Njé gə́ Rɔmə 8:37 - Maktub gə́ To gə Kəmee

³⁷ Nɛ mbɔl dɔ yeḛ gə́ njekunda sí dan kəmee’g lé néje neelé lai gə́ ra sí lé gə ges néje gə́ raŋg ɓəi kara jeḛ dum dee ne gə lèlé ba.

Njé gə́ Rɔmə 8:37 ပူးပေါင်းရင်းမြစ်များ

Esai 25:8

Yeḛ tuji yoo pugudu saar gə no̰, Mbaidɔmbaije gə́ Njesigənea̰ a bi mán-no̰ kəm dəwje’g lai ləm, Yeḛ a kar rɔkul-boo gə́ wa kəm koso-dəwje ləa lé Godo dɔ naŋg nee lai ləm tɔ, Mbata Njesigənea̰ ɓa pa bèe.

Tagə́maji gə́ Ja̰ ndang 16:33

Ma m’ula sí ta néje neelé mba kar meḛ sí gə́ seḭ ɔmje səm na̰’d sad lé seḭ a sije ne gə meekulɔm ya. Nékəmndoo a ra sí dɔ naŋg nee ya, nɛ waje rɔ sí kɔgərɔ mbata ma m’dum dɔ loo gə́ naŋg nee mba̰ tɔ.

Njé gə́ Rɔmə 8:35

Meenoji lə Kristi gə́ kúla kum sí səa na̰’d lé see na̰ ɓa gə́ njega̰gee wa. See némeeko̰, əsé néurti, əsé nékəmndoo, əsé ɓoo, əsé kaw kudu dum, əsé néyooje gə́ d’aḭ dɔ sí sub, əsé kiambas, see néje gə́ togə́bè ɓa d’askəm gaŋg kúla meenoji lé wa.

1 Njé gə́ Kɔrḭtə 15:54

Loo gə́ rɔ sí gə́ yɔlé a kun yeḛ gə́ a gə yɔlé el kula rəa’g ləm, rɔ sí gə́ ka̰ naŋg nee a kun yeḛ gə́ a kwəi el kula rəa’g ləm tɔ ndá ta gə́ to mee maktub gə́ to gə kəmee neelé a kaw lée’g béréré ya: Siŋgamoŋ tur dɔ yoo pubug mba̰.

1 Njé gə́ Kɔrḭtə 15:57

Nɛ Ala lé gə́ njekar sí j’un baŋga gə ri Mbaidɔmbaije lə sí Jeju Kristi lé maji kar dɔ ria ai səgərə ya.

2 Njé gə́ Kɔrḭtə 12:19

Ləw ba saar ɓasinè, seḭ ə̰jije meḛ sí’g pajena: Jeḛ lé n’saŋg loo gə mba taa rɔ sí ɓa ji sí-seḭ’g. Jeḛ lé j’ɔm na̰’d gə Kristi ɓa jeḛ m’pata nee no̰ Ala’g ɓa. Seḭ gə́ m’unda sí dan kəm’g lé jeḛ m’pata néje neelé mba kunda ne siŋga sí dɔ maree’g.

2 Njé gə́ Kɔrḭtə 12:9

Ndá yeḛ ilam keneŋ pana: Meenoji ləa a kasm nag ya, mbata siŋgamoŋ ləa a kɔr dɔ loo rəm’g ləm njal ya. Yen ɓa m’a kḭ gə́ rɔm ti ne rɔm dɔ nérəmje’g ləm mba kar siŋgamoŋ lə Kristi nai ne rɔm’g.

2 Njé gə́ Kɔrḭtə 2:14

Maji ra Ala oiyo mbata mbɔl dɔ Kristi lé ɓa yeḛ ar sí n’dum ne loo ta-ta ləm, yeḛ ar sí j’unda ne baḭ gər ndiaa gə loo-loo ləm tɔ.

Njé gə́ Galati 2:20

Ma m’ɗar rɔm gə Kristi na̰’d, ɓó lé m’isi kəmba ndá kara to ma el ŋga, nɛ Kristi ɓa si kəmba məəm’g, ɓó lé m’isi kəmba gə darɔm ɓasinè ndá kara meekun gə́ m’un m’ar Ŋgon-Ala lé ɓa m’isi ne kəmba. Yeḛ nja ɓa undam dan kəmee’g, ya̰ rəa ar yoo mbata ləm tɔ.

Njé gə́ Epesə 5:2

Ɔsje rɔ sí ɓad gə́ kédé-kédé dɔ meenoji’g, ndajije ne kəm Kristi, yeḛ gə́ unda sí dan kəmee’g ləm, ya̰ ne rəa ar Ala mbata lə sí ləm tɔ. Yee ɓa yeḛ to ne nékar gə nékinjaməs gə́ baḭyee ə̰də lel Ala ya.

2 Njé gə́ Tesalonikə 2:16

Maji kar Jeju Kristi Mbaidɔmbaije lə sí nja ləm, gə Ala Bɔ síje gə́ unda sí dan kəmee’g ləm tɔ lé d’wa sə sí noji d’ar sí j’isi ne dan meelɔm’g gə́ to gə no̰ ləm, d’ar meḛ sí to ne yel ləm tɔ lé

1 Ja̰ 4:10

Aa ooje, rəw meenoji lə Ala lé ɓa nee: Jeḛ ɓa j’unda Ala dan kəm sí’g kédé el nɛ yeḛ nja ɓa unda sí dan kəmee’g ɓa ula Ŋgonee gə́ gəd-gəd aree ree tel nékinjaməs mbata kaiya lə sí ya.

1 Ja̰ 4:19

Jeḛ lé j’unda Ala dan kəm sí’g mbata yeḛ nja unda sí dan kəmee’g kédé gə́ dɔtar.

1 Ja̰ 4:4

Ŋganəmje, seḭ lé seḭ toje ka̰ Ala ləm, seḭ dumje njéteggintaje gə́ ŋgɔm neelé ləm tɔ mbata yeḛ gə́ to meḛ sí’g lé ur dɔ yeḛ gə́ sí meḛ dəwje gə́ dɔ naŋg nee.

Jude 1:24

Yeḛ gə́ askəm lam sí loo-koso gə́ rara kara ləm, gə́ askəm teḛ sə sí gə rɔ sí gə́ àr ŋgad-ŋgad kar sí aarje ne gə rɔlel dan rɔnduba’g ləa ləm tɔ lé

Loo gə́ killa rea kəm Ja̰’g 1:5

gə ka̰ Jeju Kristi Njekɔrgoota gə́ to Majikoji gə́ unda loo teḛ dan njé gə́ d’wəi’g doŋgɔr lé yeḛ to Mbai dɔ mbaije gə́ dɔ naŋg nee ləm tɔ. Yeḛ nja unda sí dan kəmee’g, togo ne kaiya lə sí gə məsee ləm,

Loo gə́ killa rea kəm Ja̰’g 12:11

Məs Ŋgonbad lé ɓa deḛ dumee ne ləm, ginta gə́ deḛ d’ɔr njai ɓa deḛ dumee ne ləm tɔ ndá deḛ d’ya̰ rɔ dee yag d’ar yoo ɓó deḛ ɓəl el.

Loo gə́ killa rea kəm Ja̰’g 17:14

D’a rɔ gə Ŋgonbad lé nɛ Ŋgonbad lé a dum dee mbata yeḛ to Mbaidɔmbaije ləm, yeḛ to Mbai gə́ ur dɔ mbai mareeje’g ləm tɔ ndá deḛ gə́ yeḛ ɓar dee ləm, yeḛ ɔr dee unda dee gə kəmee ləma, deḛ to ŋgankojije gə́ nai səa ləm tɔ lé deḛ nja d’a dum dee ya tɔ.

Loo gə́ killa rea kəm Ja̰’g 21:7

Yeḛ gə́ a kun baŋga ndá a kiŋga néje neelé: n’a to gə́ Ala ləa ləm, yeḛ a to gə́ ŋgon neḛ ləm tɔ.

Loo gə́ killa rea kəm Ja̰’g 3:9

Aa oo, deḛ gə́ d’isi kəi-kwa-dɔ-na̰’g lə Njekurai gə deḛ gə́ tar rɔ dee gə́ Jibje nɛ deḛ to Jibje el nɛ deḛ gaŋgta gə́ gaŋg lé ma nja m’a kodo dee kari ya. Aa oo, m’a kar dee ree d’ula dɔ dee naŋg gɔli’g ləm, m’a kar dee gəri gə́ dəw gə́ m’undai dan kəm’g ləm tɔ.