Njé gə́ Rɔmə 8:31 - Maktub gə́ To gə Kəmee

³¹ See j’a pa ban dɔ ta’g neelé ɓəi wa. Ɓó lé Ala nai sə sí ndá see na̰ ɓa a koma̰ sə sí gə dɔrea wa.

Njé gə́ Rɔmə 8:31 ပူးပေါင်းရင်းမြစ်များ

Gḭ-Néje 15:1

Loo gə́ ta néje neelé dəs mba̰ ndá né gə́ mḭdi ɓa Njesigənea̰ teḛ ne dɔ Abram’g un ta ulá ne pana: Abram, ɓəl el. Ma m’to dər-rɔ ləi ndá nédɔji ləi a kal dɔ loo.

1 Mbaije 8:57

Maji kar Njesigənea̰, Ala lə sí nai sə sí to gə́ yeḛ nai ne gə bɔ síjeḛ-je bèe, maji karee uba sí ya̰ sí el ləm, gə ya̰ goo sí yɔgɔ el ləm tɔ

2 Mbaije 6:16

Yeḛ ilá keneŋ pana: Ɓəl el mbata njé gə́ d’aar sə síjeḛ lé bula yaa̰ d’unda njé gə́ d’aar sə dee-deḛ ɓəi.

1 Sôrta Gḭka-Israɛlje 19:15

Loo gə́ Amo̰je d’oo to gə́ Aramje buŋga na̰ d’aḭ ndá deḛ kara buŋga na̰ d’aḭ no̰ Abisai’g, yeḛ gə́ to ŋgoko̰ Joab tɔɓəi deḛ tel d’aw mee ɓee-boo’g tɔ ndá Joab tel aw Jerusalem gogo tɔ.

1 Sôrta Gḭka-Israɛlje 5:22

Yoo dəwje to yaa̰ mbata rɔ lé ḭ rɔ Ala’g lé ya. Deḛ tel d’isi tor dee’g ya saar kar dee d’aw ne sə dee ɓee ɓər’g.

Pakɔsje 118:6

Njesigənea̰ lé to njela səm, Ma m’ɓəl né kára kara el. See ɗi ɓa dəwje d’askəm ra səm ɓəi wa.

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:7

Ginkoji dəwje gə raŋg lé d’aw dɔ na̰’d pum-pum D’ar ŋgira ɓeeko̰je gə́ dɔ naŋg nee yə, Yeḛ ar dee d’oo ndia ndá Dɔ naŋg ula déréré-dèrèrè gə ɓəl.

Pakɔsje 56:11

Ma m’nduba rɔm ká gin Ala’g lé ləm, Gə́ ma m’pidi tapea lé ləm, Ma m’nduba rɔm ká gin Njesigənea̰’g ləm, Gə́ ma m’pidi tapea lé ləm tɔ.

Pakɔsje 56:4

Loo gə́ ma m’isi dan ɓəl’g lé Ndá i nja ɓa m’ɔm məəm dɔi-i’g ya.

Pakɔsje 56:9

Kila gɔlmje gə́ m’isi ne kəmba M’aw ne tar yo gə́ nee lé I tura dee ɗém-ɗém, Man no̰je gə́ kəm’g lé maji kari mbo̰ dee ɔm mee ku’g ləi. See i ndaŋg taree mee maktub’g ləi el wa.

Esai 41:10

Ɓəlje el Mbata ma m’nai sə sí, Maji kar sí aaje loo gə kəm ɓəl el Mbata ma m’to Ala lə sí, M’a kar siŋga sí ḭ dɔ maree’g ləm, M’a ree la sə sí ləma, M’a gəd sí gə jikɔlm gə́ ɓar mèr-mèr ləm tɔ.

Esai 54:17

Nérɔje lai gə́ dəwje ra mba rɔ ne səi lé D’a tel to né gə́ kari ba, Tapaje lai gə́ gaŋg ne rəwta dɔi’g lé I ɓa a kɔr ta kwa dee ne. Yee ɓa gə́ nédɔji lə kuraje lə Njesigənea̰, Yee ɓa gə́ kaji gə́ a kḭ rɔm’g teḛ rɔ dee’g, Njesigənea̰ ɓa pa bèe.

Esai 8:10

Ɔmje ta lə sí na̰’d dɔ né gə́ seḭ wɔjije-kwɔji ra Ndá né neelé a teḛkɔr el, Unje ndu sí ar deeje Ndá a tel to né gə́ kari ba Mbata Ala si sə síjeḛ.

Jeremi 1:19

Deḛ d’a rɔ səi Nɛ deḛ d’a dum dɔi el, Mbata m’a nai səi mba kajii, Njesigənea̰ ɓa pa bèe.

Jeremi 20:11

Nɛ Njesigənea̰ nai səm Asəna gə bao-rɔ gə́ njesiŋgamoŋ bèe, Gelee gə́ nee ɓa njékula kəm ndooje lé D’unda ne ndolè ɓó dum dɔm el, Rɔkul a tɔ dee gaa-gaa Mbata dum gə́ deḛ dum dɔm el lé. To rɔkul gə́ a to saar gə no̰ Gə́ mee dəw a kwəi dɔ’g el.

Jeremi 42:11

Maji kar sí ɓəlje mbai gə́ Babilɔn Gə́ seḭ ɓəleeje lé el, Ɓəleje el ɓó, Njesigənea̰ ɓa pa bèe, Mbata m’a nai sə sí mba kaji sí ləm, Gə mba kɔr sí jia’g ləm tɔ,

Bula lə Israɛlje 14:9

Nɛ maji kar sí ḭje ɔsje Njesigənea̰ rəw el ləm, ɓəlje dəwje gə́ mee ɓee’g neelé el ləm tɔ mbata d’a to naḭ dɔ muru lə sí ləm, né gə́ njetaa dɔ dee godo ləm tɔ: Njesigənea̰ nai sə sí ya ɓó ɓəl deeje el!

Matiyo 1:23

Aa oo, ŋgoma̰də a taa kèm ndá a koji ŋgon gə́ diŋgam, D’a kunda ria lə Emanuɛl (tel ta koji sí, Ala nai sə síjeḛ).

Njé gə́ Rɔmə 3:5

Nɛ ɓó lé néra sí gə́ gə dɔ najee el lé a kila meekarabasur lə Ala lé kɔd ndá see ta ɗi ɓa j’a pa wa. Ala lé loo gə́ yeḛ kila oŋg ləa gə́ raga ndá see a to njera né gə́ to gə dɔ najee el wa. (Ma m’pa gə goso tapa lə dəwje ya.)

Njé gə́ Rɔmə 4:1

See j’a pa ban dɔ Abrakam gə́ to ka síjeḛ gə́ wɔji dɔ darɔ sí lé wa. See ɗi ɓa yeḛ iŋga wa.

Tel tura Godndu 33:29

Israɛlje d’isi dan rɔlel’g! See na̰ ɓa to tana sə sí wa. Seḭ toje koso-dəwje gə́ Njesigənea̰ aji dee ləm, Yeḛ to dər gə́ la sə sí ləm, Gə kiambas gə́ to baŋga lə sí ləm tɔ. Njéba̰je lə sí d’a kunda barmba no̰ sí’g Ndá seḭ a tubaje dɔ looje lə dee gə́ d’ḭta lé gə gɔl sí tɔ.

Jujé 10:42

Juje taa ɓeeje neelé lai ləm, gə mbaije lə dee gə́ keneŋ ləm tɔ mbata Njesigənea̰, Ala lə Israɛlje rɔ ar dee tɔ.

1 Ja̰ 4:4

Ŋganəmje, seḭ lé seḭ toje ka̰ Ala ləm, seḭ dumje njéteggintaje gə́ ŋgɔm neelé ləm tɔ mbata yeḛ gə́ to meḛ sí’g lé ur dɔ yeḛ gə́ sí meḛ dəwje gə́ dɔ naŋg nee.

1 Samel 14:6

Jonatan ula basa gə́ odo nérɔje ləa lé pana: Gə́ ree ar sí j’aw saar n’teḛje loo-si njé gə́ lal kinja tamɔd dee’g. Banelə Njesigənea̰ a ra né mbata lə sí mbata Njesigənea̰ lé ɓó lé njé gə́ ləa jebəre ba əsé deḛ bula kara né gə́ njekɔgee loo kaji dəwje lé godo.