Rudu 1:13 - Maktub gə́ To gə Kəmee

¹³ see seḭ a ŋginaje saar mba kar dee tɔg ya wa. See yee ɓa seḭ a mbad taaje ne ŋgaw gə́ raŋg gə mbəa wa. Wah! ŋganəmje, meeko̰ ləm-ma lé ur dɔ ka̰ sí-seḭ’g ya, mbata ji Njesigənea̰ lé wɔi dɔm’g ndiŋ-ndiŋ ya.

Rudu 1:13 ပူးပေါင်းရင်းမြစ်များ

Gḭ-Néje 38:11

Togə́bè ɓa Juda ula məmeeje gə́ Tamar pana: Aw si bua kəi lə bɔbije saar ŋgonəm gə́ Sela lé tɔg ɓa. Yeḛ pa togə́bè nà banelə Sela kara a kwəi to gə́ ŋgakea̰je bèe ya tɔ. Ndá Tamar lé ɔd aw si kəi lə bɔbeeje ya.

Maktub gə́ wɔji dɔ Jɔb 19:21

Seḭ baokuraje ləm, maji kar sí ooje kəmtondoo ləm, maji kar sí ooje kəmtondoo ləm ya, Mbata ji Ala ɓa undam ne.

Pakɔsje 32:4

Mbata dan kàrá gə loondul’g lé Jii wɔi dɔm’g ndiŋ-ndiŋ ləm, Siŋgam tudu kurum-kurum Asəna gə loo tudu gə́ naḭ palboo’g bèe ləm tɔ.

Pakɔsje 38:2

Njesigənea̰, maji kari tɔjim kəmkàr Loo gə́ oŋg ḭ səi el ləm, Ar bo̰ néram ɔs tam’g Loo gə́ məəi ḭ səi jugugu el ləm tɔ.

Tel tura Godndu 2:15

Ji Njesigənea̰ ya wɔi dɔ dee’g tɔ, gə mba kar dee d’wəi loo-si dee’g saar kar gel dee un ɗiao ɓa.

Njéga̰g-Rəwtaje 2:15

Looje lai gə́ d’aw keneŋ lé Njesigənea̰ ula jia ndiŋ gə́ dɔ dee’g gə mba ra ne sə dee majel, to gə́ Njesigənea̰ ula dee ne kédé ləm, to gə́ Njesigənea̰ man ne rəa kédé ar dee ləm tɔ. Togə́bè ɓa deḛ d’isi ne dan boo-néurti’g ya.

Rudu 1:12

Kɔgərɔ ya ŋganəmje, telje, awje ya! Ma lé m’ɓuga mba̰ ndá m’askəm taa ŋgaw gə́ raŋg el ŋga. Lé m’unda məəm yel ya m’pa m’pana: mee til gə́ neelé ɓó lé m’iŋga ŋgaw keneŋ ndá ma k’oji ne ŋganje gə́ diŋgam gogo ɓəi kara

Rudu 1:14

Yen ŋga deḛ d’ɔr ndu dee gə́ tar wəl gə no̰ ya tɔɓəi. Ndá Ɔrpa lé wa məmeeje gə́ Rudu lé karee’g sud ɓa yeḛ tel ɓəi, nɛ Rudu lé reḛ́ gée’g rḛ́-rḛ́ ya.

Rudu 1:21

Loo gə́ m’ḭ ɓée nee gə mba kaw lé m’aw gə rɔlel ləm néje taa rɔm pəl-pəl ləm tɔ, nɛ Njesigənea̰ am tel gə jim kari ba jəb-jəb ya. See a ɓarmje Naomi mbata ɗi tɔɓəi wa. Mbata Njesigənea̰ tel giree ila am ləm, Bao-siŋgamoŋ tujim pugudu-pugudu ya ləm tɔ.

1 Samel 5:11

Deḛ d’ula kula ɓar mbai dɔ Pilistije d’ar dee ree mbo̰ dɔ na̰ rɔ dee’g ndá deḛ pana: Ulaje gə sa̰duk-manrɔ lə Ala lə Israɛlje lé gə mba karee tel aw loo toree’g gogo mba karee ar síjeḛ gə dəwje lə sí j’wəije ne na̰’d el. Mbata mee ɓee-boo’g bura lé néɓəl gə́ as yoo to keneŋ. Ji Ala wɔi ndiŋ-ndiŋ dɔ dee’g ya.