Njé gə́ Rɔmə 9:19 - Maktub gə́ To gə Kəmee

¹⁹ I a kulam pana: See ban ɓa yeḛ ila ta loo’g tɔɓəi wa. See na̰ ɓa gə njekɔsee dɔ né gə́ yeḛ ə̰ji mée’g gə mba ra wa.

Njé gə́ Rɔmə 9:19 ပူးပေါင်းရင်းမြစ်များ

Gḭ-Néje 50:20

Seḭ lé seḭ wɔjije-kwɔji raje səm majel. Nɛ Ala telee gə́ né gə́ maji mba karee to gin kaji lə dəwje bula to gə́ seḭ síje ne ɓogənè ya.

2 Sôrta Gḭka Israɛlje 20:6

Ndá yeḛ pana: Njesigənea̰, Ala lə bɔ síje-je lé see i nja ɓa to Ala mee dara’g ləm, i nja ɓa to njeko̰ dɔ ɓeeko̰je lə ginkoji dəwje gə raŋg ləm tɔ el wa. See to i nja ɓa siŋgamoŋ gə tɔgmbaŋ to kaḭ ar dəw kára kara askəm kaar ges nɔḭ’g el lé el wa.

Maktub gə́ wɔji dɔ Jɔb 9:19

See maskəm pata gə siŋgam wa. Yeḛ lé to njesiŋgamoŋ ya. See m’a kaw səa loo-gaŋg-rəwta’g wa. Ŋga see na̰ ɓa a ɓarm kam m’aar nea̰’g wa.

Pakɔsje 76:10

Loo gə́ Ala ḭ mba gaŋgta Gə mba kaji ne njénékəmndooje lai gə́ dɔ naŋg nee.

Esai 29:16

See dɔkədərə lə sí to gə́ ban ɓa bèe wa! See d’a koo njekubajo asəna gə a̰ji wa Mba kar né gə́ yeḛ ra lé pana: Yeḛ ɓa ra neḛ el wa. Esé mba kar jo ula njekubá pana: I lé gosonégər ləi godo see a pa bèe ya wa.

Mark 14:21

Ŋgon-dəw lé kɔd kuru kaw to gə́ ndaŋg taree wɔji ne dəa. Nɛ meeko̰ a nai dɔ dəw gə́ njekun dɔ Ŋgon-dəw’g lé. Débee neelé d’ojee el kara maji tɔ.

Néra Njékaḭkulaje 2:23

Dəw neelé seḭ uláje ji njémeeyèrje’g, ɗareeje ne kaar kag’d, gə goo rəw gə́ Ala nja wɔji mée’g kédé gə́ dɔtar.

Njé gə́ Rɔmə 11:19

I a pana: Deḛ tuga barkəm kagje mba kɔdé kəm kagɓee kulai keneŋ.

1 Njé gə́ Kɔrḭtə 15:12

Ɓó lé deḛ d’ila mber pana: Kristi teḛ mbuna njé gə́ d’wəi’g ndá ŋga, see ban ɓa njé gə́ na̰je mbuna sí’g pana: Njé gə́ d’wəi lé d’a teḛ dɔkumbwa’g nda̰ el wa.

1 Njé gə́ Kɔrḭtə 15:35

Nɛ dəw kára a dəji pana: See njé gə́ d’wəi lé d’a kunda loo teḛ dɔkumbwa’g to gə́ banwa. See rɔ dee neelé a to né gə́ banwa.

Maktub gə́ Jak ula ne ar ngan-Allaje 1:13

Ɓó lé dəw oso dan nékər’g ndá maji karee pa pana: Ala ɓa ər neḛ mbata né gə́ majel kar kara a kər Ala el ləm, Ala kara a kər dəw el ləm tɔ.

Maktub gə́ Jak ula ne ar ngan-Allaje 2:18

Nɛ dəw kára a pa pana: I nja to gə́ njemeekun, nɛ ma lé m’to gə́ njera née. Tɔjim meekun ləi gə́ lal ra né dɔ’g, nɛ ma lé néram gə́ maji ɓa m’a kwa kwɔji ne gin meekun ləm.