Njé gə́ Rɔmə 9:5 - Maktub gə́ To gə Kəmee

⁵ gə ndukunje ləa ləm, ginka deḛ gə́ to gə kəmee ləma, Kristi gə́ to gə́ dəw dɔ néje lai kara darəa ḭ rɔ dee’g ləm tɔ. Maji kar Ala tɔr ndia dəa’g gə mba kar dəa ai səgərə saar-saar gə no̰. Amen.

Njé gə́ Rɔmə 9:5 ပူးပေါင်းရင်းမြစ်များ

Gḭ-Néje 12:3

M’a tɔr ndum dɔ deḛ gə́ tɔr ndu dee dɔi’g ləm, m’a kila ndɔl dɔ deḛ gə́ d’ila ndɔl dɔi’g ləm tɔ. Ginkoji dəwje lai dɔ naŋg nee d’a kiŋga dɔkaisəgərə rɔi’g ya.

Gḭ-Néje 49:10

Kag-mbai lé a kḭ rɔ Juda’g kaw raŋg el ləm, Kag-tɔs gə́ ka̰ ko̰ɓee lé a kḭ ŋgira gɔlee’g kaw raŋg el ləm tɔ Saar mba kar silo ɓa ree, Kar dəwje d’ila ŋgonkoji dəa’g ya.

1 Mbaije 1:36

Benaja, ŋgolə Jeojoda tel ila mbai’g pana: Maji karee to togə́bè ya. Njesigənea̰, Ala lə mbai ləm pa togə́bè ya.

1 Sôrta Gḭka-Israɛlje 16:36

Maji kar dɔ ri Njesigənea̰, Ala lə Israɛlje ai səgərə Gə ləbee-ləbee saar-saar gə no̰! Maji kar koso-dəwje lai pana: Bèe ya! Pidije Njesigənea̰ ya!

Pakɔsje 103:19

Njesigənea̰ unda kalimbai ləa dan dara’g, Ko̰ɓee ləa dum dɔ néje lai ya tɔ.

Pakɔsje 106:48

Maji kar dɔkaisəgərə nai gə Njesigənea̰, Ala lə Israɛlje lé Gə ləbee-ləbee saar-saar gə no̰. Maji kar koso-dəwje lai lé pata pana: Bèe ya! Pidije Njesigənea̰!

Pakɔsje 41:13

I gədm mbata i oo néram gə́ to gə goo rəbee, Yee ɓa i undam ne nɔḭ’g ta-ta ya.

Pakɔsje 45:6

Ndo̰ ɓandaŋgje ləi adə njal-njal, Koso-dəwje d’a toso naŋg gɔli’g ləm, Ndo̰ ɓandaŋgje ləi lé d’a tɔs ɓəŋgərə njéba̰je lə mbai ləm tɔ.

Pakɔsje 72:19

Maji kar ria gə́ maji dum lé ɓar saar-saar gə no̰ ləm, Maji kar rɔnduba ləa kara taa loo dɔ naŋg nee pəl-pəl ya ləm tɔ! Bèe ya! Bèe ya!

Pakɔsje 89:52

Ǝi Njesigənea̰, ar məəi olé dɔ boo-nérɔkulje’g lə njéba̰je ləi ləm, Dɔ boo-rɔkulje’g lə deḛ gə́ d’ila dɔ yeḛ gə́ i wa dəa gə ubu lé ləm tɔ.

Esai 11:1

Tɔɓəi barkəmrɔ Isai a kidi dɔ jigee’g ləm, Barkəmee a tuba dɔ ŋgiraje’g ləm tɔ.

Esai 7:14

Gelee gə́ nee ɓa Mbaidɔmbaije ya a kar sí nétɔji. Aa ooje, ŋgoma̰də a taa kèm ndá a koji ŋgon gə́ diŋgam. Tɔɓəi yeḛ a kunda ria lə Emanuɛl (kɔr gelee pana: Ala nai sə síjeḛ).

Jeremi 28:6

Maji karee to togə́bè ya. Maji kar Njesigənea̰ ra togə́bè ya! Maji kar Njesigənea̰ ar taje gə́ i tegginee lé aw lée’g béréré ləm, maji karee ar nékulaje gə́ mee kəi’g lə Njesigənea̰ gə koso-dəwje lai gə́ d’aw sə dee ɓee-ɓər’g lé d’ḭ Babilɔn tel ree lée’g nee ləm tɔ.

Misee 5:2

Gelee gə́ nee ɓa yeḛ a kuba dee ne kya̰ dee Saar kar yeḛ gə́ a gə koji ŋgon lé A kojee ya ləm, Saar kar ges ŋgakea̰je gə́ nai lé D’a tel ree kiŋga ne Israɛlje ləm tɔ.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Lugu 20:44

Loo gə́ Dabid ɓaree Mbaidɔmbaije ləa ndá ŋga see a to gə́ ŋgonee gə́ ban tɔɓəi wa.

Tagə́maji gə́ Ja̰ ndang 10:30

Ma jeḛ gə Bɔm lé jeḛ n’to gə́ kára ba bèe.

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Néra Njékaḭkulaje 3:13

Ala lə Abrakam gə Isaak gə Jakob, Ala lə ka síjeḛ lé ɓa ula rɔnduba dɔ kura’g ləa Jeju, yeḛ gə́ seḭ uláje ji Pilatə’g ləm, seḭ mbadeeje ləm tɔ nɛ yeḛ lé wɔji-kwɔji kilá tar.

Njé gə́ Rɔmə 1:25

Deḛ lé tel kankəmta lə Ala lé gə́ taŋgɔm ləm, d’wa nékunda lə Ala meḛ dee’g d’ula ne rɔ dee ndòo d’aree ur dɔ Njekunda néje lai gə́ si gə dɔkaisəgərə gə ləbee-ləbee saar gə no̰ lé ləm tɔ. Amen.

Njé gə́ Rɔmə 1:3

To ta lə Ŋgonee gə́ gəd-gəd gə́ d’ojee ginka Dabid’g, yeḛ ɓa wɔji dɔ darəa,

Njé gə́ Rɔmə 10:12

Jib gə Grek to gə́ ɓəd-ɓəd el mbata Mbaidɔmbaije lə dee to gə́ kára ba kiao. Yeḛ lé to bao-noji mbata lə deḛ lai gə́ to njeɓar riaje lé.

Njé gə́ Rɔmə 11:28

Tagə́maji neelé deḛ to njékɔsee rəwje gə mbata lə sí-seḭje ya. Nɛ kɔr gə́ yeḛ ɔr ka deeje kédé lé yee ɓa yeḛ ndigi dee ne unda dee dan kəmee’g ɓəi.

1 Njé gə́ Kɔrḭtə 14:16

Tɔgərɔ ya, ɓó lé i ra Ala oiyo gə ndili ndá see deḛ gə́ d’isi gə mba koo ta lé see d’a koo loo ndigi ta ləi gə Amen loo gə́ ra’g wa. Mbata deḛ gər ta gə́ i pa lé el.

2 Njé gə́ Kɔrḭtə 11:31

Ala gə́ to Bɔ Mbaidɔmbaije Jeju ləm, gə́ to njedɔkaisəgərə gə ləbee-ləbee gə no̰ ləm tɔ lé yeḛ nja gər gao to gə́ ma m’pata ŋgɔm el.

Tel tura Godndu 10:15

Lé bèe kara to bɔ síje-je ya ba ɓa Njesigənea̰ ɔm sə dee na̰’d gə mba kunda dee dan kəmee’g, tɔɓəi goo dee-deḛ’g lé to ŋgaka deeje, yee ɓa to seḭ gə́ yeḛ mbər sí mbuna koso-dəwje’g lai to gə́ seḭ ooje ne ɓogənè lé ya.

1 Timote 3:16

Rəw kwa Ala mée’g gə́ gəd lé to ndərta gə́ dumkoo ɓó loo-maḭyee godo. Yeḛ neelé darəa to raga ndəgəsə ləm, Ndil ɓa ɔr gelee ləm, Kuraje gə́ dara d’ée ləm, Deḛ d’ɔr goo ta ləa d’ar njépole-magəje ləm, Nje gə́ dɔ naŋg nee d’ɔm meḛ dee dəa’g ləm d’unee d’unda loo ronduba’g ləa ləm tɔ.

1 Timote 6:15

Mee ndəa gə́ wɔji dəa lé Ala gə́ dəa ai səgərə gə́ to Bao-siŋgamoŋ kára ba kiao ləm, gə to Mbai dɔ mbaije ləma, gə to Mbaidɔmbaije ləm tɔ lé a rab Kristi lé gə́ raga.

2 Timote 2:8

Ar məəi olé dɔ Jeju Kristi yeḛ gə́ ḭ ginka’g lə Dabid ləm, yeḛ unda loo teḛ dan njé gə́ d’wəi’g gə goo tagə́maji gə́ to gə́ kama lé ləm tɔ.

Ǝbrəje 7:24

Nɛ yeḛ nja gə́ si kəmba gə no̰ ɓa si gə kula kinja néməs gə́ to né kya̰ gogo kar dəw gə́ raŋg el.

1 Ja̰ 5:20

Jeḛ n’gər gao, Ŋgon-Ala ree mba̰ ndá yeḛ ar sí kəmkàr gə mba gər ne yeḛ gə́ to gə́ Kankəm dəw lé. Jeḛ j’ɔm na̰’d gə Kankəm dəw lé ləm, j’ɔm na̰’d gə Ŋgonee gə́ Jeju Kristi lé ləm tɔ. Yeḛ nja ɓa gə́ darɔ Ala ləm, gə kəmə gə́ to gə no̰ lé ləm tɔ.

Loo gə́ killa rea kəm Ja̰’g 1:18

Neḛ n’to gə́ dɔtar ləm, n’to gə́ rudu ləma, n’to Njesikəmba ləm tɔ. Neḛ n’wəi kédé mba̰, nɛ aa oo, n’isi kəmba gə ləb neḛ-ləb neḛ gə no̰. Nékɔrtarəw lə yoo gə ɓee lə njé gə́ d’wəi lé n’wa ji neḛ’g.

Loo gə́ killa rea kəm Ja̰’g 22:16

Ma Jeju, m’ula kura ləm gə mba karee to njekɔrgoota neelé kar Eglisəje. Ma m’to gə́ ŋgoka Dabid ləm, m’to gə́ duje lookàr ləm tɔ.

Loo gə́ killa rea kəm Ja̰’g 22:20

Yeḛ gə́ ɔr goo ta nee ar sí lé pana: Oiyo, waga ɓa m’a teḛ wai ɓəi. Amen! Mbaidɔmbaije Jeju, maji kari ree ya kɔgərɔ kari.

Loo gə́ killa rea kəm Ja̰’g 5:14

Nékundaje lə Ala gə́ sɔ gə́ d’aw kəmba lé pana: Amen! Ndá ŋgatɔgje lé d’unda barmba d’ula dɔ dee naŋg d’wa ŋgon badə lé meḛ dee’g sudu.