Njé gə́ Rɔmə 9:16 - Maktub gə́ To gə Kəmee

¹⁶ Togə́bè ɓa to né gə́ dəw wɔji mée’g el ləm, to né gə́ dəw aḭ ŋgwɔdee el ləm tɔ nɛ to né gə́ ka̰ Ala gə́ njemeekɔrjol lé ya.

Njé gə́ Rɔmə 9:16 ပူးပေါင်းရင်းမြစ်များ

Pakɔsje 110:3

Loo gə́ i mbo̰ njérɔje ləi dɔ na̰’d ndá Koso-dəwje ləi lé rɔ dee wɔilɔ ne pélé-pélé, Loo gə́ mabra uba bər ndá Siŋgai gə́ basi’g lé tel ree rɔi’g Asəna gə tàl bèe Mbuna néɗɔi-rɔ gə́ to gə kəmee’g lé.

Esai 65:1

Deḛ gə́ dəjim né kára el lé M’ar dee né ləm, Deḛ gə́ saŋgəm el kara Ma m’ar dee d’iŋgam ləm tɔ, Ma m’pana: Yḛ̀ m’aar nee M’ar ginkoji dəwje gə́ ɓar rim el.

Matiyo 11:27

Néje lai lé i Bɔm ɓa ɔm jim’g. Dəw kára kara gə́ njegər Ŋgon lé gə dɔrea godo nɛ Bɔbee ɓa gəree. Dəw kára kara gə́ njegər Bɔbee lé gə dɔrea kara godo tɔ nɛ Ŋgonee ɓa gəree ləm, dəw gə́ Ŋgonee lé a ria səa dəa gə́ raga ɓa a gəree ləm tɔ.

Matiyo 4:8

Njekurai lé undá aw səa dɔ mbal gə́ ŋgal léŋgé-léŋgé’g. Yeḛ tɔjee ɓeeko̰je gə́ naŋg nee lai-lai gə néro̰dubaje lə dee tɔ ndá yeḛ ulá pana:

Lugu 10:21

Mee kàree’g neelé nja rɔ Jeju lelee aree al ne rəa gə goo Ndilmeenda pana: Bɔm, i gə́ to mbai dɔ dara ləm, gə mbai dɔ naŋg nee ləm lé ma m’pidii mbata néje gə́ i ar kəm njékəmkàrje gə kəm njégosonégərje tɔ dɔ’g sum-sum lé i riba dəa ar ŋganje gə́ kari ba lé d’oo. Oiyo Bɔm, ma m’pidii mbata yee nja ɓa i oo gə́ né gə́ kəm ra ya.

Tagə́maji gə́ Ja̰ ndang 3:8

Lel ula gə loo-loo to gə́ mée wɔji ndá keaa gə́ ɓar ɓa i oo, nɛ i gər loo kḭyee əsé loo-kabee el. Dəw gə́ ndil ojee lé kara kea̰ to togə́bè tɔ.

Njé gə́ Rɔmə 9:11

Tɔgərɔ ya, loo gə́ deḛ d’oji ŋganje lé el ɓəi nɛ ŋganje neelé d’a gə ra né gə́ maji əsé né gə́ majel kara deḛ gər el ɓəi tɔ. Nɛ Ala pata nee wɔji ne dɔ dee gə goo né gə́ yeḛ wa dɔ gɔlee mée’g mba karee to gə goo rəbee gə́ yeḛ nja ɓar dee ne ɓó gə goo néra dəwje el.

Njé gə́ Galati 2:2

Ta gə́ kəm inja dɔ’g lé ɓa ma m’aw ne gə mbəa ya. Ma m’ɔr gin Tagə́maji gə́ ma m’ila mberee mbuna njépole-magəje’g m’ar dee d’oo ya nɛ m’ɔr ginee m’ar deḛ gə́ to gə́ njékɔrno̰ deeje loo gə́ d’isi gə kar dee ba gə mba kar ŋgwɔdkaḭ ləm gə́ m’aḭ lé a tel to né gə́ gə mḭdé ba el.

Njé gə́ Epesə 2:8

Tɔgərɔ ya, noji ɓa seḭ ajije ne goo meekun’g lə sí. To né gə́ Ala ɓa ar sí ɓó to né gə́ ḭ rɔ sí-seḭ’g el.

Njé gə́ Pilibə 2:13

Mbata to Ala nja ra kula meḛ sí’g ar sí ndigije raje togə́bè ləm, yeḛ ar rɔ sí wɔilɔ keneŋ gə mba ra tɔl bém ɓó gə taa ne kəmee ləm tɔ.

Maktub gə́ Jak ula ne ar ngan-Allaje 1:18

Yeḛ nja oji sí to gə́ mée ndigi, kankəmta ɓa yeḛ ɔr sí ne mba kar sí n’toje ne kó dəwje ləa.