Pa gə́ ur dɔ paje 2:8 - Maktub gə́ To gə Kəmee

⁸ Ndu yeḛ gə́ m’undá dan kəm’g lé ya ɓar, Aa oo, yeḛ tal jagəra-jagəra Dɔ mbalje’g ləm, Gə dɔdərlooje’g ləm tɔ aw gə́ nee.

Pa gə́ ur dɔ paje 2:8 ပူးပေါင်းရင်းမြစ်များ

2 Samel 6:16

Loo gə́ d’andə gə sa̰duk-manrɔ lə Njesigənea̰ mee ɓee’g lə Dabid ndá Mikal, ŋgolə Sawul gə́ dené lé aa loo kəmbolè’g ndá yeḛ oo mbai Dabid gə́ tal ləm, gə la ləm tɔ no̰ Njesigənea̰’g ndá yeḛ ə̰jee bəḭ-bəḭ gə mée ya.

Pa gə́ ur dɔ paje 2:17

Ɓad ɓa kar loo kul lɔm ɓəi ləm, Gə kar ndil kagje d’aḭ ɓəi ləm tɔ lé I gə́ m’undai dan kəm’g lé Maji kari tel ree, Maji kari to tana gə ndooi bèe ləm, Gə ŋgon arkas bèe ləm tɔ Dɔ mbal gə́ kai sí dana lé ya.

Pa gə́ ur dɔ paje 4:16

I lel gə́ dɔgel lé maji kari ḭ ləm, I lel gə́ dɔkɔl lé maji kari ree ləm tɔ Ula dɔ loo-ma̰a-kagje’g ləm, Ar baḭ néje gə́ ə̰də sululu Taa loo keneŋ pəl-pəl ləm tɔ, Maji kar yeḛ gə́ m’unda dan kəm’g lé Andə loo-ma̰a-kagje’g ləa Maji karee sɔ kandə kagje ləa gə́ maji dum lé.

Pa gə́ ur dɔ paje 5:2

Ma m’toɓi nɛ məəm to kəmba ... Ndu yeḛ gə́ m’undá dan kəm’d Gə́ unda tarəw lé ɓa ɓar. Kɔnanəm, i gə́ m’undai dan kəm’g lé Maji kari ɔr rəw am, Dərnda ləm, njema̰də dum ləm! Mbata tàl wa dɔm ləm, Ndi gə́ yəm loondul’g lé wa yiŋga dɔm ləm tɔ.

Esai 35:6

Yen ɓa njémədje d’a tal jagəra-jagəra To gə́ arkas bèe ləm, Ndo̰ njégwɔskuduje kara D’a ɗila gə rɔlel ləm tɔ. Mbata manje d’a kuba tir-tir dɔdilaloo’g ləm, Kəm-rəw-manje d’a kula ndag-mbo’g yal-yal ləm tɔ.

Esai 44:23

Dara, al rɔi mbata Njesigənea̰ ra né, Kuruje lə naŋg, ɔrje ndu sí gə́ tar gə rɔkal! Seḭ mbalje, ndubaje rɔ sí gə ndu rɔlel! Seḭ kag-mee-kɔrje gə kagje lai gə́ to keneŋ lé alje rɔ sí to! Mbata Njesigənea̰ uga dɔ njé’g lə Jakob! Yeḛ riba dɔ rɔnduba ləa mbuna Israɛlje’g.

Esai 52:7

Dəw gə́ ḭ dɔ sém mbal’g ree ula sí tagə́maji ləm, Gə́ ila mber ta gə́ wɔji dɔ meekulɔm ləm, Yeḛ gə́ ula sí tagə́maji ləm, Gə́ ila mber ta gə́ wɔji dɔ kaji ləma, Yeḛ gə́ ula njé gə́ Sio̰ pana: Ala lə sí lé o̰ ɓee ləm tɔ lé Gɔlee to njam-njam.

Jeremi 48:27

See i lé unda Israɛlje gə́ nékula sul dɔ’g ləi el wa. See i teḛ dəa’g wai mbuna njéɓogoje’g ɓa i pata ləa tuga ne dɔi jəgm-jəgm bèe wa.

Lugu 6:23

Mee ndəa’g neelé ndaje meḛ sí kaḭ, alje ne rɔ sí mbata seḭ a kiŋgaje némeekila lə sí gə́ boo dara ɓəi, mbata ka deeje kara d’ula kəm njéteggintaje ndòo togə́bè ya tɔ.

Tagə́maji gə́ Ja̰ ndang 10:27

Badje ləm lé d’oo ndum ya. Ma m’gər dee gao ləm, dee kara d’ɔm na̰ goom’g ya ləm tɔ.

Tagə́maji gə́ Ja̰ ndang 3:29

Dəw gə́ njedené-sigi, deḛ gə dené ləa d’wa boa gə na̰, nɛ baokura lə njedené-sigi gə́ aar keneŋ oo ndu sor ləa ndá rəa lelee yaa̰ mbata ndu sor gə́ yeḛ oo lé. Togə́bè rɔlel ləm-ma kara ɔr jol-jol tɔ.

Néra Njékaḭkulaje 14:10

ndá yeḛ pata gə ndia gə́ boi wəl pana: Uba naŋg ḭ aar tar dɔ gɔli’g paar. Léegəneeya dəw neelé uba naŋg ja̰gjaŋ ḭ tar ɔs njaa ɓad-ɓad.

Néra Njékaḭkulaje 3:8

Yeḛ uba naŋg ja̰gjaŋ ḭta ndá yeḛ ɔd ɔs njaa. Yeḛ andə sə dee na̰’d mee kəi-Ala’g ləm, yeḛ njaa ləm, yeḛ tal jagəra-jagəra ləma, yeḛ pidi Ala ləm tɔ.

Loo gə́ killa rea kəm Ja̰’g 3:20

Aa oo, m’aar takəi’g m’unda ta bidi. Ɓó lé nana ɓa gə́ oo ndum ɔr takəi am ndá m’a kandə kəi ləa-yeḛ ləm, m’a ko̰ səa muru ləma, yeḛ kara a ko̰ səm muru ləm tɔ.