Pa gə́ ur dɔ paje 1:7 - Maktub gə́ To gə Kəmee

⁷ Ǝi, i gə́ m’ndigii dɔɓəŋgərəm’g, Ulam loo gə́ i ar badje ləi D’aw d’o̰ mu keneŋ ləm, Gə loo gə́ i aw ar dee d’wa rɔ dee keneŋ Loo gə́ kàr aar daŋdɔ lé ləm tɔ. See gelee ban ɓa m’ila ne mbir-mbir Mbɔr koso-nékulje’g lə marije bèe wa.

Pa gə́ ur dɔ paje 1:7 ပူးပေါင်းရင်းမြစ်များ

Gḭ-Néje 37:16

Jisəb ilá keneŋ pana: Ma m’saŋg ŋgakɔmje. M’ra ndòo rɔi’g, ulam loo gə́ d’aw d’o̰ koso-nékulje lə dee keneŋ.

Pakɔsje 116:1

Ma m’unda Njesigənea̰ dan kəm’g Mbata yeḛ oo ndum ləm, Gə ndòo raje ləm ya ləm tɔ.

Pakɔsje 18:1

Pa lə Dabid gə́ ar bao-pa mba karee ɔs sə dee lé. Dabid, ŋgonjelookisi lə Njesigənea̰ ɔs pa neelé pidee ne loo gə́ yeḛ ɔree ji njéba̰je’g ləa lai ləm, gə ji Sawul’g ləm tɔ.

Pakɔsje 28:1

Pakɔs lə Dabid Njesigənea̰, i nja ɓa m’ila boo ndum naŋg m’ɓari ne wəl. I gə́ to biri mbal ləm lé, Maji kari ɔs mbii jigi udu dɔ ndum’g el Nà banelə ɓó lé i sa rɔi rɔm’g rəw lal kilam ta’g ndá M’a tel to kasəna gə deḛ gə́ d’uru bwa-dɔɓar’g bèe.

Pakɔsje 80:1

Pakɔs lə Asap gə́ ar bao-pa mba karee ɔs sə dee lé. D’ɔs gə ndu gwɔs pa gə́ pana: Pudu ndujaje.

Pa gə́ ur dɔ paje 2:16

Yeḛ gə́ m’undá dan kəm’g lé Yeḛ to kama̰ ndá ma m’to kea̰-yeḛ tɔ. Yeḛ ar koso-nékulje ləa d’aw d’o̰ mu Mbuna puduje’g lé ya.

Pa gə́ ur dɔ paje 2:3

To gə́ kag-pɔmə gə́ uba mbuna kagje gə́ mee kɔr’g bèe lé Yeḛ gə́ m’undá dan kəm’g lé Aar mbuna basaje’g togə́bè ya tɔ. Ma m’ndiŋga rɔm mba si ndilee’g, Tɔɓəi ka̰dee lel tam’g jula-jula tɔ.

Pa gə́ ur dɔ paje 5:10

Yeḛ gə́ m’undá dan kəm’g lé Ndoḭ wər-wər ləm, Gə kas pəl-pəl ləm tɔ, Lée dəwje tɔl-dɔg-loo-dɔg (10.000) kara Yeḛ to ɓəd mbuna dee’g ya.

Pa gə́ ur dɔ paje 5:16

Tea kul yururu ləm, Dareaje lai taa kəm rəgm ləm tɔ. Yeḛ gə́ m’undá dan kəm’g lé to togə́bè, Njemɔr ləm lé to togə́bè ya, Seḭ ŋgama̰dje gə́ Jerusalem lé.

Pa gə́ ur dɔ paje 5:8

Seḭ ŋgama̰dje gə́ Jerusalem, Ma m’ra ndòo rɔ sí’g Ɓó lé seḭ iŋgaje yeḛ gə́ m’undá dan kəm’g lé Ndá see ta ɗi ɓa a kuláje wa. Maji kar sí uláje to gə́ m’to rɔko̰ ndigi na̰.

Pa gə́ ur dɔ paje 6:2

Yeḛ gə́ m’undá dan kəm’g lé Aw loo-kamnaḭ’g ləa, Yeḛ aw njaa mbuna ɓaije’d Gə́ néje gə́ d’ə̰də sululu d’uba keneŋ Mba kar koso-nékulje ləa d’o̰ mu loo-ma̰a-kagje’g ləm, Gə mba kaw ti pudu ndujaje ləm tɔ.

Pa gə́ ur dɔ paje 6:3

Ma m’to ka̰ yeḛ gə́ m’undá dan kəm’g ləm, Yeḛ gə́ m’undá dan kəm’g to kama ləm tɔ, Yeḛ ar koso-nékulje ləa d’aw d’o̰ mu mee puduje’g.

Pa gə́ ur dɔ paje 8:13

I gə́ si loo-ma̰a-kagje’g lé Kuramarmje d’ur mbi dee mba koo ne ndui. Maji kam m’oo ndui ya kari!

Esai 13:20

Dəwje d’a si keneŋ gogo el ŋga ləm, D’a ra ɓee keneŋ gogo el ŋga ləm, Njékawtarje d’a la kəi-kubuje lə dee keneŋ gogo el ŋga ləma, Njékulbadje d’a kar koso-nékulje lə dee d’aar keneŋ gogo el ŋga ləm tɔ.

Esai 26:9

Loondul’g lé ma m’ndiŋgai ləm, Ma m’ndoli gə ŋgaw məəm bura ləm tɔ, Mbata loo gə́ rəwta-gaŋgje ləi taa dɔ naŋg nee pəl-pəl lé Ndá njé gə́ dɔ naŋg nee ndoo ne né gə́ danasur.

Esai 40:11

Yeḛ a kul koso-nékulje ləa to gə́ njekulbadje bèe, Yeḛ a kodo ŋgan badje gə kag jia ləm, Yeḛ a kwa dee kaaree’g ləm tɔ, Yeḛ a kɔn ko̰ badje gə́ ŋgan deeje d’il mbà dee tɔ.

Esai 5:1

M’a kɔs pa kar yeḛ gə́ m’undá dan kəm’g, Pa lə yeḛ gə́ m’undá dan kəm’g lé wɔji dɔ ndɔ-nduú ləa. Yeḛ gə́ m’undá dan kəm’g lé Ndɔ-nduú ləa to dɔdərloo gə́ maji-nduú’g.

Jeremi 33:12

Njesigənea̰ gə́ njeboo-néje lé pa togə́bè pana: Lée neelé gə́ to dɔdilaloo gə́ dəwje əsé daje godo keneŋ ləm, gə mee ɓee-booje ləa lai ləm tɔ lé loo-si njékulbadje a to keneŋ gə mba kar dee d’ar koso-nékulje lə dee d’wa rɔ dee keneŋ.

Misee 5:4

To yeḛ nja ɓa a ree gə meekulɔm. Loo gə́ dəw gə́ Asiri a ree mee ɓee’g lə sí ləm, A kandə mee kəi-mbaije’g lə sí ləm tɔ ndá J’a rɔ səa gə njékulbadje siri ləm, Gə njékaa dɔ koso-dəwje jinaijoo ləm tɔ.

Matiyo 10:37

Yeḛ gə́ ndigi bɔbeeje əsé kea̰je undam-ma ndá ḭ ɓee ləm el ləm, yeḛ gə́ ndigi ŋgonee gə́ diŋgam əsé ŋgonee gə́ dené undam-ma kara ḭ ɓee ləm el ləma,

Tagə́maji gə́ Ja̰ ndang 10:11

Ma m’to njekulbadje gə́ gəd. Njekulbadje gə́ gəd lé ya̰ rəa yag mbata lə badje ləa.

Tagə́maji gə́ Ja̰ ndang 21:17

Jeju tel dəjee tɔɓəi ɔm’g gɔl munda lé pana: Simo̰, ŋgon Junas, see i ndigim tɔgərɔ ya wa. Piɛrə lé mée ea̰ mbata dəji gə́ Jeju dəjee gɔl munda pana: See yeḛ undá dan kəmee’g wa. Ndá yeḛ tel ndigi təa’g pana: Mbaidɔmbaije, i gər néje lai, i gər gao to gə́ ma m’ndigii ya. Jeju ilá keneŋ pana: Bèe ndá maji kari ul badje ləm am.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.

1 Piɛrə 2:7

Seḭ gə́ ɔmje meḛ sí dəa’g lé ndá rɔ sí lel sí mbata yeḛ to gə́ né gə́ to gə́ ŋgonkəm sí ya. Nɛ deḛ gə́ d’ɔm meḛ dee dəa’g el ndá Pil mbal gə́ njékṵdakəije mbad d’ila kɔrɔ lé Yee nja tel to mbal kunda dɔ kum kəi gə́ gəd ləm, Gə nétuga gɔl dee ləma, Gə né gə́ a kar dee d’oso ne nja ləm tɔ.

1 Ja̰ 2:19

Deḛ d’ḭ mbuna sí’g teḛ mba̰, nɛ deḛ to gə́ ka̰ síjeḛ el, mbata ɓó lé deḛ to gə́ ka̰ síjeḛ ndá d’a nai sə sí. Né neelé teḛ dɔ sí’g mba kar sí n’gər deḛ gə́ to gə́ ka̰ síjeḛ el təsərə.

Loo gə́ killa rea kəm Ja̰’g 7:17

Mbata Ŋgonbad gə́ si dan kalimbai’g lé a ko̰ dee, a kɔr no̰ dee kaw sə dee kəm-rəw-mán gə́ ula tar yal-yal. Ala a bi mán-no̰ kəm dee’g pəd-pəd tɔ.

Rudu 2:21

Rudu ila ta’g lə məmeeje lé pana: Yeḛ kara ulam mba karm m’nai gə kuraje ləa saar kar dee tɔl kula kinja kó ləa lé bém ɓa.