Rudu 4:15 - Maktub gə́ To gə Kəmee

¹⁵ Ŋgon neelé a kari tel idi pug-pug ləm, yeḛ a to njegədi loo gə́ i a ɓuga jɔ-jɔ ləm tɔ, mbata məmije gə́ undai dan kəmee’g lé ɓa ojee ya, ndá Rudu lé to ŋgonkəmi unda ŋganje gə́ diŋgam gə́ siri ɓəi.

Rudu 4:15 ပူးပေါင်းရင်းမြစ်များ

Gḭ-Néje 45:11

Lée gə́ neelé ɓa m’a ŋgəmi gə nésɔi keneŋ mbata nai as ləb mi gə mba kar ɓoo-boo o̰ ɓəi. Togə́bè ɓa i a to ne njendoo el, i ləm, gə njémeekəije ləi ləma, gə njé gə́ ləi lai gə́ to gə́ kaḭ ləm tɔ.

Gḭ-Néje 47:12

Jisəb ŋgəm bɔbeeje gə ŋgakea̰je gə njémeekəije lə bɔbeeje lai gə nésɔ gə goo bula lə ŋgan deeje ya.

Pakɔsje 55:22

Tapea kul yururu ur dɔ ubu mbà maŋg’g. Nɛ mée gə́ kəi lé ta rɔ ɓa nai keneŋ bura ya ɓəi, Tapeaje lé kul yururu ur dɔ ubu’g ya ɓəi, Nɛ deḛ to kiambasje gə́ lal kula sɔl dee’g.

Gosota-Kəmkàrje 18:24

Dəw gə́ baokuraje ləa bula lé Tel to némeeko̰ ləa, Nɛ baokura gə́ ɔm səi na̰’d sad lé Unda ŋgokɔḭ tɔ.

Esai 46:4

Saar teḛ ne dɔ ɓuga sí’g kara Ma m’to togə́bè ya ləm, Saar teḛ dɔ dɔ sí gə́ pudu’g lé kara M’a gəd sí ya ləm tɔ. Ma m’odo sí tɔɓəi m’a tel gə mba kodo sí ya ɓəi ləm, M’a gəd sí kaji sí ne ya ɓəi ləm tɔ.

Rudu 4:16

Naomi taa ŋgon neelé wá kaaree’g ndá yeḛ nja to gə́ njeŋgəmee.

1 Samel 1:8

Elkana gə́ ŋgabeeje lé dəjee pana: See gelee ban ɓa i no̰ ləm, sɔ né el ləm tɔ wa. See gelee ban ɓa ar məəi tuji ar kəmi to ne ndòo wa. See ma m’to maji kəmi’g m’unda ŋganje gə́ diŋgam dɔg el wa.

1 Samel 2:5

Deḛ gə́ kédé nésɔ as dee nag-nag lé D’un rɔ dee tona ne goŋ muru ləm, Deḛ gə́ ɓó tɔl dee kédé lé Yeḛ ar dee d’wa rɔ dee ləm tɔ. Kaokad kara oji ŋganje gɔl siri, Yeḛ gə́ oji ŋganje bula lé rəa jura ne həgədə.