Rudu 1:22 - Maktub gə́ To gə Kəmee

²² Togə́bè ɓa Naomi deḛ gə Rudu gə́ to məmeeje gə́ to gə́ ginkoji’d gə́ Moab lé d’ḭ ne dɔ naŋg’d gə́ Moab tel ree ne. Deḛ teḛ Betlehem mee naḭ gə́ d’un kudu kinja kó gə́ ɓaree ɔrj lé.

Rudu 1:22 ပူးပေါင်းရင်းမြစ်များ

2 Samel 21:9

ndá yeḛ ya̰ dee ji Gabao̰je’g ar dee tɔ dee tar dɔ mbal’g no̰ Njesigənea̰’g tɔ. Deḛ siri lai lé d’udu na̰’d, deḛ tɔl dee mee ndɔje gə́ doŋgɔr gə́ to naḭ kinja kó loo gə́ d’un kudu kinja kó-ɔrj lé tɔ.

Ləbije 23:10

Ula Israɛlje pana: Loo gə́ seḭ a ka̰dje mee ɓee gə́ ma m’ar sí ɓa seḭ injaje kó keneŋ ndá seḭ a reeje gə dɔ kó gə́ doŋgɔr gə́ seḭ injaje lé mba karje njekinjanéməs.

Ləbije 23:11

Dɔ kó neelé yeḛ ra nduree no̰ Njesigənea̰’g kunda ne gə kəmee mba karee taa kəmee, goo ndɔ gə́ njekorè goo ndɔ ndɔ-kwa-rɔ’g ya.

Rudu 2:23

Togə́bè ɓa yeḛ nai ne gə́ rɔ kuraje’g lə Boaj gə́ dené wa ne ɓuru saar deḛ tɔl ne kula kinja kó-ɔrj lé ləm, gə kó lə dee gə́ ɓaree blé lé ləm tɔ. Nɛ Rudu lé si ne gə́ mee kəi’g lə məmeeje lé ya ɓəi.

Rudu 2:6

Kura gə́ njekaa dɔ njékinjakoje lé ilá keneŋ pana: To ŋgoma̰də gə́ Moab, yeḛ gə́ ḭ gə Naomi mee ɓee gə́ Moab ɓa ree səa na̰’d lé ya.