Pa gə́ ur dɔ paje 3:5 - Maktub gə́ To gə Kəmee

⁵ Ŋgama̰dje gə́ Jerusalem, M’ra ndòo rɔ sí’g gə ri ndooije ləm, Gə ri arkasje gə́ wala ləm tɔ, Ɓad ɓa kar yeḛ gə́ m’ndigee M’undá dan kəm’g lé Ndigi ndel dɔ ɓi’g ɓəi lé Maji kar sí ndeleeje kédé el, Ndeleeje dɔ ɓi’g el.

Pa gə́ ur dɔ paje 3:5 ပူးပေါင်းရင်းမြစ်များ

Pa gə́ ur dɔ paje 1:5

Ŋganje gə́ dené gə́ Jerusalem, Ma lé m’ndul konono To gə́ kəi-kubuje gə́ Kedar bèe Nɛ ma maji péd-péd To gə́ pal-kubu-gaŋg-mee-kəi lə Salomo̰ bèe tɔ.

Pa gə́ ur dɔ paje 2:6

Maji kar jigelee gəd dɔm ləm, Jikɔlee kara wam sém ləm tɔ.

Pa gə́ ur dɔ paje 2:7

Ŋgama̰dje gə́ Jerusalem, M’ra ndòo rɔ sí’g gə ri ndooije ləm, Gə ri arkasje ləm tɔ, Ɓad ɓa kar yeḛ gə́ m’undá dan kəm’g Ndel dɔ ɓi’g ɓəi lé Gə goo mee ndigi ləa lé Maji kar sí ndeleeje kédé el, Ndeleeje dɔ ɓi’g el.

Pa gə́ ur dɔ paje 2:9

Yeḛ gə́ m’undá dan kəm’g lé To asəna gə arkas bèe ləm, Esé gə ŋgan ndooije bèe ləm tɔ. Aa oo, yeḛ aar gir ndògo-bɔrɔ’g lə sí, Yeḛ aa loo gə́ kəmbolè kəi’g ləm, Yeḛ aa loo kəm ba̰də lar’g ləm tɔ.

Pa gə́ ur dɔ paje 5:8

Seḭ ŋgama̰dje gə́ Jerusalem, Ma m’ra ndòo rɔ sí’g Ɓó lé seḭ iŋgaje yeḛ gə́ m’undá dan kəm’g lé Ndá see ta ɗi ɓa a kuláje wa. Maji kar sí uláje to gə́ m’to rɔko̰ ndigi na̰.

Pa gə́ ur dɔ paje 8:4

Ŋgama̰dje gə́ Jerusalem, Ma m’ra ndòo rɔ sí’g Ndeleeje dɔ ɓi’g el. Ɓad ɓa kar yeḛ gə́ M’undá dan kəm’g ndel dɔ ɓi’g ɓəi lé Maji kar sí ndeleeje kédé el,

Misee 4:8

Bèe ɓa i dɔdḭ ŋgəm koso-nékulje ləm, Gə dɔdərloo lə ɓee-boo gə́ Jerusalem ləm tɔ lé Ko̰ɓee ləi gə́ ləw lé a tel gə́ rɔi’g, To ɓeeko̰ lə ɓee-boo gə́ Jerusalem tɔ.