Njé gə́ Rɔmə 9:22 - Maktub gə́ To gə Kəmee

²² Ɓó lé Ala ndigi tɔji oŋg ləa gə kar dee gər ne siŋgamoŋ ləa lé ɓa yeḛ ila ne mée dɔ bai-oŋg’d ləa dɔ joje gə́ tuji wɔji dee lé

Njé gə́ Rɔmə 9:22 ပူးပေါင်းရင်းမြစ်များ

Gḭ-Néje 15:16

Ŋgakaije gə́ njekɔm’g sɔ lé d’a tel ree loo gə́ nee’g gogo ɓəi. Mbata néra Amɔrje gə́ ndɔji pɔdɔdɔ lé nai ɓəi ɓó teḛ lai el ɓəi.

Pakɔsje 90:11

See na̰ ɓa a gər siŋgamoŋ oŋg ləi wa. See na̰ ɓa ɓəli mbata meeko̰ ləi gə́ i a kḭ ne səa wa.

Teḛ-Raga 9:16

Nɛ neḛ n’ya̰ loo n’ari si kəmba gə mba kari oo siŋgamoŋ lə neḛ ləm, gə mba kar ri neḛ ɓar ne dɔ naŋg nee gə loo njal-njal ləm tɔ.

Gosota-Kəmkàrje 16:4

Njesigənea̰ ra néje lai gə goo rəbee gə́ yeḛ wɔji, Njemeeyèr kara yeḛ wɔji ne dɔ ndɔ némeeko̰ tɔ.

Nɔ̰-ndôo gə́ wɔji dɔ Jerusalem 3:22

Némeemajije lə Njesigənea̰ lé Rudu dee godo ləm, Némeekaw taḭ-taḭje ləa kara D’unda ŋgaŋ dee el ləm tɔ.

Bula lə Israɛlje 14:11

Njesigənea̰ ula Moyis pana: Dəwje neelé saar ndɔ gə́ ra ɓa d’a kunda ŋgaŋ kɔsm rəw ɓəi wa. Ma m’ra némɔrije lai mbuna dee’g ya nɛ d’a mbad kɔm meḛ dee dɔm’g saar teḛ ne ndɔ gə́ ra ɓəi wa.

Bula lə Israɛlje 14:18

Njesigənea̰ lé oŋg ḭ səa kalaŋ el ləm, yeḛ to bao-meemaji ləma, yeḛ ar mée ti mbidi dɔ néra gə́ kori-kori’g ləm gə dɔ kal dɔ godndu’g ləm tɔ, nɛ yeḛ gə́ ta wa dəa mba̰ lé yeḛ a kée gə́ njegelgodo el ləm, yeḛ a kar bo̰ néra gə́ gə goo rəbee el lə bɔ ŋganje ɔs ta ŋgan deeje’g saar teḛ ne dɔ ŋgakadɔg deeje gə́ loo munda əsé sɔ ləm tɔ.

Njé gə́ Rɔmə 1:18

Ala riba dɔ oŋg ləa gə́ ḭ dara ɔm dɔ ndɔlje lai gə́ dəwje ndɔlee ne ləm, gə dɔ néra majelje lai gə́ dəwje ra d’wa ne dɔ kankəmta d’orè gə́ naŋg lé ləm tɔ.

Njé gə́ Rɔmə 9:17

Maktub gə́ to gə kəmee lé kara pata ar Parao̰ pana: Aa oo, neḛ n’ɔri gə mba kar dee d’oo loo siŋgamoŋ lə neḛ rɔi’g ləm, mba kar ri neḛ oso gə loo mbidi-mbidi ləm tɔ.

Njé gə́ Rɔmə 9:20

Ǝi i yḛ̀ to dəw ɗi to ŋga ɓa mba koma̰ gə Ala wa. See jo ɓan a dəji njekubá pana: See ban ɓa i ubam togə́bè wa. See a dəji njekubá togə́bè ya wa.

Njé gə́ Rɔmə 9:21

Njekubajo lé see to dəw dɔ a̰ji el wa. Loo gə́ a̰ji to loo-mboḭyee’g loo kára ba lé see njekuba né a kuba gə́ joo gɔrje gə jo baŋgaje ɓəd-ɓəd el wa.

1 Njé gə́ Tesalonikə 2:16

Deḛ d’ɔg sí loo kula njépole-magəje ta mba kar dee d’iŋga ne kaji, yee ɓa kaiya lə dee uba ne dɔ na̰ ɓul-ɓul rusu loo ya. Nɛ oŋg lə Ala lé uba dee naŋg bus wa dee mba̰.

1 Njé gə́ Tesalonikə 5:9

Tɔgərɔ ya, Ala ɓar sí mba kar oŋg ləa ɔm dɔ sí’g el nɛ yeḛ ɓar sí mba kar sí j’iŋga kaji gin Mbaidɔmbaije’g lə sí Jeju Kristi,

2 Timote 2:20

Mee kəi gə́ boo lé jo larlɔr ləm, gə jo hand ləm tɔ ɓa to keneŋ goo kára el, nɛ ka̰ kag gə ka̰ a̰ji to keneŋ tɔ, deḛ gə́ kédé lé d’wɔji ne dɔ mbai-kula, deḛ gə́ raŋg lé d’wɔji ne dɔ néje gə́ gə mḭdé-mḭdé ba.

1 Piɛrə 2:8

Deḛ daree, d’oso ne mbata d’ila koji dɔ kankəmta’g el, yee gə́ bèe ɓa né gə́ ɔs dee ra dee ne.

1 Piɛrə 3:20

Deḛ gə́ ləw lé to njékaltaje mee ndəa gə́ Ala ila ne mée dɔ maree ar Noe ra ne bato, nɛ dəwje jebəre ba d’as dəwje jinaijoo d’iŋga kaji keneŋ dan mán bélm’g.

2 Piɛrə 2:3

Meeyèr gə́ meḛ dee’g lé ndam godo, yee ɓa, d’a sɔ sí ne gə taŋgɔmje lə dee ya. Deḛ lé gaŋg rəwta dɔ dee’g ləw ba lé to dɔ dee’g keg ɓəi ar tuji ya̰ dee ne gə goo ŋgalee el nja saar.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

2 Piɛrə 3:15

Maji kar sí gərje gao, boo-meekila lə Mbaidɔmbaije lé tel to kaji lə sí ya, to gə́ ŋgoko̰ sí gə́ Pool gə́ jeḛ j’undá dan kəm sí’g lé yeḛ kara ndaŋg taree ar sí gə goo kəmkàr gə́ Ala aree lé tɔ.

Jude 1:4

Mbata dəwje gə́ na̰je d’andə mbuna sí’g wai-wai, nɛ ta gə́ a gə kwa dɔ dee lé deḛ ndaŋg ləw ba. Deḛ neelé deḛ to njéndɔl-Alaje ɓa deḛ d’un noji lə Ala lə sí telee gə́ né lɔm dɔ néra gə́ kori-kori lə dee ləm, Mbaidɔmbaije Jeju Kristi gə́ to ɓée síje kára ba kiao lé deḛ mbadee saar ləm tɔ.