Pa gə́ ur dɔ paje 1:17 - Maktub gə́ To gə Kəmee

¹⁷ Gaji kag lə kəije lə sí To kag-sɛdrəje ləm, Kunda-kag kəije lə sí To kag-siprɛsje ləm tɔ.

Pa gə́ ur dɔ paje 1:17 ပူးပေါင်းရင်းမြစ်များ

1 Mbaije 6:10

Kəije kára-kára lai gə́ to dɔ maree’d gə́ gugu gir kəi gə́ to gə kəmee lé yeḛ ar dər dee gə́ ḭ gə́ tar as kəmkil dəw mi, tɔɓəi yeḛ nduna dee kaar kəi gə́ to gə kəmee’g lé gə kunda kag-sɛdrəje tɔ.

1 Mbaije 6:9

Loo gə́ deḛ tɔl kula kunda kəi lé bém mba̰ ndá Salomo̰ dolè gə kagje gə́ tɔl ləm, gə kunda kag-sɛdrəje ləm tɔ.

2 Sôrta Gḭka Israɛlje 3:5

Mee kəi gə́ boi lé deḛ tɔs kag-siprɛs keneŋ dém-dém ləm, d’ɔr mée gə larlɔr gə́ àr ŋgad-ŋgad ləma, gə ndaji kam kiaŋgar gə kúla larje to gə́ ba̰də keneŋ ləm tɔ.

Pakɔsje 92:12

Meem lelm yaa̰ mba koo ne njéba̰je ləm gə́ d’isi tuji ləm, Mbim kara m’ur njor m’oo ne ndu njékoma̰ səmje gə́ to njémeeyèrje lé ya ləm tɔ.

Pa gə́ ur dɔ paje 7:5

Gwɔbi ŋgal ɗéréŋ asəna gə kəi Gə́ duu dɔ loo gə́ ra gə ŋgaŋ kər ləm, Kəmi to asəna gə daŋg-mán gə́ Esbon Gə́ to mbɔr tarəw gə́ Bat-Rabim bèe ləma, Emi to asəna gə kəi gə́ duu dɔ loo gə́ Liba̰ Gə́ wɔji dɔ loo gə́ Damas njoroŋ bèe ləm tɔ.

Pa gə́ ur dɔ paje 8:9

Ɓó lé yeḛ to gə́ ndògo-bɔrɔ ndá J’a tula ndo̰ niŋga larndaje dɔ’g, Ɓó lé yeḛ to tarəwkəi ndá J’a kila kunda kag-sɛdrə kudu ne.

Jeremi 22:14

Yeḛ gə́ pana: N’a ra kəi lə neḛ karee boo ləm, N’a rɔd ŋgan kəije dɔ na̰’d-na̰’d Karee tad rəg-rəg ləm, Gə́ ar dee mbudu kəmbolèje Gə́ tad keneŋ ləm, Gə́ ɓər kag-sɛdrəje mée’g ləma, Gə́ ɔr giree gə né gə́ kas ləm tɔ.

Ejekel 41:16

Kəi gə́ to gə kəmee doi par gə́ mée’g ləm, gə loo-Kandə-tarəwje gə́ raga ləm, gə mbuna looje ləm, gə kəmbolèje gə́ d’ila ba̰də lar keneŋ ləma, gə loo njaaje gə́ gugu gir kəije gə́ rɔd dɔ na̰ loo munda gə́ to no̰ mbuna looje’g ləm tɔ lé d’o̰ gir deḛ lai gə kag. Un kudee naŋg saar teḛ kəmbolèje gə́ d’udu’g lé

Ejekel 42:3

To wɔji dɔ gadloo gə́ mee kəi’d gə́ as kəmkil dəw rɔ-joo lé njoroŋ ləm, to wɔji dɔ pən-loo gə́ tɔs kɔr mbalje keneŋ ta gadloo’g ləm tɔ, lée neelé ɓa loo gə́ kəm njaa gir kəije gə́ rɔd dee dɔ na̰’d munda lé to keneŋ.

Ǝbrəje 11:10

Mbata Abrakam lé ŋgina ɓee gə́ ŋgira ŋgəŋ, yee ɓa gə́ ɓee gə́ Ala nja gə́ njekwɔji lé ləm, gə njekṵdá ləm tɔ.