Njé gə́ Rɔmə 9:28 - Maktub gə́ To gə Kəmee

²⁸ Mbata ta gə́ Mbaidɔmbaije pa wɔji ne dɔ naŋg neelé yeḛ a ra tɔl bém ya.

Njé gə́ Rɔmə 9:28 ပူးပေါင်းရင်းမြစ်များ

Pakɔsje 65:5

Dəw gə́ i ɔr kəmee aree rəm pər gə́ rɔi’g Mba si mee gadlooje’g ləi lé Débee neelé rɔlel nai səa ya. Rɔlel lə kəi ləi gə kàr ŋgad-ŋgad lə kəi ləi gə́ to gə kəmee A kas sí nag-nag ya.

Pakɔsje 9:8

Njesigənea̰ o̰ ɓee saar gə no̰, Yeḛ unda kalimbai ləa mba gaŋg rəwta.

Esai 10:22

Ǝi Israɛl, ɓó lé koso-dəwje ləi d’a bula kasəna gə nagəra gə́ ta baa-boo-kad’g kara ges dee gə́ nai jebəre ba lé ɓa d’a tel ree ya. Tuji lé yeḛ wɔji njaŋg ya gə mba kar néra gə́ gə dɔ najee ɓa taa loo pəl-pəl ya.

Esai 10:23

Tuji nee gə́ yeḛ wɔji njaŋg lé Mbaidɔmbaije gə́ to Njesigənea̰ gə́ njeboo-néje a karee aw lée’g béréré dɔ naŋg nee bura ya.

Esai 28:22

Ɓasinè maji kar sí ya̰je rɔ sí dan nékula sul dɔ’g el nà banelə kúla gə́ d’wa sí ne lé a ŋgəŋ ŋgəŋ-ŋgəŋ. Mbata ta tuji ɓeeje lai lé to njaŋg mba̰, ma m’oo taree rɔ Mbaidɔmbaije gə́ Njesigənea̰ gə́ njeboo-néje’g.

Esai 5:16

Rəwta gə́ gaŋg gə goo rəbee lé A riba dɔ boo lə Njesigənea̰ gə́ njeboo-néje ləm, Néreaje gə́ gə dɔ najee lé A riba dɔ meenda londoŋ lə Ala ləm tɔ.

Matiyo 24:21

Mbata ndəa neelé némeeko̰ gə́ a gə ra sí lé a kal dɔ loo sula. D’oo garee togə́bè ndɔ tum gin naŋg nee saar ɓasinè lé el ɓəi ləm, d’a koo garee gə́ togə́bè gogo nda̰ bèe el ləm tɔ.

Néra Njékaḭkulaje 17:31

mbata yeḛ unda ndɔ gə́ yeḛ a gə gaŋg rəwta dɔ dəwje gə́ dɔ naŋg neelé gə goo rəbee ləm, dəw gə́ a gə gaŋg rəwta neelé kara yeḛ unda doi ləm tɔ. Yeḛ ar dəwje lai d’oo ta neelé gao loo gə́ yeḛ ar debee neelé unda loo teḛ dan njé gə́ d’wəi’g.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.