Pa gə́ ur dɔ paje 2:9 - Maktub gə́ To gə Kəmee

⁹ Yeḛ gə́ m’undá dan kəm’g lé To asəna gə arkas bèe ləm, Esé gə ŋgan ndooije bèe ləm tɔ. Aa oo, yeḛ aar gir ndògo-bɔrɔ’g lə sí, Yeḛ aa loo gə́ kəmbolè kəi’g ləm, Yeḛ aa loo kəm ba̰də lar’g ləm tɔ.

Pa gə́ ur dɔ paje 2:9 ပူးပေါင်းရင်းမြစ်များ

2 Samel 2:18

Lée neelé ŋgalə Seruja gə́ munda, Joab, gə Abisai, gə Ajael d’aar keneŋ. Ajael lé gɔlee wɔilɔ pélé-pélé to gə́ ndooi gə́ mee wala’g bèe.

Gosota-Kəmkàrje 5:19

Yeḛ gə́ to asəna gə ma̰də arkas Gə́ i ndigee yaa̰ ləm, Gə ma̰də ndooi gə́ taa kəmi rəgm ləm tɔ lé, Maji kar rɔi leli ta-ta dɔ ndigi gə́ i ndigee’g ləm, Ar malee rai ŋgwɔd-ŋgwɔd gə́ kédé-kédé ləm tɔ.

Gosota-Kəmkàrje 6:5

Wa rɔi ɔr to gə́ ndooi Gə́ teḛ ji njendo̰’g bèe ləm, To gə́ yel gə́ teḛ ji njékwayelje’g bèe ləm tɔ.

Gosota-Kəmkàrje 7:6

Ma m’aar mbɔr kəmbolè kəi’g ləm M’aa loo kəm ba̰də-lar’g ləm.

Pa gə́ ur dɔ paje 1:16

I kura gə́ ban ɓa bèe wa. I gə́ m’undai dan kəm’g lé I maji dum ya. Tira-to sí to mu gə́ idi lururu.

Pa gə́ ur dɔ paje 2:17

Ɓad ɓa kar loo kul lɔm ɓəi ləm, Gə kar ndil kagje d’aḭ ɓəi ləm tɔ lé I gə́ m’undai dan kəm’g lé Maji kari tel ree, Maji kari to tana gə ndooi bèe ləm, Gə ŋgon arkas bèe ləm tɔ Dɔ mbal gə́ kai sí dana lé ya.

Pa gə́ ur dɔ paje 2:7

Ŋgama̰dje gə́ Jerusalem, M’ra ndòo rɔ sí’g gə ri ndooije ləm, Gə ri arkasje ləm tɔ, Ɓad ɓa kar yeḛ gə́ m’undá dan kəm’g Ndel dɔ ɓi’g ɓəi lé Gə goo mee ndigi ləa lé Maji kar sí ndeleeje kédé el, Ndeleeje dɔ ɓi’g el.

Pa gə́ ur dɔ paje 3:5

Ŋgama̰dje gə́ Jerusalem, M’ra ndòo rɔ sí’g gə ri ndooije ləm, Gə ri arkasje gə́ wala ləm tɔ, Ɓad ɓa kar yeḛ gə́ m’ndigee M’undá dan kəm’g lé Ndigi ndel dɔ ɓi’g ɓəi lé Maji kar sí ndeleeje kédé el, Ndeleeje dɔ ɓi’g el.

Pa gə́ ur dɔ paje 8:14

I gə́ m’undai dan kəm’g lé Maji kari aḭ, aḭ to gə́ ndooi əsé ŋgon arkas bèe Gə́ dɔ mbalje’d gə́ néje gə́ ə̰də sululu to keneŋ ya.

Lugu 24:35

Deḛ kara d’ɔr sor né gə́ teḛ dɔ dee’g rəbə gə kəm dee gə́ inja dəa’g loo gə́ yeḛ wa muru gaji dana ar dee lé tɔ.

Tagə́maji gə́ Ja̰ ndang 12:41

Esai pata néje neelé loo gə́ yeḛ oo rɔnduba ləa gə kəmee lé ɓa aree pa ne ta gə́ wɔji dəa ya.

Tagə́maji gə́ Ja̰ ndang 5:39

Seḭ woḭje mee maktubje gə́ to gə kəmee mbata seḭ ə̰jije meḛ sí’g pajena: Yee gə́ bèe ɓa seḭ a si ne gə kəmə gə́ gə no̰ lé. Nɛ maktubje neelé nja d’ɔr goo ta ləm maji ya.

Tagə́maji gə́ Ja̰ ndang 5:46

Mbata ɓó lé seḭ ɔmje meḛ sí dɔ Moyis’g ndá seḭ a kɔmje meḛ sí dɔm-ma’g ya tɔ mbata yeḛ ndaŋg ta wɔji ne dɔm-ma ya.

1 Njé gə́ Kɔrḭtə 13:12

Ɓogənè lé jeḛ j’oo loo puduru asəna gə dəw gə́ oo kəmee tatara’g ɓəi, nɛ ndɔ gə́ raŋg j’a koo loo njai-njai ya. Ɓogənè ma m’gər né m’aw dɔ’g puduru-puduru, nɛ ndɔ gə́ raŋg ndá m’a gər né təsərə to gə́ deḛ gərm ma lé tɔ.

Njé gə́ Kolosə 2:17

Néje lai neelé to gə́ ndil néje gə́ gəd gə́ d’a gə ree ɓəi nɛ Kristi ɓa to gə́ darɔ né gə́ gəd ya.

Ǝbrəje 10:1

Tɔgərɔ ya godndu lé gə́ wa ndil néje gə́ wɔji dɔ darɔ néje gə́ a gə ree lé to mbɔree’g ɓó to as səa béréré-béréré el. Togə́bè ɓa nékinjanéməsje gə́ deḛ d’inja d’ɔs ne goo na̰ goo na̰ gə ləb dee ləb dee lé d’askəm kar njeaje-je to ne maji d’ɔr njoroŋ el.

Loo gə́ killa rea kəm Ja̰’g 19:10

Yen ŋga, m’oso naŋg rəb gel gɔlee’g mba kwá məəm’g ndá yeḛ ulam pana: Ǝw rɔi! Ma m’to njeboakula ləi gə njeboakula lə ŋgakɔḭje gə́ d’ɔr goo ta lə Jeju lé. Ala nja ɓa maji kari wá məəi’g. Mbata goo ta lə Jeju to kankəmta gə́ ḭ rɔ Ala’g nja.

Njéga̰g-Rəwtaje 5:28

Ko̰ Siseraje aa loo kəmbolè’g Gə́ ba̰də lar to keneŋ gərərə oo ndá Yeḛ no̰ wəl pana: See gelee ban ɓa pusu-rɔ ləa ree kalaŋ el wa. See mba ɗi ɓa pusu-rɔje ləa d’aw jan-jan bèe wa.