Pa gə́ ur dɔ paje 1:4 - Maktub gə́ To gə Kəmee

⁴ Ilam gooi’g ar sí j’aiŋgwɔd j’aw! I gə́ to mbai ləm lé Maji kari aw səm mee kəi’g ləi, Ar sí n’raje rɔlel ləm, Ar sí j’isije dan boo-rɔkal’g gə mbata ləi ya, Ar sí ndubaje rɔ sí dɔ ndigi’g ləi J’aree ur dɔ ka̰ mán-nduú’g. Ndigi gə́ deḛ ndigii lé to lée’g ya.

Pa gə́ ur dɔ paje 1:4 ပူးပေါင်းရင်းမြစ်များ

Pakɔsje 111:4

Néreaje gə́ dumkoo lé Yeḛ ar meḛ sí olé dɔ’g ləm, Njesigənea̰ lé to njemeekoso lemsé ləm, Gə njekoo kəmtondoo ya ləm tɔ.

Pakɔsje 119:32

Ma lé m’wa godnduije ɓa m’aiŋgwɔd dan dee’g Mbata i nja ar gosonégər taa məəm pəl-pəl.

Pakɔsje 119:60

M’ɔs rɔm ɓad gə mba ra godnduije ya Ɓó m’ŋgira kudum el.

Pakɔsje 149:2

Maji kar Israɛlje nda meḛ dee kaḭ Dɔ yeḛ gə́ to njekunda dee’g ləm, Ŋganje gə́ Sio̰ kara maji kar dee d’isi dan boo-rɔlel’g Mbata yeḛ to mbai lə dee ləm tɔ.

Pakɔsje 42:4

Loo gə́ deḛ pa ne səm lal kwa ta dee pana: See Ala ləm si ra wa Ndá mán-no̰ ɓa gə́ nésɔm dan kàrá gə loondul’g.

Pakɔsje 48:9

Ta gə́ deḛ pa gə́ j’oo lé jeḛ j’oo gə kəm sí Mee ɓee-boo’g lə Njesigənea̰ gə́ njeboo-néje gə́ dara Mee ɓee-boo’g lə Ala lə sí tɔ. Ala nja a karee to keneŋ saar gə no̰ ya.

Pakɔsje 63:5

Gelee gə́ nee ɓa m’a kunda no̰ dɔkaisəgərə ləi Loo gə́ m’isi ne kəmba ləm, M’a kula ne jim ndiŋ gə́ tar ɓar ne rii ləm tɔ.

Pa gə́ ur dɔ paje 3:4

M’ur dee m’teḛ lam ba bèe ya ndá M’iŋga yeḛ gə́ m’ndigee gə ŋgaw məəm bura lé, M’wa kaarm’g sud ɓó m’yá̰ m’aree aw el ya Saar m’aw səa kəi lə kɔmje Mee kəi’g lə yeḛ gə́ njekojim lé kɔrɔg ya.

Pa gə́ ur dɔ paje 4:10

Kɔnanəm, njemɔr ləm, Ndigi ləi maji gə́ ban ɓa bèe wa. Ndigi ləi maji unda mán-nduú ləm, Ubu ləi gə́ ə̰də sululu ə̰də lel ur dɔ néje Gə́ ə̰də sululu gə́ ban ɓa bèe ləm tɔ wa.

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Esai 45:25

Mbɔl dɔ Njesigənea̰ ɓa Ŋgaka Israɛlje lai lé D’a kɔr ne ta dɔ dee’g ləm, D’a kula ne rɔnduba dɔ dee’g ləm tɔ.

Esai 61:3

Gə mba gɔl dɔ né Mbata lə njé gə́ Sio̰ gə́ d’wa ndòo yoo lé Gə mba kar dɔgugu taa tor bu-pər ləm, Kar ubu rɔlel taa tor kwa-ndòo-yoo ləm, Kar kubu-rɔlel taa tor rɔkwəi sululu ləma, Gə mba kar dee ɓar dee kag néra gə́ to gə dɔ najee Gə loo-ndɔ lə Njesigənea̰ Gə́ a gə kula rɔnduba dəa’g ləm tɔ.

Esai 63:7

M’a kila mber meenoji lə Njesigənea̰ ləm, Gə pa pidije gə́ wɔji dɔ Njesigənea̰ ləm tɔ Gə goo néje lai gə́ Njesigənea̰ ra mbata lə sí. M’a pata boo-némeemajije ləa Gə́ yeḛ ra ar gel-bɔje lə Israɛl Gə goo meekaw taḭ-taḭ ləa ləm, Gə goo bao-meenoji ləa ləm tɔ.

Jeremi 31:3

Njesigənea̰ tɔjim rəa Loo gə́ əw’g ya pana: Ma ndigi sí gə meenoji gə́ to gə no̰, Gelee gə́ nee ɓa ma m’ar meemaji ləm To keneŋ mbata lə sí.

Ojee 11:4

Kula meenoji ɓa neḛ ndɔr dee ne ləm, Gə kúla kunda dee dan kəm neḛ’g ləm tɔ. Neḛ n’ra sə dee asəna gə yeḛ gə́ ɔr néməməna̰ gwɔb nékulje’g bèe Tɔɓəi n’ar dee nésɔ dee ɓəi tɔ.

Soponi 3:14

Seḭ gə́ síje ɓee-boo gə́ Sio̰ lé, Maji kar sí ɔsje pa gə rɔlel! Seḭ Israɛlje, Maji kar sí ɔsje pa gə rɔkal! Seḭ gə́ síje Jerusalem lé Maji kar sí alje rɔ sí Unje ne baŋga gə ŋgaw meḛ sí bura,

Jakari 9:9

Seḭ gə́ Sio̰ lé alje rɔ sí! Seḭ gə́ Jerusalem kara ɔsje pa rɔlel to! Aa ooje, mbai lə sí si aw gə́ dɔ sí’g nee, Yeḛ to njemeekarabasur ləm, Gə njedumdɔloo ləm tɔ, Yeḛ to dəw gə́ kul yururu gə́ uba dɔ mulayḛ̀je gao si’g, To ŋgon mulayḛ̀je gə́ aḭ goo kea̰je’g ɓa yeḛ ubá.

Matiyo 25:10

Loo gə́ deḛ d’ɔd d’aw nai ɓee ndogee’g ɓəi ndá njedené-sigi lé teḛ wai. Deḛ gə́ d’wa dɔ gɔl rɔ dee jəb d’aar pèrèrè lé d’uru səa na̰’d loo-naḭ’g ndá d’wa rəw yir d’udu dɔ dee’g.

Lugu 2:10

Nɛ kura gə́ dara lé ula dee pana: Ɓəlje el ɓòo! Mbata ta gə́ maji ɓa ma m’ula sí ya, taree lé a to gin kalrɔ gə́ boo mbata lə dəwje mbad-mbad ya.

Lugu 22:19

Tɔɓəi Jeju un pil muru kára bèe ra oiyo dɔ’g ɓa wa gaji dana ar dee ula dee pana: Yee gə́ neelé to gə́ darɔm gə́ m’ya̰ m’ar sí, raje togə́bè mba kar meḛ sí olé ne dɔm’g.

Tagə́maji gə́ Ja̰ ndang 12:32

Nɛ ma lé loo gə́ d’a kunm kundam gə́ tar ndá m’a kɔr dəwje lai ree sə dee rɔm’g ya.

Tagə́maji gə́ Ja̰ ndang 6:44

Dəw gə́ rara ɓa lé Bɔm nja ɔree el kara a ree rɔm’g gə dɔrea el, nɛ yeḛ gə́ ree rɔm’g lé m’a karee unda loo teḛ loo-yoo’g ndɔ gə́ rudu’g lé ya.

Njé gə́ Epesə 2:6

Mbɔl dɔ Kristi lé yeḛ ar sí j’unda loo teḛ loo-yoo’g na̰’d ar sí j’isi ne səa na̰’d loo gə́ dara.

Njé gə́ Epesə 6:24

Maji kar noji lé nai gə deḛ lai gə́ d’unda Mbaidɔmbaije lə sí Jeju Kristi dan kəm dee’g gə meenda kaḭ ya!

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Pilibə 4:4

Alje rɔ sí ta-ta gin Mbaidɔmbaije’g. Ma m’tel gə mba pa ya tɔɓəi, alje rɔ sí ya.

Ǝbrəje 12:1

Jeḛ kara njékoo sə sí géeje gə́ d’aḭ dɔ sí sub lé d’isi ɗəŋ-ɗeŋ. Bèe ndá né gə́ ar rɔ sí wɔi ndiŋ-ndiŋ ləm, gə kaiya gə́ biri sí ləm tɔ lé ar sí j’ɔmje kɔrɔ ləm, ar sí j’aḭje gə meekai sam-sam gə kankəm rəw gə́ to tag no̰ sí’g ləm tɔ.

1 Piɛrə 1:8

Jeju lé kəm sí kara seḭ ilaje dəa’g bèe el ɓəi, nɛ seḭ ṵdáje dan kəm sí’g mba̰, seḭ ooje rəa el ɓəi nɛ seḭ ɔmje meḛ sí dəa’g jəb-jəb. Yee ɓa seḭ ndaje ne meḛ sí kaḭ gə rɔlel gə́ dum pa ləm, gə dəa ɔr jol-jol ləm tɔ.