Rudu 3:14 - Maktub gə́ To gə Kəmee

¹⁴ Yeḛ to naŋg gɔl Boaj’g saar ar loo àr ndá yeḛ ḭta gə loo gə́ to gḭdo-gḭdo gə́ dəw askəm gər maree el ɓəi. Boaj pana: Maji kar dəw kára kara gər to gə́ dené ree loo-kunda-kó’g neelé el.

Rudu 3:14 ပူးပေါင်းရင်းမြစ်များ

Njekillamber 7:1

Ri dəw gə́ ɓar gə́ majee lé Maji unda ubu gə́ ə̰də sululu ləm, Ndɔ kwəi lə dəw lé Maji unda ndɔ kojee ləm tɔ.

Njé gə́ Rɔmə 12:17

Deḛ gə́ ra sə sí né gə́ majel lé tel raje sə dee majel kəm maree’g el. Saŋje rəw né gə́ maji gə mba ra no̰ dəwje’g lai.

Njé gə́ Rɔmə 14:16

Bèe ndá né gə́ i oo gə́ né gə́ maji kəm ra lé aree tel to né d’ila ne ndɔl dɔ’g el.

1 Njé gə́ Kɔrḭtə 10:32

Maji kar sí ilaje Jibje əsé Grekje əsé Eglisə lə Ala kag el,

2 Njé gə́ Kɔrḭtə 8:21

Mbata jeḛ n’saŋg loo gə mba ra né gə́ to gə goo rəbee kəm Mbaidɔmbaije’g ɓa gə karee el nɛ kəm dəwje’g lé tɔ.

1 Njé gə́ Tesalonikə 5:22

Saaje rɔ sí rəw dɔ né gə́ majel gə́ gə ria-ria.

1 Piɛrə 2:12

Njaaje gə́ majee dan njépole-magəje’g mba kar deḛ gə́ d’oo sí gə́ njéra majelje d’im sí ne lé ndá d’a koo néra maji lə sí ɓa d’a kula ne rɔnduba dɔ Ala’g mee ndəa gə́ yeḛ a teḛ dɔ sí’g ɓəi.

Rudu 3:15

Tɔɓəi yeḛ ila ta gə́ raŋg keneŋ ɓəi pana: Am kubu gə́ boi yul gə́ ila dɔi’g lé gə́ nee ndá wa təa ŋgəji. Yeḛ wa ta kubu neelé ŋgəji ndá yeḛ wɔji kandə kó as nékwɔji kwɔi-lə-né dɔg-giree-mi ɔm keneŋ aree, tɔɓəi yeḛ wa səa unda dəa’g aree tel aw ne mee ɓee’g tɔ.