Njé gə́ Rɔmə 8:9 - Maktub gə́ To gə Kəmee

⁹ Nɛ seḭ lé ɓó lé Ndil Ala to meḛ sí’g tɔgərɔ ndá seḭ waje goo rɔ sí dɔ Ndil’g ɓó dɔ ka̰ darɔ’g ɓa el. Ɓó lé nana ɓa nai gə Ndil Kristi el ndá njea neelé to ka̰ Kristi el tɔ.

Njé gə́ Rɔmə 8:9 ပူးပေါင်းရင်းမြစ်များ

Ejekel 11:19

N’a kar meḛ sí to asəna kára ba ləm, n’a kar ndil gə́ sigi to meḛ sí’g ləm tɔ. Dɔ ɓəŋgərə sí gə́ kədərə to gə́ mbal bèe lé n’a kɔr meḛ sí’g ndá n’a kar sí dɔɓəŋgərə dəw.

Lugu 11:13

Seḭ gə́ toje njémeeyèrje ɓəi-ə lé gərje loo karje ŋgan síje né gə́ maji gə́ deḛ kwɔi sí nɛ ɓəd ɓa see Bɔ síje gə́ si dara lé a lal kar deḛ gə́ kwɔiyee Ndilmeenda lé ɓəi wa.

Tagə́maji gə́ Ja̰ ndang 14:17

Yeḛ nja ɓa to Ndil gə́ gəd gə́ dəwje gə́ dɔ naŋg nee d’askəm kwá meḛ dee’g el mbata deḛ d’ée el ləm, gəree el ləm tɔ. Nɛ seḭ lé seḭ gəreeje mbata yeḛ orè sí més ləm, yeḛ a to meḛ sí’g ləm tɔ.

Tagə́maji gə́ Ja̰ ndang 14:23

Jeju ilá keneŋ pana: Dəw gə́ rara ɓa gə́ undam dan kəmee’g lé a kaa dɔ ta ləm kər-kər ya ndá Bɔm a kundá dan kəmee’g kar síjeḛ səa n’ree rəa’g j’uru kəi mée’g tɔ.

Tagə́maji gə́ Ja̰ ndang 3:34

mbata yeḛ gə́ Ala ulá lé tapa Ala lé ɓa yeḛ pa mbata Ala lé aree Ndilee gə́ kar ɓó wɔji el.

Tagə́maji gə́ Ja̰ ndang 3:6

Né gə́ darɔ oji lé to gə́ darɔ ya, nɛ né gə́ ndil oji lé to ndil ya tɔ.

Néra Njékaḭkulaje 16:7

Loo gə́ deḛ ree mbɔr ɓee gə́ Misi’g dəb ndá deḛ saŋg loo gə mba kuru kaw gə́ dəb ɓeeko̰ gə́ Bityni. Nɛ Ndil Jeju ya̰ loo ar dee el.

Njé gə́ Rɔmə 7:5

Tɔgərɔ ya, loo gə́ jeḛ nai gin darɔ’g ɓəi lé ndá mal ra kaiya gə́ godndu kila gel dee lé taa rɔ sí yéŋgé-yéŋgé ar sí j’andə ne gə kandə sí gə́ ka̰ yoo ya tɔ.

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

Njé gə́ Rɔmə 8:11

Ɓó lé Ndil yeḛ gə́ njeteḛ gə Jeju Kristi dan njé gə́ d’wəi’g lé to meḛ sí’g ndá yeḛ gə́ njeteḛ gə Jeju Kristi dan njé gə́ d’wəi’g lé a kaji darɔ sí gə́ njekunda naŋg lé gə goo Ndilee gə́ ra ɓee meḛ sí’g ya.

Njé gə́ Rɔmə 8:2

Tɔgərɔ ya, godndu ka̰ Ndil gə́ ka̰ kisi kəmba gin Jeju Kristi lé ɔr ta godndu gə́ ka̰ kaiya gə́ ka̰ yoo lé dɔm’g.

1 Njé gə́ Kɔrḭtə 15:23

Kristi to gə́ doŋgɔr lə dee, nɛ deḛ gə́ to ka̰ Kristi mee ndəa gə́ yeḛ a gə ree lé d’a teḛ korè goo na̰ goo na̰ tɔ.

1 Njé gə́ Kɔrḭtə 3:16

Seḭ toje kəi-Ala, Ndil Ala si meḛ sí’g tɔ. See seḭ gərje bèe el wa.

1 Njé gə́ Kɔrḭtə 6:17

Nɛ yeḛ gə́ ɔm na̰’d sad gə Mbaidɔmbaije ndá deḛ joo bɔr ndil dee a to gə́ kára ba tɔ.

1 Njé gə́ Kɔrḭtə 6:19

See seḭ gərje to gə́ darɔ sí to kəi-si Ndilmeenda gə́ Ala nja aree ree sí keneŋ meḛ sí’g el wa. Bèe ndá seḭ toje dəw dɔ rɔ sí el.

2 Njé gə́ Kɔrḭtə 10:7

Gir né gə́ raga gə́ seḭ ooje puduru ba lé see to né mba̰ wa. Ɓó lé dəw kára ə̰ji ta mée’g pana: Neḛ n’to ka̰ Kristi ndá maji karee oo gao to gə́ jeḛ kara jeḛ n’to ka̰ Kristi tɔ.

2 Njé gə́ Kɔrḭtə 6:16

See kəi-Ala gə ka̰ magə-poleje yḛ̀, d’a kula dee na̰’d loo gə́ ra wa. Mbata jeḛ lé n’to kəi-Ala gə́ njesikəmba to gə́ Ala nja pa pana: N’a sí keneŋ ləm, n’a njaa mbuna dee’g ləm tɔ, N’a to Ala lə dee ləm, deḛ nja kara d’a to koso-dəwje lə neḛ ləm tɔ.

Njé gə́ Galati 4:6

Ala nja ula Ndil Ŋgonee meḛ sí’g mbata jeḛ n’to ŋganeeje, yee ɓa yeḛ pa gə ndia wəl pana: Aba! Bɔm.

Njé gə́ Galati 5:24

Deḛ gə́ to gə́ ka̰ Jeju Kristi lé d’wa darɔ dee gə mal né gə́ ula pər meḛ dee’g ləm, gə né gə́ meḛ dee ndigi ləm tɔ lé d’wa bura ɗar kaar kag’d ya.

Njé gə́ Epesə 1:13

Seḭje kara loo gə́ seḭ ooje ta gə́ tɔgərɔ lé to Tagə́maji gə́ seḭ ajije ne, seḭ ɔmje ne meḛ sí dəa’g ndá yeḛ ar sí Ndilmeenda gə́ Ala un ndia gə mba kar sí lé unda sí ne gə dɔ jia.

Njé gə́ Epesə 2:22

Seḭje kara yeḛ rɔd sí ta na̰’d ar sí toje ne tar gəd-gəd mba kar sí toje kəi gə́ Ndil Ala a si keneŋ tɔ.

Njé gə́ Epesə 3:17

gə mba kar Kristi uru kəi meḛ sí’g gə goo meekun lə sí ləm tɔ. Bèe ɓa seḭ a kɔmje jam sí dan meenoji’g

Njé gə́ Pilibə 1:19

Mbata ma m’gər gao mbɔl dɔ tamaji gə́ seḭ raje ləm, gə dɔ Ndil lə Jeju Kristi gə́ la səm lé ləm tɔ lé ɓa né neelé a tel ne kajim ya.

2 Timote 1:14

Né gə́ maji gə́ d’ɔm jii’g gə mba kari aa dəa lé ndém ji dɔ’g més gə goo siŋgamoŋ lə Ndilmeenda gə́ to meḛ sí’g.

1 Piɛrə 1:11

Deḛ d’ula rɔ dee ndubu gə goo Ndil Kristi gə́ to meḛ dee’g mba gər ne ndɔ gə́ Ndil lé pa taree kédé wɔji ne dɔ néurti gə́ a gə ra Kristi gə rɔnduba gə́ a gə korè gée lé ləm, gə mba gər rəbee ləm tɔ.

1 Ja̰ 3:24

Yeḛ gə́ aa dɔ godndiaje kər-kər ndá yeḛ naḭ gin Ala’g ləm, ala kara naḭ mée’g ləm tɔ. Ndil gə́ yeḛ aree to meḛ sí’g lé ar sí n’gər gao to gə́ yeḛ naḭ meḛ sí’g ya.

1 Ja̰ 4:13

Jeḛ n’gər to gə́ jeḛ nai mée’g ləm, yeḛ kara nai meḛ sí’g ləm tɔ mbata yeḛ ar sí Ndilee.

1 Ja̰ 4:4

Ŋganəmje, seḭ lé seḭ toje ka̰ Ala ləm, seḭ dumje njéteggintaje gə́ ŋgɔm neelé ləm tɔ mbata yeḛ gə́ to meḛ sí’g lé ur dɔ yeḛ gə́ sí meḛ dəwje gə́ dɔ naŋg nee.

Loo gə́ killa rea kəm Ja̰’g 13:8

Dəwje lai gə́ d’isi dɔ naŋg nee lé deḛ gə́ ri dee godo mee maktub kəmə’g lə Ŋgonbad gə́ d’inja gə́ məs un kudee mee ndəa gə́ Ala tum ne gin naŋg nee lé ndá d’a kwá meḛ dee’g sud.

Loo gə́ killa rea kəm Ja̰’g 20:15

Nana ɓa gə́ ria godo mee maktub kəmə’g neelé ndá d’ilá dan pər gə́ tad rəg-rəg’d neelé tɔ.