Pa gə́ ur dɔ paje 3:11 - Maktub gə́ To gə Kəmee

¹¹ Ŋgama̰dje gə́ Sio̰, Maji kar sí teḛje raga ooje Mbai Salomo̰ gə dɔgugu-mbai Gə́ kea̰je ula dəa’g Ndɔ ra naḭ taa dené’g ləa lé To ndɔ gə́ rəa lelee dɔɓəŋgəree’g ya.

Pa gə́ ur dɔ paje 3:11 ပူးပေါင်းရင်းမြစ်များ

Pakɔsje 48:11

Ǝi Ala, to gə́ rii ɓar ɔr loo lɔi-lɔi lé Ta pidii kara ɓar ɔr loo lɔi-lɔi dɔ naŋg nee tɔ. Néra gə́ to gə dɔ najee lé taa mee jikɔli pəl-pəl.

Pakɔsje 9:14

Njesigənea̰, maji kari oo kəm lootondoo’g ya kari, Oo némeeko̰ gə́ njéba̰je ləm d’am m’isi danee’g, Maji kari ɔrm tarəwkɔg’d lə yoo,

Pa gə́ ur dɔ paje 1:5

Ŋganje gə́ dené gə́ Jerusalem, Ma lé m’ndul konono To gə́ kəi-kubuje gə́ Kedar bèe Nɛ ma maji péd-péd To gə́ pal-kubu-gaŋg-mee-kəi lə Salomo̰ bèe tɔ.

Pa gə́ ur dɔ paje 2:7

Ŋgama̰dje gə́ Jerusalem, M’ra ndòo rɔ sí’g gə ri ndooije ləm, Gə ri arkasje ləm tɔ, Ɓad ɓa kar yeḛ gə́ m’undá dan kəm’g Ndel dɔ ɓi’g ɓəi lé Gə goo mee ndigi ləa lé Maji kar sí ndeleeje kédé el, Ndeleeje dɔ ɓi’g el.

Pa gə́ ur dɔ paje 7:11

Ma lé m’to ka̰ yeḛ gə́ m’undá dan kəm’g lé ləm Malm rəa yaa̰ ləm tɔ.

Pa gə́ ur dɔ paje 8:5

See na̰ ɓa ḭ dɔdilaloo’g aw gə́ nee Gə́ gəd rəa rɔ dəw gə́ yeḛ undá dan kəmee’g lé wa. Ma m’ndelii gel kag-pɔmə’g, Loo gə́ nee’g kɔinje taa kèm ləi keneŋ ləm Loo gə́ neelé yeḛ ojii keneŋ ləm tɔ

Esai 4:4

Njesigənea̰ a kar lel néra gə́ gə dɔ najee gə lel gə́ ka̰ tuji lé ula. Loo gə́ yeḛ a kɔr ne néje gə́ mina̰ lə denéje gə́ Sio̰ mba̰ ləm, A kɔr won Jerusalem gə mba məs gə́ to keneŋ mba̰ ləm tɔ.

Esai 53:11

Mbɔl dɔ kula rɔ ndubu ləa lé ɓa Kəmə gə́ orè gée lé a taa ne kəmee rəgm. Mbɔl dɔ négər lə kura ləm gə́ to njegelgodo lé Dəwje bula d’a tel to ne njégelgodoje tɔ, Mbata yeḛ a taa néra kori-korije lə dee kɔm dəa’g.

Esai 62:5

To gə́ basa ɔm ne na̰’d Gə ŋgoma̰də gə́ gər ŋgaw el ɓəi bèe lé Ŋganije gə́ diŋgam d’a kɔm səi na̰’d togə́bè tɔ. To gə́ njedené-sigi ra ne rɔlel dɔ dené’g ləa bèe lé I a to nérɔlel lə Ala togə́bè tɔ.

Esai 9:6

Ko̰ɓee ləa a kḭ dɔ maree’d gə́ kédé-kédé ləm, Meelɔm gə́ ka̰ kalimbai lə Dabid Gə ka̰ ɓeeko̰ ləa lé rudee a kun ɗiao el ləm tɔ. Néra gə́ danasur Gə né gə́ to gə dɔ najee lé ɓa D’a karee to ne njaŋg ləm, D’a gədee ne ləm tɔ Un kudee ɓasinè saar-saar gə no̰: Yee ɓa ŋgur né gə́ ra Njesigənea̰ gə́ njeboo-néje lé A karee ra née ya.

Jeremi 2:2

Aw ila ta nee mbi njé gə́ Jerusalem’g togə́bè pana: Njesigənea̰ pa togə́bè pana: Ma m’ar məəm olé dɔ meenoji’g lə sí Loo gə́ seḭ naije ne gə ma̰də sí ba ləm, Loo gə́ seḭ ṵdamje ne dan kəm sí’g Asəna gə njemɔr ləm bèe ləma, Loo gə́ seḭ ndolèje goom dɔdilaloo’g Gə́ dəw dubu né keneŋ el lé ləm tɔ.

Jeremi 32:41

Rɔm a lelm mba kam m’ra sə dee meemaji ndá m’a ma̰a dee tɔgərɔ mee ɓee’g neelé gə meendakaḭ gə ŋgaw məəm bura ya.

Soponi 3:17

Njesigənea̰, Ala lə sí si mbuna sí’g Yeḛ to bao-rɔ gə́ to njekaji sí, Yeḛ a kar sí toje nérɔlel ləa gə́ boo, Yeḛ a kila təa maree’g gə goo meenoji ləa, Yeḛ a kal rəa gə boo-rɔkal mbata lə sí tɔ.

Jakari 6:11

Maji kam m’taa larnda gə larlɔr ndá m’a ra gə́ dɔguguje mba kula dɔ Jujee, ŋgolə Josadak’g, yeḛ gə́ to ŋgɔ-njekinjanéməs lé.

Matiyo 12:42

Mbai gə́ dené gə́ si gə́ kel dɔkɔl a kunda loo teḛ gə ginka dəwje gə́ nee na̰’d ndɔ gaŋg-rəwta’g lé ndá yeḛ a kila ta dɔ dee’g mbata yeḛ nja ḭ gwɔi naŋg’d mba koo ta kəmkàr lə Salomo̰. Aa ooje, yeḛ gə́ aar neelé ur dɔ Salomo̰’g.

Lugu 15:32

nɛ ra rɔlel gə kalrɔ lə sí lé j’al lée’g ya mbata ŋgokɔḭ nee gə́ wəi lé yeḛ tel sí kəmba ləm, yeḛ ndəm igi nɛ j’iŋgá mba̰ ləm tɔ.

Tagə́maji gə́ Ja̰ ndang 15:11

Ma m’ula sí ta néje neelé gə mba kar rɔlel ləm nai ne meḛ sí’g ɓó gə kar dɔ rɔlel lə sí ɔr ne njal tɔ.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

Njé gə́ Kolosə 1:18

Yeḛ to gə́ dəw dɔ Eglisə, yeḛ to doŋgɔr ləm, yeḛ to dəw gə́ doŋgɔr gə́ unda loo teḛ mbuna njé gə́ d’wəi’g ləm tɔ mba karee to gə́ doŋgɔr lə néje lai-lai.

Ǝbrəje 13:13

Ar sí n’teḛje j’awje rəa’g gir loo gə́ raga n’taaje ne rɔkul ləa j’odoje.

Ǝbrəje 2:9

Nɛ jeḛ j’oo Jeju, yeḛ gə́ Ala undá aree nai lam bèe a kas kuraje gə́ dara. Jeju lé ya̰ rəa ar yoo mba kar mbɔl dɔ noji lə Ala lé ɓa yeḛ wəi ne ila ne ɗigi kaar yoo’g mbata lə dəwje lai. Nɛ ɓasinè d’ula dɔgugu rɔnduba dəa’g ləm, d’ila ne riɓar dəa’g ləm tɔ.

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.

Loo gə́ killa rea kəm Ja̰’g 19:12

Kəmee ndɔḭ asəna gə ndo̰ pər bèe ləm, dɔguguje bula to dəa’g ləm tɔ. Ri kára gə́ d’unda dəa’g lé dəw kára kara gər el, nɛ yeḛ nja ɓa gər.

Loo gə́ killa rea kəm Ja̰’g 19:7

Ar sí n’raje rɔlel, ar sí j’alje ne rɔ sí ləma, ar sí j’ulaje rɔnduba dəa’g ləm tɔ, mbata ndɔ ra naḭ taa dené lə Ŋgonbad lé kàree teḛ mba̰ ndá dené ləa wa dɔ gɔl rəa mbata ndɔ-naḭ lé mba̰ tɔ.