Njé gə́ Rɔmə 8:39 - Maktub gə́ To gə Kəmee

³⁹ əsé gə njédumdɔlooje, əsé deḛ gə́ d’isi sém dara’g, əsé deḛ gə́ d’isi bwa-wəl gə́ suna godo, əsé nékunda gə́ rara gə́ dɔ naŋg nee, kara meenoji lə Ala gə́ kúla kum sí səa na̰’d gə Jeju Kristi Mbaidɔmbaije lə sí tegginee ar sí lé né kára kara as ga̰g kúla neelé pai godo.

Njé gə́ Rɔmə 8:39 ပူးပေါင်းရင်းမြစ်များ

Pakɔsje 64:6

Deḛ d’wa siŋga dee kɔgərɔ dan némeeyèr’g lə dee ləm, Deḛ d’ɔm na̰’d téréré gə mba kiya gumje lə dee ləm tɔ Ar dee pa ne pana: See na̰ ɓa a koo neḛje wa.

Gosota-Kəmkàrje 20:5

Néje gə́ dəw wɔji mée’g gə mba ra lé To d’asena gə mán gə́ uru yaa̰, Nɛ dəw gə́ njegosonégər ɓa gər loo to mán neelé.

Pa gə́ ur dɔ paje 3:4

M’ur dee m’teḛ lam ba bèe ya ndá M’iŋga yeḛ gə́ m’ndigee gə ŋgaw məəm bura lé, M’wa kaarm’g sud ɓó m’yá̰ m’aree aw el ya Saar m’aw səa kəi lə kɔmje Mee kəi’g lə yeḛ gə́ njekojim lé kɔrɔg ya.

Esai 10:33

Aa ooje, Mbaidɔmbaije gə́ to Njesigənea̰ gə́ njeboo-néje lé Riba barkəm kagje gə siŋgamoŋgee: Njé gə́ boo d’ur dɔ mar deeje lé Yeḛ gaŋg dee ləm, Njé gə́ ŋgal d’unda mar deeje lé kara Yeḛ guru dee rug-rug ləm tɔ.

Esai 24:21

Mee ndəa’g neelé Njesigənea̰ a gaŋgta dɔ boo-néje gə́ dara’g ləm, gə dɔ mbaije gə́ dɔ naŋg nee ləm tɔ.

Loo gə́ killa rea kəm Daniel’g 4:11

Yeḛ ɔr ndia gə́ tar wəl pana: Tugaje kag lé ləm, gaŋgje barkəmeeje ləm, Yəgje kameje yəg-yəg ləma, Saneje ka̰dee kad-kad ləm tɔ. Maji kar daje gə́ gelee’g d’aḭ sanéna̰ ləm, Kar yelje gə́ mbuna barkəmeeje’g kara D’ḭ sanéna̰ ya ləm tɔ!

Matiyo 24:24

Mbata njéndaji Kristije gə njétegginta gə́ ŋgɔmje d’a kuba na̰ kḭ gə mba ra nékɔbje gə némɔrije gə mba su ne kəm dəwje saar deḛ gə́ d’ɔr dee d’unda dee gə kəmee lé ya kara d’a koso keneŋ ləm tɔ.

Tagə́maji gə́ Ja̰ ndang 16:27

Mbata Bɔ-dəwje lé nja unda sí dan kəmee’g ya mbata seḭ lé ṵdamje dan kəm sí’g ləm, ta kḭ gə́ m’ḭ rɔ Ala’g lé seḭ ɔmje meḛ sí dɔ’g ləm tɔ.

Tagə́maji gə́ Ja̰ ndang 17:26

Ma m’riba sə dee dɔ rii mba̰, nɛ m’a tel riba sə dee ya ɓəi to mba kar meenoji gə́ i undam ne dan kəmi’g lé a to meḛ dee’g ləm, ma kara m’a kɔm sə dee na̰’d téréré ya ləm tɔ.

Tagə́maji gə́ Ja̰ ndang 3:16

Ala ndigi dəwje lai-lai dɔ naŋg nee, unda dee dan kəmee’g ɓa un Ŋgonee gə́ gəd-gəd kára ba ulá ar dee mba kar nana ɓa gə́ ɔm mée dəa’g ndá a si gə kəməgə́ gə no̰ lé ɓó a kudu nda̰ el.

Njé gə́ Rɔmə 1:7

Seḭje lai gə́ sije Rɔm, seḭ gə́ Ala ɓar sí unda sí dan kəmee’g gə mba kunda sí gə kəmee lé maji kar noji gə meelɔm lə Ala Bɔ síje ləm, gə ka̰ Mbaidɔmbaije Jeju Kristi ləm tɔ lé nai sə sí.

Njé gə́ Rɔmə 11:33

Ala lé boo-nébaoje ləa ləm, kəmkàr ləa ləma, négərje ləa ləm tɔ lé to boo-néje gə́ al dɔ loo sula ya. Rəwta-gaŋg ləa dum gər ləm, dɔ rəwje ləa kara dum gər ləm tɔ.

Njé gə́ Rɔmə 5:8

Nɛ Ala nja kila meenoji ləa kɔd gə́ rɔ sí’g mbata loo gə́ jeḛ nai gə́ njékaiyaje ɓəi lé Kristi wəi gə mbata lə sí.

Njé gə́ Rɔmə 6:23

Mbata nékoga dɔ ji kaiya lé to yoo, nɛ nojikwa lə Ala gə́ yeḛ wa sə sí lé to kəmə gə́ gə no̰ lé gə́ j’a kiŋga loo kɔm na̰’d gə Jeju Kristi Mbaidɔmbaije lə síjeḛ lé.

Njé gə́ Rɔmə 8:1

Bèe ndá deḛ gə́ d’ɔm na̰’d gə Jeju Kristi lé ta kára kara wa dɔ dee ɓasinè el.

Njé gə́ Rɔmə 8:35

Meenoji lə Kristi gə́ kúla kum sí səa na̰’d lé see na̰ ɓa gə́ njega̰gee wa. See némeeko̰, əsé néurti, əsé nékəmndoo, əsé ɓoo, əsé kaw kudu dum, əsé néyooje gə́ d’aḭ dɔ sí sub, əsé kiambas, see néje gə́ togə́bè ɓa d’askəm gaŋg kúla meenoji lé wa.

2 Njé gə́ Kɔrḭtə 11:3

Nɛ lé bèe kara ma m’ɓəl nà banelə to gə́ li ra gosɔyèr su ne kəm Ebe su-su lé takə̰jije lə sí kara a kar sí ndəmje ne kar sí ubaje ne ta lə Kristi gə́ seḭ ndaje meḛ sí kaḭ dəa’g lé kya̰je.

2 Njé gə́ Kɔrḭtə 2:11

mba kya̰ ne loo kar Njekurai tel ne dɔ sí wagəsa el mbata yeḛ lé jeḛ n’gər goso ləa gao ya.

Njé gə́ Epesə 1:4

Mbɔl dɔ Kristi lé ɓa Ala ɔr sí ne unda sí ne gə kəmee kédé gə́ dɔtar, loo gə́ yeḛ tum ne gin naŋg nee el ɓəi, mba kar sí j’isi ne gə kəmee nea̰’g ləm, kar gel sí godo ləm tɔ.

Njé gə́ Pilibə 3:12

Né gə́ m’aḭgwɔdee lé m’taa el ɓəi ləm, m’to maji m’ɔr njoroŋ el ɓəi ləm tɔ, nɛ m’aiŋgwɔd m’nar rɔm mba kwa né gə́ m’aḭgwɔdee lé gə jim peb ya mbata ma lé Jeju Kristi wam gə jia peb mba̰.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.

Njé gə́ Pilibə 3:8

Tɔgərɔ ya, néje lai kara ma m’oo dee gə́ néje gə́ tuji mbata gər ndaa Mbaidɔmbaije Jeju Kristi lé yee ɓa ma m’oo gə́ né gə́ maji dum ya ndá m’uba néje lai m’ya̰ dee m’oo dee ne gə́ néje gə́ sa d’ɔm dɔ ɓiri-ɓisi’g, mba kiŋga Kristi ləm,

2 Njé gə́ Tesalonikə 2:4

Diŋgam gə́ njeyèr lé yeḛ nja ɓa gə́ njeba̰ gə́ a kuba loo kḭ naji loo gə Ala ləm, gə né gə́ rara gə́ dəwje d’wa meḛ dee’g ləma, a ra saar kuru ne mee kəi-Ala’g ɓa a tar rəa pana: Neḛ nja gə́ Ala ləm tɔ.

1 Ja̰ 4:16

Meenoji lə Ala gə́ yeḛ unda sí ne dan kəmee’g lé jeḛ n’gər gao j’ɔm meḛ sí dɔ’g tɔ. Ala to darɔ meenoji ya, dəw gə́ meenoji uru kəi mée’g ndá yeḛ si mee Ala’g ar Ala kara si mée’g tɔ.

1 Ja̰ 4:19

Jeḛ lé j’unda Ala dan kəm sí’g mbata yeḛ nja unda sí dan kəmee’g kédé gə́ dɔtar.

Loo gə́ killa rea kəm Ja̰’g 12:9

Deḛ tuba dakɔb gə́ ria lə li-gə́-ləw gə Njekurai, yeḛ gə́ su kəm dəwje lai dɔ naŋg nee su-su lé deḛ d’wá d’ilá dɔ naŋg nee na̰’d gə kuraje ləa tɔ.

Loo gə́ killa rea kəm Ja̰’g 13:14

Nékɔbje gə́ d’un ndu dee d’aree mba ra lé yeḛ su ne kəm dəwje gə́ dɔ naŋg nee su-su ləm, yeḛ ula dəwje gə́ dɔ naŋg nee mba kar dee ndaji rɔ da gə́ kédé gə́ iŋga doo-kiambas neelé ɓa aw kəmba bèe ləm tɔ.

Loo gə́ killa rea kəm Ja̰’g 19:20

Deḛ d’wa da lé gə njéteggintaje gə́ ŋgɔm lé na̰’d, deḛ gə́ ra nékɔbje nea̰’g su ne kəm dəwje gə́ deḛ tɔs nétorji lə da lé ŋgo no̰ dee’g ləm, deḛ pole ne néndajirea lé ləm tɔ. Deḛ joo bɔr lé d’ɔm dee dan pər gə́ tad rəg-rəg gə́ o̰ bilim-bilim gə́ kṵjee teḛ kas njir-njir.

Loo gə́ killa rea kəm Ja̰’g 2:24

Seḭ dəwje gə́ raŋg gə́ sije Tiatirə lé seḭ gə́ taaje tandoo neelé el ləm, seḭ gə́ naaje meekuru lə Njekurai gə goo ta gə́ deḛ nja pa el ləm tɔ lé ma nja m’ula sí təsərə m’pana: M’a kunda nékodo gə́ wɔi gə́ raŋg dɔ sí’g el.

Loo gə́ killa rea kəm Ja̰’g 20:3

Yeḛ ilá mee bwa-wəl gə́ ɔr duu’g lé udu təa rḛdə mbiao̰ ɓó gə mba karee su kəm ginkoji dəwje gə raŋg gogo el ŋga saar ləb tɔl-dɔg neelé rudee a kun ɗiao. Gée gə́ gogo ndá tudee kilá ne tar waga ba ɓa gə́ kuma̰.

Loo gə́ killa rea kəm Ja̰’g 20:7

Loo gə́ ləb tɔl-dɔg lé rudee a kun ɗiao ndá d’a tudu Njekurai loo daŋgai’g ləa kilá tar ɓəi.