Njé gə́ Rɔmə 9:7 - Maktub gə́ To gə Kəmee

⁷ Deḛ lai gə́ to gə́ ŋgaka Abrakam kara to ŋganeeje gə́ gəd ɓa lai el tɔ. To gə́ ndaŋg mee maktub’g lé pana: Deḛ gə́ to gin Isaak’g ɓa d’a to ŋgakaije gə́ rii a ɓar ne.

Njé gə́ Rɔmə 9:7 ပူးပေါင်းရင်းမြစ်များ

Gḭ-Néje 21:12

Nɛ Ala ula Abrakam pana: Maji kar né neelé ar məəi uri sir mbata lə ŋgon lé el ləm, gə mbata lə ɓər ləi gə́ dené lé el ləm tɔ. Ur mbii oo ne taje lai gə́ Sara ulai ya. Mbata gin Isaak ɓa ŋgakaije gə́ d’a gə to kaḭ ya doŋgɔ doi lé d’a kḭ keneŋ ya.

Matiyo 3:9

ɓó ulaje rɔ sí pajena: Jeḛ lé Abrakam ɓa to gə́ bɔ síjeḛ, maji kar sí paje togə́bè el! Mbata ma m’ula sí təsərə, Ala askəm tel kɔr mbalje gə́ to neelé gə́ ŋganje kar Abrakam ya.

Lugu 16:30

Yeḛ tel ulá pana: Wah! bɔm Abrakam, ɓó lé dəw kára a kunda loo-yoo teḛ kaw rɔ dee’g ndá d’a kwa ndòo rɔ dee dɔ kaiya’g lə dee ya.

Lugu 3:8

Ɓó lé seḭ waje ndòo rɔ sí dɔ kaiya’g lə sí ndá teḛje gə kée gə́ raga ɓó pajena Abrakam ɓa gə bɔ síje, paje bèe el! mbata ma m’ula sí təsərə ya, kɔr mbalje gə́ nee ya Ala lé askəm tel dee gə́ ŋganje kar Abrakam ya.

Tagə́maji gə́ Ja̰ ndang 8:33

Jibje tel d’ilá keneŋ pana: Jeḛ lé n’toje gə́ ŋgaka Abrakam’g ɓó jeḛ n’ra ɓər lə dəw kára kara bèe el. Bèe ŋga see ban ɓa i pana: A bɔr kúla dɔ sí’g mbɔji wa.

Njé gə́ Galati 4:23

Ŋgolə yeḛ gə́ to gə́ ɓər lé d’ojee gin darɔ’g ɓa, yeḛ gə́ to ŋgolə ŋgonkoji lé d’ojee gin ndukun’g.

Njé gə́ Galati 4:28

Seḭ ŋgakɔmje ɓa yḛ̀, seḭ toje ŋgan ndukunje asəna gə Isaak bèe tɔ.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Ǝbrəje 11:18

Ala kara ulá ta wɔji ne dəa ləm tɔ pana: Gin Isaak ɓa i a kiŋga ne ŋgakaije gə́ rii a ɓar dɔ dee’g lé.