Rudu 4:13 - Maktub gə́ To gə Kəmee

¹³ Togə́bè ɓa Boaj taa ne Rudu gə́ dené ləa ya. Ndá Njesigənea̰ tɔr ndia dəa’g aree taa kèm oji ne ŋgon gə́ diŋgam.

Rudu 4:13 ပူးပေါင်းရင်းမြစ်များ

Gḭ-Néje 20:17

Abrakam ra tamaji ta Ala’g lé ndá Ala ɔr rɔko̰ rɔ Abimelek’g gə rɔ dené’g ləa gə rɔ ŋganjélookisije’g ləa gə́ dené tɔ ndá yeḛ ar dee tel d’oji ŋganje ŋga.

Gḭ-Néje 25:21

Isaak ra ndòo rɔ Njesigənea̰’g mbata lə dené ləa gə́ aw kad ndá Njesigənea̰ oo kəmtondoo ləa. Togə́bè ɓa Rebeka gə́ dené ləa lé əskèm ya.

Gḭ-Néje 29:31

Njesigənea̰ oo to gə́ Jakob ndigi Lea el ndá yeḛ aree to ko̰ ŋganje nɛ Rasel ɓa aw kad.

Gḭ-Néje 30:2

Mee Jakob ḭ səa pu dɔ Rasel’g aree pa pana: See ɓasinè ma nja ŋga m’taa tor Ala gə́ njekɔgi koji ŋgon wa.

Gḭ-Néje 33:5

Esawu un kəmee gə́ tar oo denéje gə ŋganje ndá yeḛ dəjee pana: See to na̰je ɓa d’aar səi nee wa. Jakob tel ilá keneŋ pana: To ŋganje gə́ Ala wa ne noji gə kura ləi lé ya.

Pakɔsje 113:9

Yeḛ gə́ to gə́ kawkad lé Yeḛ nja aree kəi-siée ləm, Yeḛ aree to ko̰ ŋganje gə́ njerɔlel Mbuna ŋganeeje’g ləm tɔ. Pidije Njesigənea̰ ya.

Pakɔsje 127:3

Aa oo, ŋganje lé to gə́ nénduba gə́ ḭ rɔ Njesigənea̰’g, Ŋgan meḛ dəwje lé to gə́ nékoga dɔ ji njékoji deeje ya tɔ.

Rudu 3:11

Ɓasinè lé, ŋgonəm, maji kari ɓəl el, m’a ra səi néje lai to gə́ i pa lé mbata dəwje ləm gə́ d’isi tarəwkɔgje’g lé deḛ lai gəri gə́ dené gə́ njemeemaji ya.

Rudu 4:12

Maji kar Njesigənea̰ ar dené neelé oji səi ŋganje bula ar kəi ləi to asəna gə kəi lə Peres, yeḛ gə́ Tamar ojee gə Juda lé ya!

1 Samel 1:27

Gə mbata ŋgon neelé ya ɓa m’ra ne tamaji ndá Njesigənea̰ oo tamaji ləm gə́ m’ra təa’g lé ya.

1 Samel 2:5

Deḛ gə́ kédé nésɔ as dee nag-nag lé D’un rɔ dee tona ne goŋ muru ləm, Deḛ gə́ ɓó tɔl dee kédé lé Yeḛ ar dee d’wa rɔ dee ləm tɔ. Kaokad kara oji ŋganje gɔl siri, Yeḛ gə́ oji ŋganje bula lé rəa jura ne həgədə.