḭ a kiŋgaje loo-kwa-rɔ sí keneŋ.

2 Njé gə́ Kɔrḭtə 3:18

Jeḛ lai gə́ kəm sí to jəgəgə ar sí n’tən ne rɔnduba lə Mbaidɔmbaije asəna gə dəw gə́ oo kəmee tatara’g bèe lé jeḛ n’tel n’tanaje ne səa pai-pai, n’tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g tɔb ne goo rɔnduba ləa, yee ɓa, to né gə́ Mbaidɔmbaije gə́ to Ndil lé ra meḛ sí’g ya.