Njé gə́ Rɔmə 9:4 - Maktub gə́ To gə Kəmee

⁴ deḛ gə́ to Israɛlje lé. Ala nja tel dee gə́ ŋganeeje ləm, ula rɔnduba dɔ dee’g ləm, man rəa ar dee ləm, ar dee godndiaje ləm, ar dee kəi-siée ləm,

Njé gə́ Rɔmə 9:4 ပူးပေါင်းရင်းမြစ်များ

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

Gḭ-Néje 17:10

Ta manrɔ ləm gə́ seḭ a kaaje dəa kər-kər gə́ a to mbuna sí jeḛ səi’g ləm, gə mbuna ŋgakaije gə́ d’a gə korè gooi ləm tɔ lé ɓa to nee: Diŋgam gə́ rara kara mbuna sí’g lé d’a kinja tamɔdee.

Gḭ-Néje 17:2

M’a kar ta manrɔ ləm tɔ mbuna sí jeḛ səi’g ləm, m’a kar ŋgakaije d’a kɔs goo na̰ goo na̰ gə́ kédé-kédé ləm tɔ.

Gḭ-Néje 17:7

M’a kar ta manrɔ ləm tɔ mbuna sí jeḛ səi gə mbuna ŋgakaije gə́ d’a gə korè gooi gə goo ŋgaka deeje. Ta manrɔ neelé a to gə́ kédé-kédé gə no̰ mba karm m’to ne Ala ləi ləm, gə ka̰ ŋgakaije gə́ d’a gə korè gooi ləm tɔ.

Gḭ-Néje 32:28

Yeḛ dəjee pana: See rii lə nawa. Jakob ilá keneŋ pana: Rim lə Jakob.

1 Mbaije 8:11

Njékinjanéməsje d’askəm kaar keneŋ mba ra kula lə dee el mba mum lé, mbata rɔnduba lə Njesigənea̰ gə́ taa mee kəi ləa pəl-pəl lé tɔ.

Nehemi 13:29

Ǝi Ala ləm, maji kari ar məəi olé dɔ dee’g mbata deḛ d’ar kula kḭjanémes gə ta manrɔ gə́ i man ne rɔi ar njékinjanéməsje gə Ləbije lé mina̰ ya.

Pakɔsje 147:19

Ta ləa lé yeḛ riba dəa ar njé’g lə Jakob lé Godndiaje gə ndukunje ləa lé yeḛ riba dəa ar Israɛlje.

Pakɔsje 63:2

Ǝi Ala, i to Ala ləm gə́ m’aw m’sa̰gi lé Mali ram ŋgwɔd-ŋgwɔd asəna gə kṵdaman gə́ tɔl dəw bèe, Darɔm kara ila kəmə ərm-ərm gooi’g Dɔ naŋg gə́ tudu kurum-kurum gə́ lal mán gə́ tḛ́ bèe keneŋ.

Pakɔsje 73:1

Pakɔs lə Asap. Oiyo, Ala to njera maji gə Israɛlje ya ləm, Gə deḛ gə́ meḛ dee àr raŋg-raŋg lé ya ləm tɔ.

Pakɔsje 78:61

Nésiŋgamoŋ ləa gə boo-ronduba ləa lé Yeḛ ya̰ meḛ ji njéba̰je’g ləa ar dee d’aw ne ɓee gə́ raŋg.

Pakɔsje 89:3

Mbata ma m’pana: Meemaji lé ŋgira siŋ naŋg siŋ-siŋ, I ar meenda londoŋ ləi to njaŋg mee dara’g.

Pakɔsje 89:34

Nɛ meemaji lə neḛ lé n’a kɔr rəa’g el ləm, Meenda londoŋ lə neḛ kara n’a kuba gée kya̰ el ləm,

Pakɔsje 90:16

Maji kar kəm kuraje ləi inja dɔ kula rai’g ləm, Maji kar ŋgan deeje d’oo rɔnduba ləi ləm tɔ.

Teḛ-Raga 12:25

Loo gə́ seḭ a ka̰dje mee ɓee gə́ Njesigənea̰ a gə kar sí gə goo ndukun ləa lé ndá néra gə́ to gə kəmee neelé seḭ a raje togə́bè ya.

Teḛ-Raga 34:27

Njesigənea̰ ula Moyis pana: Maji kari ndaŋg taje neelé, mbata to gə goo taje gə́ neelé ɓa ma mán ne rɔm m’ari-i gə Israɛlje.

Teḛ-Raga 4:22

I a kula Parao̰ pana: Njesigənea̰ pa bèe pana: Israɛl lé to ŋgon neḛ gə́ to ŋgondər neḛ ya.

Teḛ-Raga 40:34

Togə́bè mum ree aar dɔ kəi-kubu-kiŋga-na̰’g ləm, rɔnduba lə Njesigənea̰ taa loo mee kəi gə́ to gə kəmee’g lé pəl-pəl ləm tɔ.

Esai 41:8

Nɛ seḭ Israɛlje gə́ toje kuraje ləm, Seḭ ŋgaka Jakob gə́ ma m’ɔr sí, Seḭ ŋgaka Abrakam gə́ m’unda sí dan kəm’g lé.

Esai 46:3

Tugaje mbi sí gə́ rɔm’g nee, Seḭ gel-bɔje lə Jakob Gə seḭ ges gel-bɔje lə Israɛl gə́ nai, Seḭ gə́ ma m’ŋgəm sí Un kudee mee ndəa gə́ seḭ naije ne meḛ ko̰ síje’g saar ləm, Ma m’odo sí Un kudee ndɔ koji sí’g ya saar ɓasinè ləm tɔ!

Esai 5:2

Yeḛ tel gel naŋg ləm, Yeḛ tɔr kɔr mbalje ləma, Yeḛ ma̰a kag-nduú gə́ ka̰dee lel keneŋ ləm tɔ. Yeḛ la pala mee ndɔ’g ləm, Yeḛ ur bwa gə́ ka̰ mbula mán-nduú keneŋ ləm tɔ. Tɔɓəi mée to yel dɔ kiŋga kandə nduú gə́ maji’g Nɛ nduú lé andə gə ka̰dee gə́ majel.

Esai 60:19

Kàr ɓa a to néndogó ləi dan kàrá el ləm, Naḭ ɓa a kar loo àr ŋgad-ŋgad dɔi’g loondul’g el ləm tɔ, Nɛ Njesigənea̰ ɓa a to lookàr ləi saar-saar gə no̰ ləm, Ala ləi ɓa a to gə́ nérɔnduba ləi ləm tɔ.

Jeremi 31:20

Njesigənea̰ ɓa pa bèe pana: See Eprayimje to ŋganəmje Gə́ m’a m’ndigi dee ləm, To ŋganəmje gə́ m’unda dee dan kəm’g ləm tɔ ya wa. Mbata loo gə́ ma m’pata yaa̰ M’wɔji ne dɔ dee lé Meem olé dɔ dee’g unda njé gə́ kédé ya tɔ. Yee ɓa məəm aw ne taḭ-taḭ mbata lə dee gə mbəa, Tɔgərɔ m’a koo kəmtondoo lə dee ya.

Jeremi 31:33

Njesigənea̰ pana: Aa ooje, man gə́ m’a man rɔm kar gel-bɔje lə Israɛl loo gə́ ndɔje nee a dəs mba̰ lé ɓa nee: M’a kula godndum meḛ dee’g ləm, m’a ndaŋg dee dɔɓəŋgərə dee’g ləm tɔ. M’a to Ala lə dee ləm, d’a to koso-dəwje ləm ləm tɔ.

Jeremi 31:9

Deḛ ree gə mán-no̰ kəm dee’g Ndá ma m’ɔr no̰ dee Dan no̰ ndòo’g lə dee, Ma m’aw sə dee Par gə́ kəm-rəw-manje gə́ ula yal-yal, Gə rəw gə́ kára ba bərəŋ Gə́ né tuga gɔl dee keneŋ el, Mbata ma m’to gə́ bɔ-Israɛlje ləm, Eprayimje to ŋgondərm ləm tɔ.

Ejekel 1:28

Né gə́ ndogó ɔr jol-jol gə́ gugu dəa sub lé kunda rɔ ləa to asəna gə ŋgaoburandi gə́ teḛ dan kil-lə-ndi ndɔ kər’g lə ndi bèe, yee ɓa to né gə́ ndaji rɔnduba lə Njesigənea̰. Loo gə́ m’oo né neelé ndá m’oso m’dəb kəm naŋg ləm, m’oo ndu dəw gə́ pa ne ta ləm tɔ.

Ojee 11:1

Njesigənea̰ pana: Loo gə́ Israɛlje nai ne ŋganje ɓəi lé Neḛ n’unda dee dan kəm neḛ’g, Neḛ m’ɓar dee ŋgan neḛje N’ar dee d’unda ne loo mee ɓee gə́ Ejiptə teḛ.

Bula lə Israɛlje 7:89

Loo gə́ Moyis andə mee kəi-kubu-kiŋga-na̰’g mba kwɔji ta gə Njesigənea̰ ndá yeḛ oo ndu dəw gə́ ɓar wɔji səa ta gə́ ḭ mbuna Nékundaje gə́ dara gə́ joo gə́ to dɔ kidata sa̰duk gə́ ka̰ meekoso lemsé gə́ to dɔ sa̰duk kɔrgoota’g lé. Yeḛ wɔji ta gə Njesigənea̰ tɔ.

Matiyo 21:33

Urje mbi sí ooje ne gosota gə́ raŋg tɔɓəi. Dəw kára gə́ to njekəi si gən wa ndɔ-nduú. Yeḛ ula ŋgalaŋ giree’g siŋ-siŋ ləm, ra loo mbula mán-nduú ləma, uru pal ləm tɔ. Yeḛ wa ndɔ-nduú neelé ula ji njéndəaje’g ndá ɔd par aw dɔɓee gə́ raŋg.

Tagə́maji gə́ Ja̰ ndang 1:17

Mbata ləw lé Moyis ree gə godndu ar sí nɛ noji gə kankəmta lé Jeju Kristi ɓa ree ne.

Tagə́maji gə́ Ja̰ ndang 1:47

Jeju oo Natanaɛl gə́ si aw gə́ rəa’g ndá yeḛ pata gə́ wɔji dəa pana: Aa ooje, yeḛ lé to kankəm dəw gə́ Israɛl gə́ nésukəmloo kára kara godo rəa’g.

Néra Njékaḭkulaje 2:39

Mbata ndukun lé wɔji dɔ sí-seḭ ləm, gə dɔ ŋgan síje ləma, gə dɔ deḛ lai gə́ d’isi ŋgərəŋ, deḛ lai gə́ Ala lə sí a gə ɓar dee gə mbəa lé ləm tɔ.

Njé gə́ Rɔmə 3:2

Gelee bula ya, nɛ gelee gə́ kára gə́ ur dɔ dee’g lai lé yee ɓa gə́ godndu Ala gə́ yeḛ ɔm ji dee-deḛ’g ya.

Njé gə́ Rɔmə 8:15

Seḭ taaje ndil ka̰ ɓər gə mba si ne dan ɓəl’g el, nɛ seḭ taaje Ndil gə́ ka̰ ŋgon-ɓaa, yee ɓa jeḛ j’ila ne ndu sí naŋg wəl m’pana: Aba! Bai!

Njé gə́ Rɔmə 9:6

Ta lə Ala lé ra née nja ɓó təa wa ŋgɔ el. Mbata deḛ lai gə́ to gə́ ŋgaka Israɛlje lé to Israɛlje gə́ kojikəi ɓa lai el.

2 Njé gə́ Kɔrḭtə 11:22

See deḛ to Ǝbrəje wa. Ma kara ma m’to Ǝbrə ya tɔ. See deḛ to Israɛlje wa. Ma kara m’to Israɛl nja tɔ. See deḛ to ŋgaka Abrakam lé wa. Ma kara m’to ŋgoka Abrakam ya tɔ.

Njé gə́ Galati 3:16

Bèe ndá ndukunje lé Ala un ar Abrakam ləm, ar ŋgakeaje ləm tɔ. Ta gə́ maktub pa lé wɔji dɔ ŋgakeaje gin bula el, nɛ wɔji dɔ ŋgakeaje gə́ gin kára ba ya. Maktub pana: Ŋgokai lé yee ɓa wɔji dɔ Kristi ya.

Njé gə́ Epesə 2:12

mee ndəaje’g neelé seḭ lalje Kristi ləm, d’ɔg sí loo ra ɓee mee ɓee gə́ Israɛl ləm, ndukun gə́ Ala ar dee lé seḭ toje njékwagireeje ləm, nékunda-mee-yel dɔ’g lə sí godo ləma, Ala kara seḭ toje njékwagireeje ya ləm tɔ.

Tel tura Godndu 14:1

Seḭ toje ŋgalə Ala lə sí gə́ Njesigənea̰. Seḭ a tḭjaje rɔ sí pədərə-pədərə əsé a ndisaje dɔ sí ŋgori-ŋgori gə mbata lə kəmndooyoo el.

Tel tura Godndu 29:1

Moyis ɓar Israɛlje lai ula dee pana: Loo gə́ seḭ síje mee ɓee gə́ Ejiptə lé, seḭ ooje néje lai gə́ Njesigənea̰ ra kəm sí’g gə Parao̰ gə kuraje ləa lai gə ɓee ləa lai ləm,

Tel tura Godndu 29:14

Nɛ m’aree wɔji dɔ deḛ gə́ d’aar mbuna sí’g ɓogənè no̰ Njesigənea̰ Ala’g lə sí ləm, gə dɔ deḛ gə́ godo mbuna sí’g mee ndɔ gə́ ɓogənè ɓəi ləm tɔ.

Tel tura Godndu 31:16

Njesigənea̰ ula Moyis pana: Aa oo, i a gə kwəi. Ndá dəwje neelé d’a gə kḭ kubam kya̰’m gə mba goo magəje gə́ dɔɓee’d gə́ d’andə mbuna dee’g lé. D’a gə kubam kya̰’m ləm, d’a gə kal dɔ manrɔ ləm gə́ ma man m’ar dee lé ləm tɔ.

Tel tura Godndu 4:13

Yeḛ riba se sí dɔ manrɔ ləa gə́ yeḛ un ndia dɔ’g mba kar sí aaje dəa kər-kər, to godnduje gə́ dɔg gə́ yeḛ ndaŋg dee dɔ bəgrə-mbalje gə́ joo lé.

Tel tura Godndu 7:6

Mbata seḭ lé seḭ toje gə́ koso-dəwje gə́ toje gə kəmee mbata lə Ala lə sí gə́ Njesigənea̰, Ala lə sí gə́ Njesigənea̰ ɔr sí mba kar sí toje koso-dəwje gə́ toje kea̰-yeḛje mbuna koso-dəwje lai gə́ dɔ naŋg nee tɔ.

Ǝbrəje 9:1

Manrɔ gə́ dɔtar lé ndukun ləa gə́ wɔji dɔ kwa Ala meḛ dee’g to keneŋ ləm, kəi ləa gə́ to gə kəmee to keneŋ ləm tɔ.

Ǝbrəje 9:10

Mbata né gə́ yeḛ ra gə́ wɔji dɔ nésɔje gə nékaije gə togo won néje gə́ ɓəd-ɓəd lé yee ɓa to ndukunje gə́ ka̰ darɔ gə́ d’ar sí n’ra ŋgina ne ndɔ gə́ d’a gə telee ɓəd ɓəi.

Ǝbrəje 9:3

No̰ kubu-gaŋg-mee-kəi gə́ njekɔm’g joo lé dəb kəi-kubu-kiŋga-na̰ gə́ ɓaree kəi gə́ to gə kəmee doi lé to keneŋ

Ǝbrəje 9:5

Néndaji Nékundaje gə́ dara gə́ wɔji dɔ rɔnduba lə Ala to dɔ sa̰duk’g ndá deḛ naji bag dee dɔ kidata sa̰duk gə́ ka̰ meekoso lemsé’g lé. Nɛ ɓasinè to kəm kɔr goo ta néje neelé lai gə́ lée-lée el.

Ǝbrəje 9:6

Loo gə́ deḛ gɔl dɔ néje neelé lai d’ar dee to lée’g mba̰ ndá njékinjanéməsje gə́ ra kula lé d’aw mee kəi-kubu gə́ to par gə́ kédé lé ta-ta ya.