Pa gə́ ur dɔ paje 2:12 - Maktub gə́ To gə Kəmee

¹² Puduje nduba rɔ dee ləm, Kàr kɔs pa lə néje lai teḛ mba̰ ləma, Ndu no̰ lə dərnda ɓar Loo-ndɔ’g lə sí ləm tɔ.

Pa gə́ ur dɔ paje 2:12 ပူးပေါင်းရင်းမြစ်များ

Gḭ-Néje 15:9

Njesigənea̰ ulá pana: Maji kari wa ma̰də maŋg gə́ ləbee aḭ munda ləm, gə ma̰də bya̰ gə́ ləbee aḭ munda ləm, gə bàl badə gə́ ləbee aḭ munda ləm, gə dərnda kára ləma, gə ŋgon dərkul kára ləm tɔ.

Pakɔsje 74:19

Maji kari ya̰ koso-dəwje ləi ta daje’g el ləm, Njénékəmndooje ləi lé ar məəi wəi dɔ dee’g gə no̰ el ya ləm tɔ.

Pakɔsje 89:15

Ta gə́ to gə dɔ najee gə néra gə́ danasur lé ɓa gə́ gin kalimbai ləi ləm, Meemaji gə meenda londoŋ ləi lé to nɔḭ’g ya ləm tɔ.

Pa gə́ ur dɔ paje 2:11

Mbata aa oo naḭ ɓar dəs mba̰, Ndi əw rəa kər ləm, aw ɓee mba̰ ləm tɔ.

Pa gə́ ur dɔ paje 6:11

Ma m’aw loo-ma̰a-kag-sɔ’d gə́ ria lə noyer Mba koo mu gə́ idi wəl-loo’g, Mba koo see nduú uba wa. Mba koo see dḭje d’aw pudu wa.

Pa gə́ ur dɔ paje 6:2

Yeḛ gə́ m’undá dan kəm’g lé Aw loo-kamnaḭ’g ləa, Yeḛ aw njaa mbuna ɓaije’d Gə́ néje gə́ d’ə̰də sululu d’uba keneŋ Mba kar koso-nékulje ləa d’o̰ mu loo-ma̰a-kagje’g ləm, Gə mba kaw ti pudu ndujaje ləm tɔ.

Esai 55:12

Oiyo, seḭ a kundaje loo teḛje gə rɔlel ləm, D’a kɔr no̰ sí gə meekulɔm ləm tɔ. Mbalje gə dɔdərlooje d’a kɔr ndu dee gə́ tar gə kalrɔ no̰ sí’g ləm, Kagje lai gə́ mee wala’g lé d’a kunda ji dee rag-rag ləm tɔ.

Jeremi 8:7

Yel tira̰-ŋgo̰ gə́ aw tar lé Gər naḭ ləa ləm, Dərnda, gə ləbm-siri, gə dao̰ kara Deḛ tɔs kəm dee bao-bao Dɔ ndɔje’g lə dee gə́ kəm tel ree ne ləm tɔ. Nɛ dəwje lə neḛ Gər godndu Njesigənea̰ el.

Njé gə́ Kolosə 3:16

Maji kar ta lə Kristi gə́ to boo-nébao lé uru kəi meḛ sí’g. Ndooje na̰ ləm, ndəjije na̰ ləm tɔ gə kəmkàree lé gə pakɔsje ləm, gə pa pidije ləma, gə pa kula rɔnduba gə́ wɔji dɔ ndil sí ləm tɔ. Ɔsje pa gə meḛ sí bura arje Ala reaje ne oiyo mbata noji ləa gə́ rusu meḛ sí njḭ-njḭ lé tɔ.